السلام عليكم ورحمة الله وبركاته
من منقولي
اتمنى ان يرقى للذائقه وان ينال الرضا والاستحسان
قـلـب ٍ خـلـي وطــاح بيـديـن رعـبــوب
غــزاه مــا هـابـه ولا صـاحـبـه هـــاب
في بـادي امـره جـاه فـي ذوق واسلـوب
وفـي تالـي امـره حـط بالقـلـب مـخـلاب
مـا جـاه فـي جيـش ٍ ولا جـاه بـحـروب
الا ثــلاث سـهـوم مــن بـيـن الاهـــداب
مــن بعـدهـا ياسـعـود والعـقـل مسـلـوب
ومـن عقبهـا ياسعـود والقـلـب منـصـاب
ياسـعـود طــاح القـلـب بيـديـن لاعــوب
عــزاه مــن هــو طــاح بيـديـن لـعــاب
يصـبـح ويمـسـي والـغـلا فـيـه مشـبـوب
ويـروح ليلـه والـكـرى مــا بـعـد طــاب
والــزاد الــى قــدم ولا تـقـل مـغـصـوب
مايهـتـنـي بـالــزاد بـاسـبـاب الاحـبــاب
نـوب ٍ يمـن القلـب فــي وصـلـه ونــوب
يتـل عـرق القـلـب فــي صــد و غـيـاب
ياسعـود بيتـه بايسـر الصـدر منـصـوب
خـلا العـروق حبـال والعـوج الاطـنـاب
وسجـل عليـه البيـت ممـلـوك محـجـوب
لاحـد ٍ يقـرّب لـه مـن اقـراب واجـنـاب
ياسعود حبـه وسـط الاضـلاع مصبـوب
مابـيـن دم ولـحـم واعـظـام واعـصــاب
ياسعـود فـي خلـي مـع الزيـن عـذروب
عـذروبــه الـقـايـد لـتـلـعـات الارقــــاب
ماكـل مـن شفتـه مـن الـنـاس مـرغـوب
ومــا كــل مفـتـاح ٍ يـبـي يفـتـح الـبــاب
ياحـظ مـن هـو صــار للقـلـب محـبـوب
كن الخطـا لا جـاء مـن الزيـن ترحـاب
فـي عيـن مـن حبـه ولـو عـنـده عـيـوب
عـنـده يـسـاو الـنـاس والـحــب غـــلاب
مـن طـب بحـر العشـق لا شـك مغلـوب
غير السهر والضيق والحزن وش جاب
ان قلت اتوب مـن الهـوى ويـن اباتـوب
راع الهـوى لـو شـاب ياسـعـود مـاتـاب
كـم تـاه فـي وسطـه مـن عقـول وقلـوب
وكم فقد في وسطه مـن رجـال واشنـاب
ياسعـود مـا يجـري علـى العبـد مكتـوب
لا جـاء القـدر ماتنـفـع العـبـد الاسـبـاب
بصبـر وعمـر العبـد ياسعـود محـسـوب
عـنـد الـولـي سـجـل ومحـفـوظ بـكـتـاب
03-10-2011, 03:47 PM
ماكـل مـن شفتـه مـن الـنـاس مـرغـوب
[/quote]
العرض الشجري