!! .. واحـــــــات صمـــــت اليتـــــامــا .. !!

[صمــت اليتــاما]

,

عزالله إني يوم حبيت / حبيت =ماكنت آحسب الحب هذي علومه



ضحيت , وأخلصت , وعطيت , وتفانيت =لو إن نفسي من عطاي [ محرومه ] !




الظاهر إني طحت وأنا ما سمّيت=ولا أظن لي من بعد ما طحت قومه



ما جت لي الدنيا ( على ما تمنيت ) !=حلمت : والأحلام شبه معدومه



عجزت :وأنا اللي الى قلت سويت=حظي فتر حيله وبردت عزومه



ياما قطعت من الدروب وتعنيت=وسريت ليل ٍ ما تشعشع نجومه ,


وكم ليلة ٍ روحي على كف عفريت=وأقول ( ما آحد ٍٍ ميّت ٍ قبل يومه ) !



ماتحت رجليني ياكود الدناميت=آطا الخطر .. كني معارض حكومه !



وقفت في وجه الظروف وتصديت=وقفة شجاع ٍ راس ماله : سلومه



وش عاد أخذت من المحبه وخليت=حب ٍ مضى وقته .. وبقيت رسومه



عليه أجرّ مع الونين / التناهيت=لا أخذت لي في جوّه الرحب .. حومه



ذكراه حولي .. كل ما أصبحت وأمسيت=رحل .. والأصعب من رحيله ؟ قدومه !

,

[صمــت اليتــاما]

,







إن شفت ما عفت / سلّمت الغياب العنان ,
آرتاح في عزلتي .. ما ابغى من الناس آحد !


وآلله ما آرضى على نفسي مكان الهوان ,
آجفاه .. لو إن مالي غيرهـ : الا [ اللحد ] !

,

[صمــت اليتــاما]

,

فـي الحـب لا تظهـر غـلا مــن تــوده=ترخص بعينه وانت من كان غالي
وان ابـتـعــد فـابــعــد بــعـــادك يـــــرده=وان اقتـرب فاثـبـت ســواة الجبـالـي
وان شـد حـبـل الــود فـاحـذر تـشـده=يقـطـع طـريـق الــود شـــد الحـبـالـي
ولاتـقـابـل المـقـبـل بـوجــه الـمـصـده=ولاتطـرد المقفـي لـو الهجـر طـالـي

,

[صمــت اليتــاما]

,

شمس المحبه للغياب استعدت =ولا عاد لي في ظل رجواك مقيال

وأرياح شوقك , كان صلفه وهدت=وإظلال عهدك يوم طال المدى مال

وبدو الهيام من المعاليق شدت=والشوق مثل البدو نازل , ورحال

وكبدي لكل ارماح صدك تصدت !=والقلب عز الله للحزن خيال

والعين بدموع الحسايف تبدت=والحال ويش الحال ؟ ماعاد به حال

روحي مع مشراف الاحباب عدت=وعدت ولكنها مع راس هيال

تحبني !!! لكن عزومك تردت=ماأحتلت في وصلك , مثل ماأنت محتاال

,

[صمــت اليتــاما]

,






ابشّرك ..... عقب صدّك ؟ ... زالت همومي
.....................كنت احسبك خير ، واثر فراقك [ الخيره ]


هـ / الحين حتى انت تحسدني على نومي
...........................في ذمتي تبت [ لاحبّك ، ولا غيره ]

,

[صمــت اليتــاما]

,

كفّيت حزني عن العـذال فـي صـدري=وحاولت في دمعتي .. لكنها طاحـت !

ما غيّرت من غلاك ولا نقـص قـدري=من رحت عن ناظري ذكراك ما راحت !

,

[صمــت اليتــاما]

,

مَــــآ عَـــــآدَ بَــاقِـــيً بِـقَـلْـبِــي غَــيْـــر هَـالْـكَـلـمَـه=بَـقــوُلَــهــا لَــــــــوْ يَــــزيــــدُ اْلَــــوْقــــتَ غِــرْبَـــالـــيَ
[ شُكْراً ]عَلى حُبَك أَو [ شُكْراً ] عَلى الّصدْمَه=فِــي اْلحِالتـيـنِ أَنْـــت مـــآ قَـصّــرتَ يـــا اْلـغَـالِـي

,

[صمــت اليتــاما]

,

البعـد نــار الـهـوى والـصـد مـثـل الجـمـر=والنبـره اللـي فـي صـوتـي بـانـت أهاتـهـا
من قبل ماكنت ياصاحب وسيع الصدر=الـيــوم مـاأدمــح خـطــأ الـعـالـم وزلاتـهــا

,

[صمــت اليتــاما]

,

اليوم أنا عندي شعـور :- مـا آعرفـه=يمكن تعب يمكن عتب يمكن أشواق !
بالله شف في ( غيبتك ) اي , صرفه=تعبت أنا شعـر وهواجيـس و فـرآق !

,

[صمــت اليتــاما]

,

أفـــســـح طـــريـــق الـــمـــوادع لا تـعـنـيّــنــي =خــــلاص خــيّــل جــفـــاك ولاحـــــت الـفــرقــا


يـــــوّن قـلــبــي عـلــيــك ولا بــكـــت عــيــنــي =تــعــلّـــق الــــدمــــع لا يــــنــــزل ولا يــــرقــــا

واســيـــت نـفــســي بـنـفــســي لا تـواسـيــنــي =وهــزيــت غــصــن الــغــرام ونــاحــت الورقا

,