بسم الله الرحمن الرحيم
قصيدة للشاعر بندر بن سرور العتيبي ( رحمة الله ) في الشيخ إبن سويد المنصوري احد شيوخ فخذ البورحمه من قبيلة المناصير و كان رئيس ديوان الشيخ زايد الله يرحمه
يا راكب من فوق زين المداقير
,,,,,,,,,,,,,,,,,,,,,,,,,,,,,,,,,,قطع الحديد اللي عريض مقاسه
عليه من ديوان زايد فواتير
,,,,,,,,,,,,,,,,,,,,,,,,,,,,,,,,,مرهق سلاطين الدول في السياسه
اللي بحكمه طور الشرق تطوير
,,,,,,,,,,,,,,,,,,,,,,,,,,,,,,,,,,وأبن الخليج النيم طير نعاسه
ما عارضوه الشرطة اللي على السير
,,,,,,,,,,,,,,,,,,,,,,,,,,,,,,,,,,,,حيث إن رقمه دارسينه دراسه
يوم ابتدى اللازم كفخ كفخة الطير
,,,,,,,,,,,,,,,,,,,,,,,,,,,,,,,,واقفى يبي اللي منقع الطيب ساسه
قصده لزوم عند شيخ المناصير
,,,,,,,,,,,,,,,,,,,,,,,,,,,,,,,,,,,إبن (( سويد )) اللي عليه الرياسه
مودع فياض البدع مقصب جزازير
,,,,,,,,,,,,,,,,,,,,,,,,,,,,,,,,,,,,كم حوارٍ بالقسى قص راسه
أبو حمد ريف السنين المعاسير
,,,,,,,,,,,,,,,,,,,,,,,,,,,,,,,,,,,,اللي جعل كل المراجل لباسه
عدك لاجيته بروس المشاهير
,,,,,,,,,,,,,,,,,,,,,,,,,,,,,,,,,,,روس الجبال اللي جنوبي حماسه
قل يا (( غزيل )) يا زبون المخاسير
,,,,,,,,,,,,,,,,,,,,,,,,,,,,,,,,,,,,,كلامك اللي قلت طول عماسه
أما أعتذر لو ما تفيد المعاذير
,,,,,,,,,,,,,,,,,,,,,,,,,,,,,,,,,,,,,,,ولا إنت طلع فضته من نحاسه
اشوفك على خير ..
09-01-2012, 01:32 AM
العرض الشجري