.....@@((انا غرامي بنت من يذبح الحيل=بنت اللذي للطيب يسكن دياره ))@@.....

[ليوناردو دافينشي]

غازي الرسمان

يعطيك العافيه لكن انا عندي ملاحظات بسيطه وارجو انك اتقبلها بصدر رحب

وصدقني ان الملاحظات اللي بقولها اذانظرت لها بعين الشاعر اللي يبي يستفيد ويطور نفسه

راح تستفيد سواء كنت انا مصيب او مخطيء وانا اتوقع انك مانزلت القصيده الا عشان تشوف رد فعل الاعضاء

وترى المشاركات اللي تحت قصيدتك تبين اللي مهتم واللي يمر لمجرد تسجيل المرور ورفع لي وارفع لك

وانا مستغرب ان اول خمسة ردود لاعضاء لهم لقب شاعر اتوقع ان قصدهم يشاركون بالمديح

عشان ترد لهم هذا المدح بقصاديهم وهذي مصيبه او انهم مايدرون وش السالفه ولا قروا القصيده وهذي الطامه

عموما انا ماراح اقول ملاحظاتي لاني مابي احد يفهمني غلط

لكن راجع ابياتك من ناحية الوزن والملاحظات الثانيه لابغيتها حاضرين للطيبين

الأخوه الشعار ارجوا ان تراعون الصدق ولا تبخلون على اخوانكم بالنصيحه مهوب مرور وحيا على الفلاح << تعبت وانا انصح

والمشكله باقي الاعضاء يشوفون شعار اثنوا على القصيده وجاوا مع الخيل ياشقرا

ترى الصراحه تزعل في حينها لكنها تعتبر درس للي يفهمها ويثمنها والمجاملات لاتودي ولاتجيب

[العيون الشقيه]

ياقوم قصيدتن تهول من رجال يهول صح السانك ياغازي وينهي الحين عدهم على الاصابع شويات جعلهم يكثرون

[فــلاح]

ليوناردوو ياسلالالالالالام عليــك ...
أنـأ أطلـب بأنــك تبيــّن التوضيـح اللي عنـدك وإذا كنت
صـادق بنكون بصـفك وإذا كنت مخطيء بتكون وجهة
نظرك ومحد مجبور يقتنع فيهاا لاهنت عطنا التوضيـح ...

صـح ألسـانك ياغازي ولاهنت...
الصراحـه أول ماقريـت القصيـده أعتقـدت انهاا مجاراه على
الشاعر / عبدالله العماره على قصيدة( سوق شرق وفناره)
وأتضـح لي في رموز القصيـده بأنها ليســت مجاراه ...

[غازي الرسمان]

مشكله

صح بدنك
وكل الشكر على المرور والاطلاع
واشكرك على التواصل
تحياتي

[الفيـــافي]

قصيدة رااااااااااااااااائعة جزلة
طريقة الوصف فيها جميلة
صح لسان من قالها

[الطرقاااا]

لولا الامل نرسـم معانتنـا ويـل
واحلامنا تنزف الـم فـي مسـاره


روووعه ياغازي وصح لسانك

تقبل مرور اختك :: الطرقاااا

[ارعدي ياسحابة]

اخووووووووووووي قصيدة الرائعة مافيك حيلة ياشاعرنا تقبل مروراختك ارعدي

[@فجر العازمي@]

انا غرامي بنـت ذيـب الرجاجيـل
بنت اللذي للطيـب شبـاب نـاره

غازي

جزل وربي

صح الله لسانك

ولاهنت ع القصيده الجزله

تقبل مروري وتحياتي:
@فــــــــــــــــجـــــــــــــــــر العازمي@

[GUCCI]

صح السانك يا غازي

قصيده جيّده

ولو ان فيها الكثير من الملاحظات اللي بأتطرّق لها الحين :


انا غرامي بنت من يذبح الحيل=بنت اللذي للطيب يسكن دياره

بنت اللذي للطيب يسكن دياره

انا بصراحه ما لقيت تفسير منطقي لهالشطر ؟









وعمانها وقت الملاقا حلاحيل=لاشفتهم قلت إشبلاهم سكاره

الشطر الثاني تشبيهك ضعيف جدا !

ماهم سكاره شرب وإلا مهابيل=من فعلهم هابت اسود ونماره

نماره شنو ؟؟

اذا تقصد جمع ( نمر ) فهي النمور وليست النماره !

عدوهم لو راح وابعد تراحيل=لابد ماهم يفجعونه بغاره

البيت هذا جميل وبنظري انه افضل بيت في القصيده ككل !


وجه القمر.. لازار نورة مع الليل=نور الفجر.. لاوالله شمس بنهاره

الشطر الثاني فيه كسر واضح بالوزن !

إليا مشت تاقف جنود واساطيل=هي سيدة للبيض تاج الاماره

بما انك وصفت .. من زينها تاقف لها جنود وأساطيل كان ودّي ان بالشطر الثاني كملت الصوره التشبيهيّه يعني كان ودي انك ما قلت ( سيده للبيض ) دام البيت كله جنود واساطيل وتاج اماره !

كل الجمال يتوج براسها كليل=بدويتن لاقيل زاد افتخاره

الشطر الاول :

كليل تقصد فيها ( إكليل ) واذا قلت إكليل بيختلّ الوزن واذا خليتها مثل ما هي ( كليل ) بيصير معناها معتم وغير واضح !

الشطر الثاني : كيف تنطق بدويتن ؟؟ مراعاه للوزن تخليها سريعه وكأننا بلهجة الشام !



عريبة الجدين تبعد عن الميل=ولادوجت في سوق شرق وفناره

الشطر الأول تمام ولكنّك خربت جماليّة البيت بالشطر الثاني

عريبة الجدين تبعد عن الميل << تفخر فيها انها اصيله ومعرّبه الجدين
فجأه نلقى ( دوجت ) و ( سوق شرق وفناره ) نشاز واضح !والشطر الثاني عندك إقتباس واضح من قصيدة بن عماره عندما قال :

يفدى دكاكينك يا سوق الفحيحيل // سوق المرينا سوق شرق وفناره

ولاسمعوا الجيران صوت التعاليل=ولاقالت تؤبرني ابيلي استماره

الشطر الثاني فيه ثقل كايد !


بنت الاصايل للظروف المقابيل=تصبر على بلواك يوم إنفقاره

استفسار بسيط : معنى انفقاره ؟

وجدي عليها وجد من ينطر السيل= وده يشوف الارض زايد خضاره

الشطر الثاني خانك التوصيف حيث ادخلت المذكّر على المؤنّث
الارض يزيد خضارها وليس يزيد خضاره !

صح والا لا ؟


اخي غازي الرسمان

انا اعلم ان هذه القصيده قديمه نوعا ما ..

ولكن صدقني لا صار النقد المبني عليها ( بنّاء ) وربي انه يفيدك
ويخليك تتلافى اخطائك السابقه

وانت ما نزلتها هنا الا وتبي ردّة فعلنا وآرائنا


ان كانك بتتقبّل النقد بصدر رحب فهذا هو نقدي امامك
وان كانك ما تتقبّل النقد فـ السموحه منك والعذر !

وبالختام

صح لسانك وعساك على القوه

فمان الله