( آحبك ) كلمةٍ تكشف غلاك وتطرد ضنونك
تفنّنت بغرامك والغلا هو سيّد فنونك
تمكّنت بغلاك وصرت تمشي في شراييني
وش إللي صار فالدنيا ليا ناظرت بعيونك
إنا في حلم وإلا علم .! إليا شافتك عيني
غرقت فموج بحرك ماوصلت لسر مكنونك
تساهلتك مع آنك صعب وآنت إللي معنّيني
عشقتك من ضمير ٍما يساوم فيك ويخونك
رغم كل الظروف إللي تجي مابينك وبيني
وعاهدتك عهد ماغيرك آحدٍ يقرب حصونك
معك طال الزمن وإلاّ قصر ياشمعة سنيني
عسى الله مايوريني فراقك وآعطش مزونك
تحريتك تجي في يوم تنعشني وترويني
عليك الله وآمانه كيف آعيش العمر من دونك
وآنا إللي لا تذكرتك نسيت إللي يحاكيني
( آحبّك) كلمةٍ تكشف غلاك وتطرد ظنونك
وترضي خاطرك وإللي يجيني منك يرضيني
تقرّب من حبيبك والعواذل لا يهمّونك
آنا لا همني غيرك ,, ولا غيرك بيعنيني
مدام إنّك ملكت القلب وعروقه يلبّونك
تمخطر بالحشا ( لبّى )
حشاي وكل مافيني
24-09-2012, 11:23 AM
العرض الشجري