هذة قصيدة للشاعر / شبيب بن رمثان العجمي
في الأوضاع الراهنة بالشام - حرسها الله -
وأتركم مع الأبيات
ينحاس بالي لاذكر طاري الشام ..
ودق صدري واعترف بالهزيمه
وين الحمايا ياذرا ثغر الاسلام ..
والشام يزهم والنتايج وخيمه
ياوجد حالي واكثر الناس نيام ..
نوم الضماير والمشاعر عديمه
نطرد ورى الدنيا على الوجه هيام ..
وقلوبنا حلت عليها الصريمه
يأمةً ولت وديست بالأقدام ..
وخلي عليها من المذله وسيمه
للمجد صناعً وللعز غنام ..
واما تحركنا قفى السيل ديمه
الموت واحد وطلب العز قدام ..
في ساعةً ماعد للعمر قيمه
الماء تغثرب والبحر له تليطام ..
والشوف سرب والسماء فيه غيمه
والي من اول يتقي صار ضرغام ..
وبانت علومه والعداوه مقيمه
ياشعب عدوا واستعدوا للايام ..
الوقت طرف والذخاير قديمه
وان كان به درعً للاسلام وحزام ..
ومجدً يسطر والضواري محيمه
هي دولة التوحيد للدين خدام ..
مهد الرساله والعقيده سليمه
ولابه جهاد الا تحت راية إمام ..
والمملكة تبقى للامه زعيمه ؛؛؛؛
وسلامتكم ☺
22-07-2012, 02:29 AM
العرض الشجري