اهداء لكل حزن
وصوه يقرا الشعر يفهم معانيه=كوده يعرف شلون معنى غيابه
شعري بعد ماراح كله مشاريه=اسوق شرهاتي الى حد بابه
حتى قصيدي فيه لاجيت اغنيه=يضفي على اطراف المعاني رتابه
لاجابه الطاري على القلب لبيه=لبى غلاه وفالضلوع انسكابه
راح وتركني في حراوي طواريه=وهددت بالنسيان كوده يهابه
كوده يعود لي وانا في حراويه=ورجم الغبون يشوف من هو رقى به
حلفت مأنسى طيب قلبه واخليه=حلفت مأنسى غيبته واغترابه
سلمت له قلبي الينه لعب فيه=خلاه يضرا له بلطف وحبابه
مالوم انا قلبي وهذي مداريه=لاجيت بالحيلات جاني ذرابه
مالوم انا قلبي لاحبسه بمحانيه=هذاك ماله بالخلايق مشابه
هذاك في قلبي على كثر اساميه=عجزت لا القى مايليق بجنابه
هذاك من يلمس حروفي باياديه=صارت حروفي في يدينه سحابه
هذاك اصلن من كثر ماني اغليه=أغلي اثر خطواته واغلي ترابه
ماني يتيمه كان هذي اراضيه=مامات ابوي ان كان هذا ذهابه
شخصن أذا ضاقت حمتني مباديه=ولاحس قلبي شي جاني رحابه
ولاغاب عني حاربتني لياليه=ماغير أسلي خاطري بالكتابه
وانشر قصيدي كود يفهم معانيه=عله يعرف شلون معنى غيابه
للشاعره / بنت أبوها
العرض الشجري