السلام عليكم ياجماعتنا كيف أحوالكم أنشاء الله طيبين وبخير
عتاب بين أب وابنه
الولد
ياابوي أنا جيت لك والنفس ندمانـه
وفي القلب نار تشب وتشعل أشعالي
ولدك تاه الطريق وكثرت أحزانـــــه
وشرب المراره وغيره يشرب الحــالي
الاب
رح خل ينفعك من طاوعت شيطانـه
صاحبك راعي الوفاء اللي ماله أمثالي
صديقك اللي يعدك ثالث أخوانـــه
وشلون خلاك وقت الضيق للصــالي
الولد
يا ابوي عطفك رميت الروح باحضانه
ونثرت دمعه تجي لنشاب الأهـوالي
لا عاد تذكر لي الماضي وخلانــه
راحوا وشفني وحيد جالس لحالي
الاب
غرتك دنياك والأيام خوانــــــــــــه
رضيت بالصحبه الحسنه بالأنــــــذالي
وأغضبت أبوك وفضحته بين جيرانه
ونزلت راسه وهو فيما مضى عــالي
الولد
أنت السبب في الخطأ وأنا أدفع أثمانـه
أهملتني وانشغلت بجمع الأمـــوالي
خليتني للهوى وابليس وأعوانـــــه
يلعبي الجهل من جال الى جــــالي
الاب
أنا أجمع المال وأتعب حيلي من شانـه
قرش على قرش وريال على ريـــــالي
واشري لك اللي تبي من وسط دكانـه
وتختار سيارتك لوسعرها غــالي
الولد
يا ابوي أنا جيت والعينين غرقانـه
تائب عن الذنب وارجي رحمة الــوالي
السجن قطع فؤادي صمت جدرانــه
وظلمة زواياه عنها موتي أشـــوالي
الاب
تعال ياروح أبوك ونبض وجدانـــــه
لا عاد تشكي وتبكي يابعد حـــــالي
الذنب ذنبي وصار وشفت برهانــه
وقررت أخلي الطمع وأهتم بعيــالي
الولد
أستغفر الواحد المعبود سبحانـــه
ومن رفقة السوء أحذر كل الأجـيـالي
وانا اوصي الأب من فضله واحسانـه
لا تشغله عن عياله كثر الأعمـالي
وسلالالالامتكم
ماأتمنى ألا أن تنال أعجابكم وأستحسانكم فقط لاغير
02-03-2006, 05:18 PM
العرض الشجري