*-* احـــبه و حب غيري *-* لا تطوووفكــــم

[الـ ـشـ ـقـ ـا ويـ ـه]

صدق انش عوبه
<-واقفه على باب المنتدى تتنطرها ومعاها عجره خخخخخخخخخخخخخ
عوبه يالله عاد وش ذالتعليق العنيف

[عبدالرحمن الرتيبان]

هههههههههههههههههههههههه
هههههههههههههههههههههههههه

للحين ماخلصة القصه

اذكر قرتها من قبل اسبوع وللحين ما خلصة الضاهر هذي قصة حياة هذي البيت

اهاااااااااااااااااا

اقول يالعوبه


ليكون هذي قصة حياتش ههههههههههههههههههههههه

لا امزح وياش

بس لحد يطول

[( العوبـــه )]

((((( الجزء الاخير )))))
هذي التكملة وسامحوني ع التاخير ....
.................................................. .....................

اول ما دش سعود الغرفة .. شاف ريم نايمه فيها كمام و جهاز القلب واشياء وااااااااجد .... وقف يستوعب ان هذي ريم اللي هو ميت فيها ..
سارة وامها كانو بره لان ممنوع الدخول ..
ويقرب سعود عند ريم : ريم حبيبتي ريم انا سعود
ريم مو حاسه فيه ولا شيء ...
ويمسك ايدها ويبوسها : خربو يدج من الوايرات ..
ويدق تيلفون سعود...: الوو
ناصر : هلا سعود وينك عندك عمليه تسويها
سعود : ناصر الله يرحم والديك والله ما اقدر اسوي العمليه
ناصر : سعود فيك شيء وانا اخوك
سعود : لا مافيني الا العافيه ... (( يكلمه واهوا ماسك ايد ريم ويناظر عيونها ))
ناصر : انا اشهد ان وراك شيء
سعود : تكفى يا بو بدر تصرف انت انا تعبان
ناصر : ابشر تم ..انا اكلمك بعدين
سعود : يالله مع السلامه
ويدخل الدكتور مصطفى ... : دكتور سعود خير انشالله ليش داش الجناح
سعود : هلا دكتور شخبارك
الدكتور : هلا .. عايز ايه بالعنايه المركزة
سعود توهق لان ممنوع الدكاترة يعاينون مرضى الاقسام الثانية : دكتور ريم خطيبتي
الدكتور : ايوااا ... بس لازم تخرج الحين لان عايزين نشوف ماشرات المخلص،.
سعود يعطي الدكتور رقمه : تكفى دكتور أي شيء بس عطني رنه طلبتك تراها عيوني اللي اشوف فيها ...
........
بعد اسبوع ... ريم بغيبوبه ليلحين ما قامت .. وامها تجيها الصبح وتروح الساعة 7 بليل ... وسعود من الساعة 8 بليل ليما 6 الصبح عندها ولا يوم خلاها ....
الساعة 11 بليل ..
.....................................
سعود ماسك القرآن ويقرا عند راس ريم ...
مادرى الا اللي تقول : ابي ماي
سعود فز من مكانق من الخرعة : ريم ريم الحمد لله ع السلامه الحمد لله ..
ويقوم ركض ويجيبلها ماي ويعطيها ....
ريم : انا ليش هنيه شصاير
سعود يقولها السالفة كلها ... وقالها انها بغت تموت..
ريم تضحك ...
سعود : ليش تضحكين
ريم : ما ادري استانست اول ما شفتك جمبي
سعود استحى : هااااه .... لا .. انا كنت مار .... ههههههههههه
ريم : ابي امي
سعود : امج ... أي ... يووووووه شفيني هههه بروح ادق على امج
ويروح سعود ويدق على امها وجت العايلة الكريمه كلها وبعد يوم اطلعت ريم وراحت البيت ...
...........................
بعد شهر ...
..........
ريم : يماااااااااا
الام : هلا عيون امها
ريم : ماماااااتي
الام : عيوني
ريم : ابي اروح المدرسه مليت
الام بعصبيه : لاااااا صحتج مهي بزينه
ريم : يماا مليت
الام : احسن ..
.... وتقوم وتخليها....
الساعة 5 جت ام بدر مع بناتها غزلان وهديل....
ريم : هلاااااااااااا
غزلان : هلاااا بج
هديل : يا حي ذا الزول
ويقعدون يهرجون 0.....
ويدخل عليهم بدر ....
ويسلم علة خالته .. ويلتفت على ريم ..
بدر : قوة ريم
ريم بنفسيه : هلا
بدر : شخبارج
ريم : اففففففف تمام
وتلف وتروح وتخلي بدر .....
تضاايقت ريم من بدر حييييل ....
....................
الساعة 2 بليل يدق تيلفون ريم : الو
....: اللوووو
ريم : منوو
سعود : انا سعود
ريم : هلا دكتور
سعود : هلا فيج شخبارج ريم
ريم : تمام انت شخبارك (( ريم مستانسه لانها كانت تفكر فيه))
سعود : انا تمام الله يسلمك
ريم : غريبه الدكتور يدق على المريضة
سعود : بس مو أي مريضة
ريم منصدمه : شقصدك
سعود : ريم ادق عليج شوي
ريم : اوكي ...
وسكر الخط سعود .. بعد ربع ساعة
جاي لريم مسج ... وتفتحة ريم ولقت رساله من سعود (( اشتقتلج ))
ريم انصدمت اكثر .. وتدزله مسج
(( سعود ترى صعبه علي اصدق انك تسأل عن احوالي كمريضة ))
ويدز سعود ...
(( ريم انتي مو مريضه وبس اصلا انسي المرض .... ))
ومسج ثاني من سعود
(( ريم انتي نور عيوني اللي اشوف فيهم .. شهر مر وماشفتج الله الوحيد اللي يعلم بحالي يا ريم ))
ريم امتنحه حدهاااااا : هذا شقصدة لبيه محلاه ومحلا علباه ... يووووووه يا زوله دميييييير..
(( سعود لازم تقدر ظروفي وانت الحين صدمتني حيل مو قليل ))
سعود :
(( أي ظروف أي كلام فاضي انا ابيج ابي اتزوجج ))
ريم :
(( يعني تخطبني ؟؟ آهاا ))
سعود :
(( ريم احبج ))
ريم :
(( ؟؟؟))
سعود :
(( مافهمت ))
ريم :
(( تصبح على خير ))
وتغلق ريم جهازها وتقعد تفكر بالغلا كله سعود....
..................................................
في المستشفى ..
..............................
الساعة 6 المغرب..
........
ناصر : سعود يا خوك وش فيك متغير حيل هالايام وماتشتغل ولا تشوف مرضاك .. لو هي واقفة على المرضى قلنا زين ..
سعود : شقصدك ؟؟
ناصر : حتى حضورك انا اوقع لك
سعود : آآآآآآآآه يا هم بصدري له 3 اشهر مدري مدري مبتلش يا خوك
ناصر يفز : افااا بس افاا ارقبتي سدادة .. ابشر فيني عند وجهك
سعود : ههههه الخير واجد والحمد لله بس القلب
ناصر : انت فيك القلب
سعود : وييييييييه من زماان
ناصر : رحت للدكتور خالد آمان بوحدة القلب اتوصطلك عندة قم
سعود : بس دواي مو عندة
ناصر : انت متعامل مع عيادة خاصة اكيد
سعود : يا ولد مافيني مرض القلب اسم الله علي
ناصر : اجل وشهو
سعود : قلبي مسروق ... ريم اسرقته
ناصر معصب : مالت عليك زين ضايقتني عبالي فيك شي اثرك تلعب علي ماااااااالت
سعود يضحك بقهر : ههههههههه احبهاااااااااااااااااااااااااااااااااااااا
ناصر : ماكنت متأكد من حبك بس الحين اووووووف اشهدانك عاشق
سعود : النصيحة ؟
ناصر : اسمع انت رجال والنعم وهي بنت ما اعرفها .. يعني خلك رجال مثل الرجاجيل ورح واخطبها من اهلها .. ترا مايلعب على البنات الا اللي اهله هو خالصين منه ..
سعود : ياولد انا عن اميه رجال .. انا قلتلها اني بتزوجج ..
ناصر منصدم : تكلمها!!
سعود : لا لا بس دزيتلها مسج اقولها
ناصر : ومن وينلك رقمها ؟؟
سعود : من ملفها
ناصر : آهاااا
.................................................. .......
في بيت ام احمد .
.....
الساعة 8 بليل ..
ريم متشفقه على شوفه سعود مشتاقتله حييل ...
وتقوم وتدق على البندري
ريم : الو بندورة
بندري : عيووونها الحمر
ريم : شفيهم عيونج
بندري : حساسيه من الجو الخايس
ريم : بندورة تعالي ابيج
بندري : اخيه شتبين فيني
ريم : اموووووووووت على زولج
بندري : يا المقرفة
ريم : اخلصي تعالي مجروحة جرح عميق
بندري : اسم الله عليج من الجروح لا تفاولين على نفسج
ريم : اخلصي ماعندي رصيد تعالي
بندري : يالله تميرضي بقول لامي انج مريضة ومتضايقة
ريم تكح : مرض من الحين انطرج بااااي
وتسكرة ريم ...
.........................
في بيت ام مرزوق
.........
بندري : يماااااااااااااااااااااااااااااااااااااااااااااااا ااااااااااااااااااااااااااااا
الام : وجعه
بندري : يما عيب هالالفاظ تبيني ايعلم على الكلام الخايس
لالم : وجعتين
بندري : يا بياعة الوجعات ممكن طليب اوحيد
الام : اخلصي بروح عند ام غازي
بندري : يماا ريم متضايقة وتعبانه تبيني اجيها امسويتلي عيد ميلاد
الام : انتي متى عيد ميلادج
بندري : يمااا نسيتي عيد ميلادي اليوم
(( عيد ميلادها من زماااان خلص ))
الام انحرجت من بنتها : خلاص روحي مع بابلو
بندري : اكيد بروح مع الهندي بابلو بااااااااااي
وتكشخ وتلبس وتروح بيت ريم
وتطق الجرس ...
ويطلع لها احمد : نعم
بندري متنقبه : هلا احمد ريم اهنيه
احمد منصدم شلون اعرفت اسمي : أي اتفضلي
وتدخل ويروح احمد ...
بندري : رييييييييييييييييييييييييييييييييييييييييييييييييي يييييم
بيبي : هييييييه انتي مو في بيت مال انتي شنو يبي
بندري : انقلعي يمال النار
وترفع عباتها وتصعد الدرج ركض تفتح باب غرف ريم : سبرااااااااااااااااااااااااااايز
ريم : هلااااااااااااااااااااااااااااااااااااااا
بندري : ريم ليه كاشخة ولابسه عباتج ووين سارة
ريم : طلبتج
بندري : تم
ريم : بشوفه
بندري : منو علي
ريم : اخيييه ماشفت خير ناقصة اتحلم بكوابيس بليل
بندري : يا حيوانه سعود
ريم : أي (( وتقولها سالفة المسجات كلها ))
بندري : ياويلج من الزين كله
ريم : منو
بندري : احمد لبيه قطعة
ريم : احمدنا اخيييييييه
بندري : تكفين زوجينياه يوووووه انا زوجت سارة مرزوق
ريم : المهم ابي اروح المستشفى
بندري : وامج واختج واخوج وابوج شتقوليلهم
ريم تدق تيلفون : لحظة
بندري تدقين على منو
ريم : الووو اسعاف لحقوني ابختنق ماني قادرة اتنسم .. وتسكرة
بندري حاطة ايدها على راسها : ياويلي من امي
ريم : انا بطيح بالصاله عند بيبي عشان تقول لامي وانا وياج بنروح نشوف سعود
بندري خايفة : يا حمارة يا حيوانه الله يستر
ريم : هاج 100 دينار سحبتهم من مصروفي اليوم عشان تدفعين للغرفة كعربون .. ابي مستشفى الهادي
البندري : تم الله يستر امنت نفسي لله
وينزلون من الدرج ولا بيبي تشوف التلفزيون وتطيح ريم على الارض وتمسك بلاعيمها يعني ما اتنسم
بيبي : رييييييييم حبيبي رييييم اسم الله عليج ريييييييييم
بندري غطت وجهها وقامت تضحك
لين الاسعاف جايه وتشيل ريم ويطقونها ابرة مخدر ويحطولها كمام
الممرض : اختي ابي اول ما حست بشنو
البندري بقلبها : يااااا حلوك
الممرض : ماتتذكرين
البندري : اهيا دقت علي قالتلي تعبانه وجيت بس كل مرة يضيق نسمها وبعدين يرد
الممرض : احنا لازم نوديها المستشفه
البندري : انا بروح معاها
............
بالسيارة ريم نايمه وبندري قاعدة ومن داخل تضحك
البندري : نبي مستشفى الهادي هاك 10 دنانير
السايق : اوكي
البندري يقلبها : والله يا ريم الخواطيب من كل صوب وماتبين الا هالاسعود اشهد انج لحقتي اشهوتج
ووصلو للمستشفى وراحت البندري تحجز غرفة ودخلو ريم للغرفة وخلوها تنام وحطولها اجهزة قلب ومغذي ودنيا ...
وتدخل البندري الغرفة وتسكر الباب وتحاول تقعد ريم : ريم ريم قومي قومي
ريم ما ترد (( اتشاخر))
وتقوم بندري وتروح لجناح الجراحة وتدور الدكتور سعود...
بندري تسأل ممرض وين سعود ... ودللها مكتبه
وتدخل المكتب ..
..................................
شافت واحد قاعد فوق المكتب ومتضايق حده
بندري : انت الدكتور سعود
سعود يلف عليها : أي نعم
بندري : تعرف ريم
سعود ينزل من على المكتب : أي ريم اعرفها
وتقوله البندري كل القصة كامله ....
سعود : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه
بندري منصدمه اشدعوا كل هالضحك : ليش تضحك
سعود : الحين .... ههههههه عطوها ابرة مخدر هههههههههه واركبت الاسعاف ههههههههههههههههههههههههههههههههههههههه
بندري تعصب وتطلع .... يلحقها سعود بندري بندري
بندري : طمن صوتك لا تناديني
سعود : اسف بس وين ريم أي غرفه
بندري : شكو مو تضحك عليها من اليوم
سعود : اضحك مستانس لانها تحبني
بندري : انا اشهد ... وانت
سعود : ميت ميت عليها .. خنروحلها
بندري : اخلص خلص عمرك
ويروحون ليما غرفة ريم ويسمعون ريم تنادي البندري
البندري : سعود خلك برة شوي اكلمها انا اول
سعود : لا تقوليلها اني ضحكت
بندري : هذا اول شي اقولها
وتدخل البندري على ريم : هلا ريم ارتاحي
ريم : خليتيهم يخدروني يا بجة ...
بندري تقولها السالفة من اول ما اركبو الاسعاف لي الحين
ريم : ههه يا فشله هو واقف برة
بندري : بناديه
وتروح تعدل ريم شكلها .. وبندري تنادي سعود ..
ويدخل سعود الغرفة والاضاءة كانت خفيفة بس فوق سرير ريم وكان زوله يجيب العافية ..
بندري يدق تيلفونها : يالله انا برة 5 دقايق
سعود : لو دقيقة راضي
وتطلع البندري وترد : الوووووو
ام احمد : هلا بندري شفيها ريم
بندري تضحك بقلبها : لا لا بس ضيق تنفس
ام احمد : أي مستشفى
البندري : مادري كنه العدان
ام احمد : يالله انا بالطريق مع احمد
البندري : احمد لبيه
وتروح بندري وتجيبلها قهوة وتقعد برة الغرفة
.............
بالغرفة ..
.....
سعود : والله انج شيطانه
ريم : البندري خبله يومها قالتلك
سعود يشوف ريم ويناظر عيونها وريم مستحيه تنزل راسها
سعود : ريم انا....
ريم : شنو
سعود ينزل راسه بعدين يرفعة : اعشقج
ريم تضحك : قلتلي امس
سعود : لا امس قلت اني احبج
ريم : شالفرق ؟
سعود : وربي وربي احبج
ريم : اهااا
سعود : انتي تحبيني ؟؟
ريم : يعني ياغبي جايه المستشفى بالاسعاف ومورطة بندري معاي شنو يعني ؟
سعود : شنو يعني ؟
ريم بصوت خفيف : احبك
سعود كان بيمسك ايد ريم
ريم : سعود لا تلمسني
سعود : آسف
...................
بالاستراحة بعد نص ساعة يدق تيلفون بندري : يووووووووووه خالتي شقولها
بندري : هلا خاله
ام احمد : انتو مو بالعدان
البندري : ادري
ام احمد : وينكم
البندري : هااااااه
وياخذ التيلفون احمد : بندري انتو باي مستشفى
بندري بقلبها : يا حلو اسمي ... حنا بمستشفى الهادي
احمد : الهادي شموديكم
بندري : السايق ودانه
احمد : لا اتحركون جايين
بندري تسكر التيلفون : اني ماني بمتحركه دامك بتجي
وتدخل على ريم وسعود وتلقى ريم متربعة فوق السرير وسعود بالكرسي يسولف وهي تشوف براقة عيونه ..
البندري : القواااااااات دقو وبيجون
ريم : توهم يدقون
بندري : لا اول مادش سعود دقو وقلتلهم بالعدان والحين داق احمد معصب وقلتله بالهادي بعنب قبل نص ساعة
سعود : صارلنا نص ساعة والله كنها دقيقة
ريم : ما حسينا بالوقت
سعود : خلاص انا بروح واسحب العربون واطلع ملفاتج وبشرف عليج ان جم اهلج
ريم تشوف بندري وتقول بصوت واطي : فديته
ويلف سعود قبل لا يطلع : ريم
ريم : هلا
سعود : فديتج انا
ريم مستحيه ... اول ما طلع سعود قامن ينقزن ويصايحن
ريم : احبه
بندري : احب احمد
ريم : كاهو جاي اكشخي وخليج ثقيله اخوي يحب الثقال
بندري : انتي تميرضي وانسدحي وخليني الحفج وان جت امج ابجي وقوليلها تبيني انام عندج
ريم : ابشري
بندري : اختاري يا انا يا جدتي
ريم : اااانتيييييييي .. دقيتي على امج الساعة الحين 10
بندري : الحين ادق... الووو يما
الام : هلا ها ادزلج بابلو
بندري : يما انا مو في بيت ريم انا بالمستشفى
الام : هاااااااااااااااااااااااااااا وشنهووووووو ليش
بندري : ريم فيها ضيق تنفس وقاعدة عندها
وتاخذ ريم التيلفون
ريم " خالتي
ام مرزوق : هلا ريم شفيه صوتج
ريم تكح : ولا شي بس ما اقدر اتنفس حاطيلي مغذي وكمام
ام مرزوق : سلامات يا غناتي
ريم : خاله ابي بندري تنام عندي
ام مرزوق : وامج
ريم : امي قلتلها ووافقت
ام مرزوق: خلاص انا اجي اخذها باجر
ريم : مشكورة مع السلامه
بندري : لمي وعدت وادارة المستشفى وعدت باقي امج
ريم : يوووه خليها علي
وتدق ريم على سارة : سوسو
سارة : ريم شفيج عسى ماشر امي بالطريج
ريم : سارة تحبيني
سارة : اكيد يا قلبي
ريم : اجل اسمعي الهرج الوكاد
وتقولها السالفة
سارة : يا الصايعة ياللي ما لقيتي احد يربيج
ريم : احبه
سارة : حبتج القرادة يا حيوانه ان ما علمت امي
ريم : لالالالالالالالالا تكفين ما صدقت على الله تكفين
سارة : ليه داقة اجل
ريم : لاني احبج وماني مخليتج جاهله بالي سويته
سارة : انتي هالايام قمتي اتمادين
ريم : سارة قولي لامي ابي بندري تنام عندي
سارة : اكملت
ريم : وانتي بعد
سارة : هااااه
ريم : طمعتي
سارة : يا حمارة اشوف شقدر اسوي
وتسكرة ريم ...
بندري : ليه قلتي لسارة
ريم : اتشوفت هالسارة شتسوي
بندري: ما فهمت
ريم : سارة ابليس
ويسمعون صوت ام احمد وتروح ريم تنسدح وتخلي نفسها نايمه وبندري قاعدة عندها
ةتدخل ام احمد مع احمد
ام احمد : ريييم
بندري : اشش نايمه توها معطينها مخدر
احمد : احم احم
وتلف بندري وتلبس نقابها : اول ما جيتكم البيت كانت ما تقدر تقوم وطاحت عند الباب
ام احمد : أي تقوله بيبي
بندري : دقيت على الاسعاف وقالي أي مستشفى قلت الهادي ليش مدري
ام احمد : كنتي بحالت صدمه
بندري : حدي والله العالم وجبتها اهنيه وعاينها الدكتور وقال تحتاج تنام عشان المغذي .. ووديتها الحمام ووكلتها
ام احمد منصدمه من اللي سوته بندري : الله يعطيج العافيه يا ابنيتي
بندري : خالتي انا بنام عندها انتي روحي البيت
ام احمد : لا لا خلي احمد يوصلج
بندري ودها تروح مع احمد بس قالت ريم اولى منها : لا خاله انا كلمت امي وقلتلها
وتدخل عليهم سارة وابو احمد : رييييييم
بندري : نايمه
سارة توقف عند راس ريم : يا قلبي يا اوخيتي
ريم تفتح عين وحدة واتشوف سارة وترد تسكرها
سارة : يما هذيك المرة ما خليتيني انام عندها .. اختاري يا انا يا جدتي
ام احمد : لا انا اللي بنام
سارة : والله لدق على جدتي
ام احمد : سويرة ووجع
بندري : خلاص خالتي انا وسارة عندها
ام احمد : انتم بزران ما تعرفون شتسوون
بندري : خالتي توني موكلتها وملبستها وموديتها الحمام
ام احمد : مدام بندري بتقعد معاها خلاص امنتها
سارة : يماا ما جربتيني
ام احمد : يالله انا بروح خلن تيلفوناتكم مبطلات
وتروح ام احمد وتبوس سارة وتروح هي وابو احمد ..
سارة : احمد منت رايح
احمد : لا شلون اخليكم
بندري : احمد خلاص ارقد وآمن انا عندها
احمد بدا يميل لبندري : اجل انا ماشي خلو تليفوناتكم امبطله
ويروح احمد .....
سارة وبندري بدوها رقص
بندري : ريم ريم
سارة : ريم قومي
ريم نايمه
سارة : ريييييييييييييييييييييييييييم
ريم : هااه انا وين
سارة : ماتدرين اشصار
بندري تقولها اشصار
ريم : ههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه
انا اشهد ان ماننقدر
سارة : انا بفر بالمستشفى باكل
ريم : وانتي وكلتيني ولبستيني ووديتيني الحمام
بندري : انصب عند احمد
سارة : ابشري فيه
وتروح بندري وسارة يلفون بالمستشفى
ريم تدق على مريم : الوووو هلا بالغلا
مريم : هلا فيج
ريم : شخبارج وشخبار المدرسه
وسوااااااااااااااااااالف
.................................................. .............................
في ممر المستشفى ..
.....................
سارة : وناسه لا مراقبه بعد اليوم
بندري : سارة بسألج سؤال بس ما اقصد فيه اهانه
سارة : قولي ولج الامان
بندري : انتي ليش راضيه على اللي تسويه ريم .. احس انه غلط حيل غلط حنا مو جذي
سارة : هههه بتنصدمين مني ادري بس شتبين اقولج انا حياتي كلها راحت ورى استاذي بالكليه نايف ميته فيه ونص بنات الكليه يبنه بس انا ما قطيت نفسي عليه لاني ادري ما يبيني ولا بالاصل ما فكر فيني ..
بندري : شكو هذا بريم
سارة : ريم تبي واحد يبيها ... تحبه وميت فيها .. تعشقه ويبوس الارض اللي تمشي عليها فهمتي ؟؟
بندري : شدراج انه يحبها وما يبي يلعب عليها
سارة : لانها يوم انها بغيبوبه كان يسهر عندها ويقرالها القرآن ..امي اللي هي امها ماسوت جذي ولا فكرت .. ويومني قلتله ان ريم بالعناية المركزة راحلها ركض .. كل هذا وما يحبها
بندري : اآآآآآآآآ ه ما كو احد يحبني ياويل اللي بينقرد فيني
سارة : انتي منتي ماخذة الا احمد اخوي
بندري : أي صح انا مادحتج عند امي يا الصايعة عشان تاخذين وخيي مرزوق
سارة : ولا يهمج انا اذا بغيت الشيء والله اجيبه..
بندري : يووووه ياحلو هادكتور
سارة : منو هذا اخيييييييه ابيض
بندري : حلات الرجال ابيض
سارة : ماااااالت وع ابيض ... احس انه ناعم
بندري : احلاااااااااااااااا
سارة : هههههههههههههه والله منتي بعقلج
.................................
بالغرفة ..
.........
ريم تتكلم بتيلفون : اوكي مرايم باي
وتسكر التيلفون وتقول : انا جايه عشان سعود يومني اقعد بسرير ومتلحفة هو ليه وتاخذ تيلفونها وتدز على سعود مسج : (( سعود وينك انا جايه المستشفى عشانك .. او اقول خلاص انا داقة على امي بطلع ))
سعود : (( لا تقولين ولا شي .. ولا تدقين على امج فديتج انتي وامج .. جاي نعنبو الدنيا جايج حبيبتي ))
ريم فزت واقعدت على الكرسي وامسكت كتاب قامت تقراه ..
مادرت الا اللي يطق لباب ودخل ..
سعود : مساء الخير
ريم تشوفة وتضحك
سعود : بسج ضحك بموت من كثر ما تضحكين
ريم : اسم الله عليك من الموت
سعود : تخافين علي
ريم : اخاف عليك من ظلك
سعود : لا لا جذي ستوب بروح اقحص واجيج
ريم : لا تكفى اذا رحت عني بروح البيت
سعود : انا وين اروح عنج ..مجنون ان رحت
ريم : سعود تمنى امنيه بقلبك
سعود : ليش
ريم : بس فيك رمش طايح
سعود : تمنيت
ريم : أي عين
سعود : هذي
ريم : خطأ
وتقوم ريم وتشيل الرمش يمسك سعود ايدها ويخليها على خده ..
سعود : لا صح اللي تمنيته بيصير
ريم توخر يدها بالغصب : شنو تمنيت
سعود : ان انا وياج نكون تحن سقف واحد
ريم : وحنا وينا بالخلا
سعود : لا يا حلوة بالحلال
ريم : شلفرق
سعود : مسكت ايدج شوي ودوسين ببطني
ريم وجها احمر : سعود بس عاد.. قوم من على الارض واقعد فوق
( سعود متربع على الارض )
سعود : لا تكفين مرتاح طول اليوم وانا على كرسي بس عورني ظهري
ريم : ليته فيني
سعود : اسم الله عليج انا ما اتحمل انتي تمرضين
ريم : صج ولا تكذب تبي تلعب علي
سعود : ورب الكعبة اني احبج .. اخس اذا لعبت عليج واكسر كل رقبه تلعب عليج
ريم تضحك
سعود يوقف : وانا ولدك يا صالح
ريم خافت لان سعود وقف والغرفة مسكر بابها
سعود شاف الخوف بوجه ريم
سعود : ريم لا تخافين مني مراح المسج والله .. ابيج توثقين فيني
ريم : انا بطلع باكر .. وبعدين
سعود : ادق عليج واكلمج عشان ما نفقد بعض
ريم : لالالالالالالا .. فكني لا لا لا تدق علي لاني مراح ارد
سعود : ليش
ريم : ترا اللي نسويه غلط حيل يا سعود ابيك يا تخطبني يا الله معاك
سعود : انتي ما تحبيني
ريم : الا اموت فيك بس البنت تاج راسها شرفها اذا ضاع ضاعت هي
سعود : محد بيمس شرفج .. خلاص انا بروح اخلص اوراقج من تحت .. وهالاسبوع جايكم مع اهلي
ريم : سعود
سعود : عيونه المركبه
ريم : هههههههههه
سعود : ليش تضحكيييييييييييييين
ريم : جوعانه ههههههههه
سعود : افااا بس افااا الحين اجيبلج اكل
ريم : لا مابي اكلكم فيه ديتول
سعود : ديتول ؟؟
ريم : طعمه معقم عدل وانا ما احبه
سعود : خلاص انا نازل اجيبلج وجبه من هارديز
ريم : الله الله .. هاك 10 وجيب حق بندري وسارة
سعود : ريم لا صدمتيني .. فلوس عيب تمدينهم لرجال
ريم : بس انت رجالي
سعود يبتسم : وراح اكون رجالج لين اموت.. خلي فلوسج معاج اشتريلج كرت ونا نازل اجيبلج عشا
ريم : مشكور
سعود : ليتج كل يوم تطلبيني
ويروح سعود ويجيب وجبات
بندري : ترى تاخرنا على ريم
سارة : يوووووه نسيتها
ويروحون عند ريم لقوها تضحك
سارة : شفيج تضحكين بروحج
ريم : سعود كان هنيه وقعدنا سوالف وراح يجيبلنا وجباااااااااات
بندري : هياااااااااااااااااااا حنا بمستشفى ةلا بفندق
ريم : لا حنا تحت ظل حبيبي وقلبي وعمري سعوووووديي انا
ويدخل سعود ويضحك : حلوة سعوديي
ريم غطت وجهها بالالحاف
سعود يقرب ويشيل الالحاف ويعطيها كياس : هاج عليج بالعافيه ياقلبي
سارة : احم احم اخطبها بعدين صير خير
ريم : سااارة
سعود : انشالله هالاسبوع
ويطلع سعود ويقعدون اكل وتلفزيون وسوالف لبيه اشهدنهم وناسه
..................
الساعة 7 الصبح ..
..............
تدخل الممرضه الغرفة وتنصدم من شكل البنات ..
ثلاثتهم نايمين بالسرير ثنتين جمب بعض والثالثة عند رجولهم
.. وريم شايله المغذي من يدها وارضيت الغرفة كلها مغذي ..
وكياس هارديز..واكل الطبيب محد بطله..
تروح الممرضة وتنادي الدكتور سعود
اول مادخل سعود قام يضحك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه
سعود : والله انج ياريم مجرمه
سعود يطالع الممرضة : شيلي اكل وطلعيه برة وقعدي بنات قولي يالله بيروح بيت
قبل لا يطلع سعود شاف ريم واخذ شهيق وزفير وطلع
.................................................. .....................
راحو البنات للبيت
....................
البندري : والله يا خالتي من كمام لي كمام من مغذي ي مغذي
سارة : في وحدة ترجع 4 مرات بيوم
ريم : ماحسيت كنت مخدرة
ام احمد : عين ما صلت على النبي
احمد يطالع بندري : اجل تعبتكم ريم
بندري : لا عادي تعبها راحه
ريم : يما منج ... يماا تصدقين من اول ما رحت كله نايمه
الام : يما على بنيتي محسودة
.................................................. .
بعد يومين يدق التيلفون
....................
ام احمد : الوووو
...: السلام عليكم ممكن اكلم ام احمد
ام احمد : وعليكم السلام معاج ام احمد
ام حمد : انا ام حمد شخبارج وكيف حالج
ام احمد : تمام الله يسلمج بس ام حمد منو
ام حمد : والله الله يطول بعمرج انا دريت انه عندج بنت اسمها ريم مزيونه دين وخلق وجمال وبغيت اخطبها لولدي
ام احمد : هذي الساعة المباركة بس انتم من شنو ووين ساكنين وجم عمر الولد ووين يشتغل
ام حمد : والله حنا قوم معروف وولدي اسمه سعود عمرة 25 ويشتغل جراح ...
ام احمد : والله هذي الساعة المباركه
ام حمد : اجل حنا جايين نشوف البنت اليوم
ام احمد : حياكم الله
وتسكرة ام احمد وتركض بالدرج فوق : ريم ريم ريم ريممممممممممم
ريم : هلا يما هلا
الام : اخطبج توه جراح واسمه سعود وعمره 25 من عيله (...)
ريم ودها ترقص .. وقامت تبكي
الام : يمج ليه تبكين
ريم : من عمري وانا اتمنى جراح
الام : الله يقسم اللي فيه الخير
وتقوم ريم وتكشخ وتفل الشعر وتنزل وتسلم على امه واخته ..
امه : ماشاء الله لا اله الا الله
اخته : ما هقيت سعود عنده ذوق
ام احمد : الا ولدكم وين شاف البنت
امه : بالمستشفى كان دكتورها يقول
ام احمد : اييييي عرفته
وتخز ريم وتقوم ريم وتروح فوق وتقول لسارة شصار وتدق على بندري وتقولها ..
.................................................. ....
في بيت ام مرزوق :
بندري: منيرة شفتي ريم ماشاءالله
منيرة : دكتور مرة وحة مو انا حرس وطني
بندري : ههههههه انتي حرس انا اشغال ...
منيرة : عليها حظ هالريم هذي بللللللل
بندري : اذكري ربج
منيرة : ماشالله ما قلت شي بس هي دايم اللي تبيه تجيبه واللي ما تبيه هم يجيها
بندري : مو انا صارلي سنه احن على امي ابيها تجيبلي جهاز جديد بس نحسسسسسس
.................................................. ..
في بيت ريم
...............
الام : الملكة بعد اسبوع وترى العرس بعد شهرين لان الولد عندة عطله وبيسافر
ريم : لالالا امبجر حيييل
الام : لا يا بنيتي ما هو بمبجر
سارة : يمه وانا متى عرسي
الام : انتي توها داقة خالتج تقول بيملكون باجر والعرس بعد شهر والله يعيني عليكم
سارة : الحمد لله وحدة ضابط والثانيه دكتور
الام : الله يحرسنا من عيون الناس
ريم : أي والله على الطاري
سارة : شنووو
ريم : يما باجر نبدي نجهز اجل لان ماكو وقت
الام : أي والله في عروس اتجهز قبل شهرين والله صعبه
سارة : ليش صعبه كلها يوم واحد ويخب علي
ريم : هههههههه حلوة
الام : خلاص باجر نروح ونشتر المكياج والعطورات
ريم : واللي عقبه نروح للمصممه ونصمم عندها كذا دراعة
سارة : لا تنسين الكليل والصالون
الام : وبشتريلكم اشاء للحريم المعرسات
ريم : افففف عفسة
سارة : خنروح ونكتبهم بورقة
الام : أي والله انا بروح انام
.................................................. ............................
بعد شهر .....
شرو كل شي .... وريم ملكت سعود وسارة املكت مرزوق...
باجر عرس سارة
.................................................
الساعة 4 لفجر ريم وسارة وبندري وغزلان ومنيرة وهديل بغرفة ريم وسارة يبكون....
سارة : ماااااااابي اتزوج
ريم تبكي : لو حصلي سعود الحين كان رحت عندة
سارة : انتي وسعود غيري انا ومرزوق
غزلان : الله يسسسسسسستر من رياجيلنا كلنا
منيرة : الرجال كنه الجاهل العبي على راسه وبيخليج تررقصين عدل
سارة : آآآآآآآآآآآآآآآآه آهآه يماااااتيي خفت من صج
هديل : اذكري الله
تنقز غزلان : يااااااااااااااااااو السالف صج انننننننحش
ريم : غزلان ووجع اركدي
وتقوم ريم وتنزل تجيب للبنات العشى
..............
ريم : بيبي جيبي هذا فوق غرفة مال انا
بيبي : انجين
ريم : وين المبخر اللي ماما يشتري جديد
بيبي : دوانيه عند احمد
وتروح ريم الدوانيه على بالها بس احمد بالدوانيه وتفتح الباب بدفاشه على انها بتخرع احمد : بووووووووووووووووووووو
وتشوف اللي ميتين ضحك وتلف وتلق الدوانيه فيها مرزوق وسعود وبدر واحمد... بس محد شافها غير بدر وسعود
وريم كانت لابسه نفنوف قصير لحد الركبه و بدون اكمام والشعر مفلول..
يعني انحرجت بس المحت سعود يضحك...
احم يطلع : ريم شفيج دخلتي الله يهداج
ريم منحرجة : سعود شافني
احمد : ليه تدخلين
ريم : وانا شدراني قلت بخرعك
احمد : كبرج انا .... شتبين
ريم : ابي المبخر
احمد : انطري اهنيه مو تدخلين
ريم : هأهأ
ويجيبلها المبخر وتروح ريم ركض ..
ريم : بيبي هاج سوي بخور وجيبي فوق
وتركض بالدرج : بناااااااااااااااااااااااااااااااااااااااااااااااا ااات
البنات : شفيييييج
ريم تقولهم السالفة
سارة : مرزوق شافج جذي
ريم : لا معطيني ظهره هو واحمد
غزلان : لا تقولين شافج بدر
ريم : حيوان اخوي مغير يخوزز
هديل : وسعود
ريم : لبااااااااااا عينه لبااا خدة لباااااا عرووووقة وكل عرقن ينبض به لبيييييييييييييييييييييييييييييييييييييييييييييييي ييييييييه يووووووووه محلاه ومغلاه ومحلا نشه شفاياه
بندري : لبيييييييييييييييييه
سارة : ريم ووجع
ريم : كلها شهر يا سعود ياويلك مني
غزلان : ماعين خير
...............................................
وتتزوج سارة وسعيدة بحياتها ....
.............................
بع شهر اليوم عرس ريم ..
.......................
ريم ترقص ...
سارة : بحياتي ماشفت عروس ترقص بعرسهاااا
ريم : قلت احبه مووووووووووووووت احبه مووووووت
سارة : وتغنين محمد عبدة
ريم : سارة خنروح الصالون يالله
سارة : مشيناا
................................
بالصالون ..
..........
الصالونه : شوبدك نعملك
ريم : ابي تسريحة شعر هاي يعني فخمه
الصالونه : بدك عجينه ع شعرك
ريم : أي ابي العجينه تنفخ شعري حيل ...
(( العجينه يعني عقب ما يستشورون الشعر يحطون العجينه عشان يركبون الباروكه وهي احسن طريقه لعم تلف الشعر ))
الصالون : اوكي
ريم : مكياجي ابيه راقي قمه
الصالونه : انتي وشك حلو يعني أي شي بيصير عليكي مضبوط
ريم : بس انا ما بدي أي شي
الصالونه : خلاص انا بعملك توصيه ..
وتروح الصالونه للمخزن وتطلع عجينه قديمه حق ريم
ويشتغلون بريم من الساعة 1 الظهر ليما 6 المغرب بت ريم تصور
............................
في صالون الرجال ..ناصر وسعو بحمام السونا ..
ناصر : سعود ليش ملكت على ريم
سعو : احبهاااا
ناصر : لالا انت ما تحبها
سعود: نويصر شل كلام
ناصر " انت تحب دلال
سعود : ويييييييييييييييه اشذكرك فيها
ناصر : البنت امس مكلمتني وقالتلي توها امسكرته منك
سعو : اهاااا شتبي فيك
(( سعود كان خاطب دلال ولال قالتله بخلص دراستي بعدين يصير خير وقالها خلاص اجل انتي لي ليما ترين.0.. ودلال غابت 4 سنين لاحس ولاخبر... قبل لا تدخل ريم المستشفى اول مرة كانت دلال اقة على سعود وقالتله انه حقير لانه مايق عليها ومايسأل عنها .. وكانت دلال معصبه وسكرته بوجه سعود وسعود عصب عباله ان علاقتهم انتهت وحول على ريم لانه شافها خلوقة وحبوبه وحلوة ودقت عليه مرة لانها كانت محتاجته وتعلق فيها بدافع الشفقه والحاجة ... وكان هو يمر بظروف حدته عليها وهي كانت تمر بظروف حدتها عليه ......... وهذي قصة لال وسعود ))
ناصر : متى اخر مرة كلمتها امس انا قلتلها انك بتاخذ ريم
سعود : ليش تقولها ... قبل 11 شهر توها تحس
ناصر : عبالها انك بتسأل عنها وهي بلغربه بس انت امطنشها
سعود : هي مادقت وانا ماعندي رقمها
ناصر : سعود وين موقعك من الاعراب بين هالبنتين
سعود : افففف صج اني كنت مهبول بس كنت احب دلال
ناصر : هههههههههههههه قصدك ميت فيها وتعشقها
سعود : وريم هي تحبني وانا احبها
ناصر : انت معجب فيها بس اول ماجتك بالمستشفى عورك قلبك عليها
سعود : ناصر وبعدين
ناصر : قلبك اسمعة يدق كل ماجبت طاري دلال اما ريم هي تذكرك بدلال يعني كنت تستغلها
سعود يلف على ناصر : سكر السالفة وانا بتزوج ريم
ناصر : ويحترق قلبك على دلال الدكتورة اللي هي نفس ثقافتك
سعود معصب : وبعييييييين
.......................................
بالصالون
......................
ويصورون البنات مع ريم كلهم ...
وقعدو يسولفون بغرفة التصوير وتدخل عليهم وحدة بيضة طويله مو متحجبه الغرفة : قوة بنات شخباركم
البنات : هلا تمام
بندري : تبين الغرفة بتصورين
البنت : لالا العرسه اللي قاعدة اسمها ريم
ريم : هلا أي انا ريم تعرفيني اعرفج
البنت : لا ما تعرفيني وبتكرهيني عقب ما تعرفيني انا اسمي دلال
ريم : والنعم حياج
دلال : ينعم بحالج .... ابي اكلمج بروحج
ريم : هذولا خواتي ماخش شي عنهم
دلال : آسف بس بروحج
ويطلعون البنات
............
دلال : تعرفين سعود
ريم : أي زوجي
دلال : زوجج وخطيبي
ريم انصدمت : هااااااااااااااااه ما فهمت
دلال : لحظة بقولج السالفة من اول
وتقول لريم السالفة
ريم : وشقال ناصر
دلال : قالي انه اخذج بدافع الشفقة وبيعبي مكاني واللي مساعدة انج انتي قاطة نفسج عليه حييييييل
ريم : بس انا احبه
دلال : وهي يحب غيرج
ريم : احبه وحب غيري
دلال تقوم : اسفة بس حسيت اني لازم اقولج
ريم تبكي
وتطلع دلال ويدخلون بنات الخاله : رييييم لا تبكين مكياجج
سارة : ريم منو هذي
بندري : ريم شقالت
وتقولهم السالفة
هديل : وييييييييه كل هذا
ريم منقهرة
سارة منصدمه
بندري : شالخطة
ريم : عناد لها ولوجهها المنعوج بتزوج سعود وبدور احد يذبحة وبصير ارمله وهي تعنس
غزلان : اذكري الله
ريم : لا اله الا الله بدخل عروس ويعنني ما ادري عن السالفة وبعيش حياتي مع اللي احبه مو لازم هو يحبني حتى لو يتزوجها الثانيه انا بزوجه الثالثة
سارة تقرا على ريم والصالونه تعدل مكياجها
.................................................. ..............
ويصير هوء بالصالون وريم ماتبي تكلم احد...
ويركبون الليموزين ستتهم.... (( الليموزين هي السيارة الكبيرة ))
بالسيارة
...
ريم : بنات شعري يحكني
سارة : انطري كلها خمس دقايق ادخلي واطلعي واقطها لج
ريم : بنات تعورني احس شيء يقز
وتنقز بندري وراها تعدل الطرحة
بندري :ها راح العوار
ريم : مدري احس انه يتقدم
غزلان : انسي شعرج وفكري بالناس ليا شافوج اظحكي
ريم : ههه اضحك
سارة : أي اضحكي اخذتي اللي تحبينه
ريم : احبه وحب غيري
منيرة : لا اله الا الله
هديل : اقعدي معاه وتفاهمي معاه
ريم : والله باروكتي تعورني حييييل
منيرة : من كبرها
بندري : من ثقلها
وتسفط السيارة قام الصاله .....
وينزلون ويدخلون ...
.................................
وتمشي ريم وكل الناس تطالعها وهي اتصنع الضحكة .. وراسها يعورها وقلبها مجروح...
وتروح ريم وتأشر حق بندري : بندري ما اتحمل شعري شيلي الباروكه
بندري : لا اركدي انصبي عند سعود
ريم : هههههههه احبه وحب غيري
وتدخل ريم يدها بشعرها وتشيل باروكتها وتقطها بالارض وعيونها كلهم دموع ...وتطيح ريم على الارض ... ويتجمعون عليها الناس وتجي الاسعاف
................
بصاله الرجاجيل ...
...............................
ام ماحمد تنادي ابو احمد : الحقني يا خالد ريم طاحت
سعود : ريم
ناصر : ريم
احمد : ريم
بدر: ريم
مرزوق: ريم
علي : ريم
ابو احمد : ريم
ويطلعون كلهم ورى الاسعاف ويروحون المستشفى ...
ويدخلون ريم للغرفة 000
....................
الكل واقف برة ... ويطلع الدكتور
ويركضون كلهم : شفيها ريم
الدكتور : عظم الله اجركم .. والبقى بحياتكم
سعود : لالالالالالالا
ام احمد طاحت عليهم
الكل طاح على الارض يبكون
...........................
بعد اسبوع ..
..........
تدق بندري على سعود تبكي
سعود : بندري شفيج
بندري تقوله سالفة دلال يومها جت للصالون
سعو : يعني ريم كانت تدري بدلال
بندري : وكانت تبكي والسبه انت
سعود : الله يرحمها كانت عيوني اللي اشوف فيهم اهم شي انها تدري اني احبها
بندري : تدري شنو اخر كلمه قالتها
سعود : شنو
بندري : وهي تمشي عروس نادتني وقالتلي "" احبه وحب غيري ""
وتسكر الخط بوجهه
ويقعد سعود بكي .... ويدخل عليه ناصر : اذكر الله يا سعود
سعود يشاهق : ماتت وهي تكرهني
ناصر : بس يا ولد ارحم حالك كلن له يومه
سعود : آآآآآآآه
ناصر : بسك جروح خلاص ارحم حالك

سعود : هلا بالجرح مدامه بقايا ريحه احبابي
هلا بالدمع لعيوني ولو غطي محاجرها
هلا بالليل مدامه طيوفن تسكن اهدابي
تجيني بسمه خجلى تسامرني واسامرها
هلابها سبت اتعابي وانا اللي لجلها اتعابي
ابلفي بحرها الظامي وبروي من مشاربها
هلابها من بدى عمري الين اعانق اترابي
وانت ودعت الدنيا ومعي قلبك معانقها
......................................
فمان الله ياحب وقف ماكمل المشوار
عرفنا مفرق الدربين ولايحتاج تكميله
تباعدنا بلا موعد ولاشكوى ولااسرار
خلصنا من شقا الحب وغرابيله
بقت بس المعزه بيننا ماكان شي صار
وصرنا أغراب عقب الود يادنيا من انتي له
غريبه لعبة الدنيا وعرف ان الزمن دوار
ولكن هذي الدنيا ولاتنفع بها الحيله
فمان الله ياقصة غرام اصبحت تذكار
صنعها الحب في لحظه ولاكمل مراسيله
........................................

.................................................. ....................
.................................................. .................
عاد تدرون شلي ذبح ريم ... شفتو العجينه اللي حاطتها على راسها ..اللي جابتها الصالونه من المخزن كان فيها عقرب وقام يقرص براس ريم لين انتشر السم فيها وماتت من حزتها....
.........
.........
.......
الله يرحمها ويرحم الامه المسلمه كلها .... صج دلال وجهها شر على الدنيا ..
وهذي هي القصة كلها واسفة لاني تاخرت كانت حزة امتحانات الثانويه العامه وانا توني متخرجة منها وحفلات الاهل ما تخلص...
.
اهم شي اتمنى القصة تعجبكم .... لانكم تعبتوني حيييل بحنتكم
.
.
.

"" فديـــــــــــــــــــــــــــــــتـــــــكـــــــ ـــــــــــــــم """

.
. للتواصل >>>>> soos_2005_@hotmail.com

.

[الاحرش]

الاخت الفاضله

العوبه

ايعطيش الف عافيه

على القصه الرائعه

[( العوبـــه )]

يسلمووو اخوي الاحرش على التواصل

وما عليك زووود

[مسفر بن حمران]

العوبه تسلم يمينش على النقل الجميل وعز الله انها قصه تستحق المتابعه ولاهنتي وننطر جديدش وعلى بركه التخرج وعقبال الجامعه انشالله

[الـ ـشـ ـقـ ـا ويـ ـه]

تسلمين يالعوبه
والففففففففففف مبرووووووووك عالتخرج
وثانكيو عالتكمله الاكثر من رائعه وننتظر جديدش بدون ماتعلقينا

[( العوبـــه )]

يسلموووووو حباااايبيييي

[الاحرش]

يعطيش العافيه


اختي/ العوبه


والف الف مبروك التخرج


ومنهى الى اعلا ان شاء الله

[حلا العجمان]

مرحبا العوبه لبا كبدش صراحه القصه تجنن مره ما خليت احد ما قلتها له وألف مبروك التخرج فديتش