اقتباس:
مادام للخوّه حْقوق ومطاليب=يبصم عليها أهل القلوب النّظيفه
للأخويا سلمْ وتبادل مواجيب=إمقسّمه مابينهم .، بالنّصيفه
والرّجل لاصاحب .؟ ينقّي الاصاحيب=وإيطقّ من عرفْ الخبلْ والهديفه .!
وإن جازله رجّال ., من عقب تجريب .؟=في (قائمة عرف النشاما) يضيفه
والطيّب اللّي وين ماتدرجه .، طيب .؟=هذاك منوة كلّ طيّب وكيفه
وأنا وريث أهل السّيوف المخاضيب=وأهل البيوت المزبنات المريفه
قّطاعة الفرجهْ على الفطّر الشيب=والا على ظْهور المهار العسيفه
قضبتْ منهم للمراجل مقاضيب=ومنهم تعلّمت العلوم الطريفه
أشفق على خوّة عريب المناسيب=أشفق من الطائي على شوف ضيفه
أوفيله أوفى من وفا الزير لكليب=وأوالفه ميلاف ولفْ لوليفه .!
وإلى نصاني يشتكي قاصر الجيب .؟=أمدّله لاكان حالي كسيفه
أعطيه مافالجيب .، والرّزق فالغيب=من عند خّلاق الطّوال المنيفه
مانيب أفرّح فأبن عمّي الأجانيب=أحمي قفاه إمن النّفوس الضعيفه
ولانيب أطلّع في رفيقي عذاريب=لأهلْ الحكي ., وأهل العقول الخفيفه
وإن جات طعنه من رفيقي .؟ فلانيب:=أسلّ سيفي كان هو سلّ .، سيفه .!
أرفع مقامي عن سواياه وآطيب=وأمدله كفّ اليمين الشريفه
وإن كان هو يغتابني كلّ ماغيب .؟=بواجهه بالحقّ ., في وجه زيفه
أطقّها بالوجهْ وإيخيب وآصيب=وأخلّي أعذاره .؟ بعينه سخيفة .!
وإلى ندبْ ؟ مانيب أردّ المناديب=يامرحباً به ., وإن بغا الصدّ .؟ كيفه
لكنّ لاوصلتْ كرامة الأشانيب .؟=عند الكرامه ., بتكرّم وأعيفه
أصدّ .، واقبالي عقب صدّتي عيب=ماأعتدتْ أردّ إقفايتي بالنكيفه .!
|
الشاعر فهيد بن عصيدان بيض الله وجهك على ذي القصيده وقصايدك كلها تبيض بالوجه
الشكر لإدارة هذا المنتدى الرائع على إستضافة هذا الشاعر المبدع
تحياتي للجميع
23-09-2007, 01:38 PM
العرض المتطور
