معادلي طرقتن معكم يكود الله
يلمنا من بعد تشتيت وافراقي
رحتو ورحنا وكلن يدمح الزلة
والحقد طبع الخبل دايم ليا ضاقي
انا تراني نسيت اللي مضى كلة
وبدلت كل الامور إجلال ودقاقي
اللي عقدله حبل بيدينه يحلة
ورزقي على اللي بكفه مد الارزاقي
اجلس لحالي وأسوي فى الخلاء دلة
ولا وجيهن لها قدمي تصفاقي
دام الشجر مايظل عروقة بظله
جعل الشجر ينقطع معادله باقي
ياللي ترد الخبر من يمنا قله
ماني خفيفن يخايل كل براقي
والله لاأسد اللزوم ولا أتعين له
واسجها فى الوسيعة غرب وشراقي
العود وصى وأنا بأمشي على دله
ومن دون دله حشى ماتنثني ساقي
لايازمانن تزيدالعلة بعلة
وش عاد باقي ولا شفناه وش باقي
لـــ وصل الله عجيان الشلوي
03-01-2012, 10:48 PM
طبع الخــبـــل !
العرض الشجري