فنجال وعلوم رجال (تفضلو ياهلا ورحب)

[فلاح بن مبخوت]

السلام عليكم ورحمة الله وبركاته

موضوعي اليوم اخواني عن القهوه العربيه وما قيل عنها من اشعار

وقد جمعت لكم عدة ابيات من شعراء كبار ارجو ان تعجبكم







تقهو واسمع وش يقول الامير راكان بن فلاح ال حثلين

يامحلا الفنجال مع سيحة البال = في مجلساً مافيه نفساً ثقيله

هذا ولدعمً وهذا ولد خال = وهذا رفيقاً مالقينا مثيله

ويقول الشاعر محمد بن عبدالعزيز القحطاني وهو يوصي ابنه

يابو محمد شب واقضب مكاني = في غيبتي قهو الرجال المشاكيل

وفل الحجاج لكل من جاك عاني = وابدا التحيه قبل سوق الفناجيل

ويقول شاعر من قبيلة مطير واسمه شليويح وهو يوصي ابنه نمر

امل الوجار وخلو الباب مفتوح = خوف المسير يستحي ماينادي

يانمر مافي صكة الباب مصلوح = ولاهي لهلكم يامظنة فؤادي

ويقول خلف بن هذال شاعر عتيبه

سوولي الكيف وارهو لي من الدله = البن الأشقر يداوي الراس فنجاله

كيف لنا نحرقه بالنار وانزله = واليا انقطع لو ورى صنعاء عنيناله

ويقول الشاعر ابن خشم الذيب العجمي

اشرب الفنجال واكب البياله = طيباً واحب سلم الطيبيني

الولد ان طاب طيبه من خواله = وان تردا فاعرف انهم خايبيني

ويقول الشاعر دغيم الظلماوي من قبيلة شمر

ياكليب شب النار ياكليب شبه = عليك شبه والحطب لك ايجابي

وعلي انا ياكليب هيله وحبه = وعليك تقليط الدلال النجابي

ويقول الامير راكان بن فلاح ال حثلين اثناء اسره
في تركيا (يصف حالته)

يابوهلا صرنا سوات الدراويش = والكل منا خبزته في يمينه

لا عاد به دله ولا عاد به عيش = ولا عاد به فطحة خروفاً سمينه

ويقول الشاعر الامير محمد بن احمد السديري

يابجاد شب النار وادن الدلالي = واحمس لنا يابجاد ما يقعد الراس

ويقول احد الشعراء

الدله اللي ماتبهر من الهيل = مثل العجوز اللي خبيثاً نسمها

[img]http://www.photoshopclub.net/Tutorials/Gold%20********ure/bu_bader_files/dallah.jpg[/img]

ويقول الشاعر ناصر بن عبدالكريم من اهل سدير

خمسة عشر فنجال لحنيف صبيت = لو ان بطنه قربةً قد ملاها

فرد عليه الشاعر حنيف بن سعيدان المطيري وقال

لا تحسبني من دلالك تقهويت = قللت في طبخها وكثرت ماها

ياموصي الحرمه على صكت البيت = تقول منته فيه وانته وراها

وفي الختام اترككم في رعايه الله واسمعكم من ابياتي اللتي قلت فيها عن القهوه واقول فيها

انا شفي منا روحي اشب النار بالخلوه = وازيد البن من هيله واكيف بدلةً صفرا

على وجاراً تقيد النار لجل الراس والقهوه = واهيم بصفوة اشعاري غزل في عشقتي العذرا