الارتجاليه / تناديــك .. فأقبــل

[العــــديم]

الله على شوقنا وأيامنا العذبه
معاد ترجع ولو حنا بغيناها
صارت حلومٍ معي وكنّها كذبه
ذقنا حلاها وورّتنا خفاياها


العــــديم

[كنت أظن ..!]

-


من عرفتك؟ واندفاعي لك يزيد
... ... ... ... والوله يجبرني / اتكلم معك !

ايه انا اللي حيل بوجودك سعيد
... ... ... ... بس قلي هو وجودي يسعدك ؟


بعثـره

[العــــديم]

مرحبآ بالحب ، والمآضي التليد
يآحسين الوصف ، يآأعظم ملك

يآخشيف الريم ، ياعنق الفريد
يآعيون موّحش ، وسط الشبك



العــــديم

[شخص عادي]

الرجل لا زل او اخطا في حساباته
يرجع يصحح خطاه ويكسب الطيبه
دام الخطا بالغلط في بيض نياته
والحق معروف في صفحة مكاتيبه
ومن حقة اليا اعتذر في كل عثراته
الناس تقبل بعذرة ما تهذريبه
ولا تجرحه بالكلام"""" اتقدر اسكاته
واتقدر العذر دام الناس تدريبه
ماهوب مجبور أيبرر كل غلطاته
لكن من طيب نفسه قدم الطيبه

[شخص عادي]

سلم على الجرح ولا البعد ياهونه
البعد اسهل من الطعنات في الغايب
سلم على اللي يحب الطيب وفنونه
وابعد عن اللي بفكرة دايمن خايب
اللي يدور خطا فاللي يحبونه
واللي عيونه تشوف الصح والعايب
تغشى عيونه غشاوه تعمي عيونه
عن كل طيبه تجي من واحد طايب

[عذبة الصفات]

تسلمون ولاهنتوا بيض اللـٍْْ♡̷̴̬̩̃̊ـٍْْھٌٍّ وجيهكم
ويعطيكم العافيه ابداااع

[كنت أظن ..!]

-

شخص : صح الله لسانك ،

عذبة : لاعدمنا هالتواصل




مشآركة :


يارب سامحنا على كل تقصير !
... ... ... ... وعن (كل ذنبٍ ) صار في يوم منا ،

حنا جهلنا وش يجينا فالاخير ..
... ... ... ... لين انغمسنا في المعاصي وضعنا


بعثـره

[العــــديم]

هذي ثلآث شهور من يوم فرقآك
ووجهك وبسمآتك تمر بخيآلي
قلبي عجز يآمآلك الروح ينسآك
الله يصبّبرني على مآجرآلي



العــــديم

[شخص عادي]

العديم : صح لسانك ع القصايد الجزله

بعثــره : صح بدنش
وصح لسانش ع القصايد الجزله


مشآركة:
دام القصايد فضفضة روح وانفاس
خلوني اتنفس عبير القصايد
واقرا قصايدكم مواويل واحساس
وخلوني اطرب في حروف الفرايد
تعالوا الليله ملا _شعري الراس
ودي افضفض له بغصن الجرايد
ولا انشده لغاب شخصن من الناس
هو لية نفقد غيبتة والبعايد
ياما فقدنا ناس ونقول لاباس
والبعض نطريهم بوقت الشدايد
انا ادري ان الناس ياشعري اجناس
والطيب يفرق بينهم والعوايد
وحنا ذكرنا الطيب والطيب له ساس
وبعطيك من عندي لقولي وكايد
وبعطيك نبذة بالمعاني ومقياس
شف ساس من طيبة مع الناس سايد
اللي ورث طيبة مع الطيب نبراس
(متوشحن تاج الفخر والقلايد)
يفرق عن اللي طيبهم كنه نحاس
لاقيمتة تغلا ولا بة فوايد
ولا الذهب قيمة ومعنى ونوماس
عند الذي طيبة مع الناس كايد



كتبتها على السريع
اذا فية خطا علموني

[كنت أظن ..!]

-

شخص : صح الله لسانك ألف ، قصيدة وآفية
لكن عندي ملاحظة بسيطة ..

انت كاتب ( 11 بيت ) + شطر زايد اللي هو :
(تلقى جدوده طيبين(ن) البدايد )

ممكن تشطبه او تزيد له شطر .. اذا تسمح





مشآركة :

على الله وانا لاوكلتها لله زهلت الهم !
... ... ... ... كريمٍ يعرف الخير و.. يدبر أحوآلي ،

انا قال لي شخصٍ ( انا ارجوك لاتغتم )
... ... ... ... وقفى وهو للحين ذكراه : مدهالي

وانا للامانه مدري ان كان هو مهتم ؟!
... ... ... ... على البعد مرت كم سنه / ماتهيالي

احبه ولادري مرني في المحبه كم !!
... ... ... ... ولو راح عمري في غرامه فلا ابالي

عسى الله يحفظ خطاه ياربي وينعٌم
... ... ... ... عدد ماتحريته وهو ساكنٍ بآلي !



بعثـره