يـاآ عين مـاآهي سـاآلفة ضحـگ ورمـآش .. يا أم الهـدب والگحل واللعب والطيش ..

[خانتني الدنيا]

قصيدة رائعه للشـاعر

**ضيدان المريخي المطيري ...

القصيدة راآقت لي واتمنى ترووق لگم ...


ياعين ماهي سالفة ضحك ورماش
يام الهدب والكحل واللعب والطيش

ماني على النظره شفوقن وشواش
حتيش لو يدعيني الشوق حتيش

لو مدلي وجهك من الحسن ماحاش
مايستجيب لرغبته كود درويش

ولو ان وصلك فيه مايبرد الجاش
وعلى ضفافه ينعم الحب ويعيش

ياهيه كلك ملح لاكن على ماش
مثل البحر مابل ريق المعاطيش

وانا بدنيا النقض والفتن منداش
وانتي ماغير تنقضين العكاريش

وانا اتقلب كل ليله لي فراش
وانتي على مخدتن كلها ريش

وانا بكفي للمواجيب حواش
وانتي كفوفك للذهب والدناديش

روحي مراح اللوح في غبة الطاش
لاروحت به موجة المد بشويش

ماعاش قلبن يتبع الهون ماعاش
ماتخدعينه في سراب النشانيش

خليه بين ضلوعه العوج يعتاش
حرن تعلا عن طمان الخفافيش


...