ماضي العضيمان يشـــــــــعل سمـاء القاهره

صبي المخاسير · #1 26-04-2006, 07:56 PM

بسم الله الرحمن الرحيم

السلام عليكم ورحمة الله وبركاته

لقد اشعل شاعرنا ماضي سماء القاهره مساء الاحد قبل الماضي
في الامسيه الشعريه التي اقامها اتحاد الطلبه الكويتي في مصر تحت رعاية الشيخ / مبارك الدعيج وكيل الاعلام الكويتي
وبشرف حضور السفير الكويتي في القاهره
وحضور شخصيات خليجيه بارزه وجمع غفير من الطلبه الكويتين والخليجين

ونحن هنا نحاول نقدم لكم ماوصلنا من معلومات عن هذه الامسيه عبر اتصلاتنا مع احد الزملاء في القاهره
كما كنا نتمنى بلقاء شاعرنا لكن لم يحالفنا الوقت

فقد كانت امسيه جميله ورائعه ابطالها بجانب شاعرنا الشاعر حمدان المري
وهلا ل المطيري وفايز

وقد تميز شاعرنا كما عهدناه بقصائده الجميله والجذابه التي تعطي الروح
لمستميعيها واطرب الحضور المكتض بالقصائد الفكاهيه والجميله المتتعه
التي حازت على رضى الجميع من ابداء اعجابهم بها وكثرة ( التصفيق)
لابياته الممتعه ما اجلت هموم الطلبه الدراسيه والغربه ولقى شاعرنا طيب
الترحيب والحفاوه الكريمه عند استقباله ووالشكر والتقدير على كل ماقدمه
والوداع الاخوي الحار عند عودته لبلاده

فقد افتتح شاعرنا الامسيه بقيده في هذه المناسبه حيث قال:

وبعدها قدم جميل مافي جعبته من قصائد منها( الاسكندريه )
ومنها هذه الابيات

ياللي لفيت اسكندريه من اسيـوط=وش مزعلك من عمدة اسيوط يابيه
ما انت بعلى طوارف النيل مقطوط=عشان تهوى البحر الابيض وتاتيه
مادمت من نسل البشوات ممعـوط=يحسبلك حساب الزعل والمشاري
جدك قبل قرن ينفـذ لـه شـروط=يطـاع امـره ويتلاشـى معاديـه
علي الحرام انه انحرم فكة النوط=طلاب ثاره والمنحشـل وغازيـه

وكذالك ( بنت النصارى )

شوفوا كنيسه ياهلـي وارمونـي=عند الصليـب وراهبـه خلونـي
بنت النصارى غـرّرت بالمسلـم=خـلاص انـا حبيتهـا وانسونـي
شقـراً تولّعـت بهواهـا كـلـي=من شفتها في مطعـم البردونـي
ياحـظ ابيهـا وامهـا واخيـهـا=والويتري والظفعـه القرصونـي
مـرّت علينـا فـارعٍ مـرتـزّه=والردف والعنق الطويل اغوونـي
تمشي..كعبهـا يستلـذ اخطـاهـا=كنهـا تـدوس قلوبنـا باللهونـي
.......
حتى ذوي اللـب أودعتهـم قتـلا=فكيـف بـي ياللآئميـن اعفونـي
.......
وانا من اهل العقل واهل الحكمـه=وخفيـف دم وحافـظٍ قانـونـي
لكن ذي ماعاد ينفـع معهـا=لاحكمـة العاقـل ولا الشيطونـي
اهل الخليـج الله يعيـن (نساهـم) =هذي تلخبـط حسبـة الموزونـي
من شافها خلاّ الجزيـره واقفـى =ثم قال: انا اسمي ياجماعه (طوني)
لو شافها السلطان خـار علومـه =هذي مصيبه في الزمـان الدونـي
من عمرها ماغير (عقد ونصفـه) =بزرٍ وراه اهل الهـوى يسعونـي
صاحبت ابيها لجل اجيب اقصاهـا =واقضي جميع اديونهـا واديونـي
وغديت انا ويـاه صحبـه حلـوه =حتى حفظ شعري وجر ألحونـي
بـس امهـا يالعنبـاهـا بلـشـه =أذتني ..ب حزّر وشوف فنونـي
هي كرهتني جورج ابن قرداحـي=وبرنامجه من يربح المليوني
لاشـك اخيهـا طيـب وياحليلـه=العب معه على جهـاز السونـي
وهي صاحبتني صحبتـي لهلهـا=وقلبـي ينـادي يامـلا غيثونـي
مـره تسولـف سالفـه وتغـنـي=ومره تنبّش بالسكـوت شجونـي
لعيونـهـا بجـيـب ماتخـتـاره=لو تطلب عيوني بجيـب عيونـي
حتى لـو تقـول البحـر قدامـك=وابغا تصير اسكنـدر المغدونـي
بصير انا ..المغدونـي الاسكنـدر=علي الحرام اني انهبلت انجونـي
هـذي مسيحيـه وشافـت فينـي=شيفه.. وحبتنـي وحبـت لونـي
قالت: مابدي غير هيـدا العجمـي=انـا بحبُـه صايـره مجنـونـي
ياللي قبل معرف غرامـه هيكـي=بلعب ..صبيه غاويـه ومزيونـي
........
يالعنباها حضّـرت فـي راسـي=اشرس شياطيني..واشد سكونـي
يعني ماعـاد الا احتـزم بالشلفـا=واطر بطن اللي يجي من دونـي
لاطنّبت بالصوت لـي ياماضـي=بقـول يالبيـه لــك ياعـونـي
حلوه وتعشقنـي وراحـت فيهـا=والله لجيهـا مـاسـحٍ طبلـونـي
........
واهل الكتاب ان صار فيها شكـه=مادينهـم بـوذي ولا ميسـونـي
حلٌ لنـا ...وانـا فخـور بدينـي=وهي كيفها ..حبيتهـا وانسونـي
واستغفر الله فـي ختـام ابياتـي=وفي روضة المسجد هنا خلونـي

وقصيدة ( ليلة البرد )

أشْرَبْك يا(ما ورد) ما آكلْـك يـا ورد=واضرم عليك ان غبت واسري واشمك
مانيب احنّك مـن قسـا ليلـة البـرد=لا صار حظـن المزهريـه يضمـك
انا اللـي احتـاج لمساحاتـك المـرد=وهمسـة دفـا مابيـن فمّـي وفمّـك
عليـك كـل عروقـي الظاميـه ورد=بـاذوق مـاك ويمكـن اذوق دمــك
ماعاد ينفـع لـو تبـي لعبـة النـرد=لو فـزت مايمـدي باخمـك باخمـك
و زور البعير الى تعانق مـع الجـرد=برحل معـا غفـوة شتاتـك والمـك
ياموَلّع القيفان يـا مـروض الشـرد=اجتـث همـي مثـل ماجتـث همـك
واسأل هل البصره عن معاشر الكـرد=يمكن يقولون امـش والبـس معَمّـك
ياموسوسٍ في قلب (بشار ابـن بـرد)=(بشار) مات وسقـت الاقـدام يمـك
اصيح لك والفكر جا يطـردك طـرد=خذني معـك مابين(كيفـك و كمـك)
وسمعني من السرد واسَمّعـك سـرد=واكذب علي كذبك على ابيـك وامـك
ترى اللسان افـراد ولاّ الوفـا فـرد=فديتك اقـرب ودي بشـوق اضمـك

كما لاتخلو من ( متـــــــمرد )

الشمس غابت وغنّـا الليـل يادانـي=وانا هـواوي وابـي بنـتٍ هواويـه
لاقمت اغني واجر الصـوت بلعانـي=قالت لي ارحب ياحي الصوت ياحيـه
تسمع قصيدي وتطرب لـي وتنخانـي=والبس على شانهـا محـزم وجنبيـه
واللي سمعني يقول: الشاعر عمانـي=ولاّ ان ذالبنت يالشاعـر ..يمانيـه!!
يالربع لاتجهلـون اسمـي وعنوانـي=انا سعودي وابي الدعـوى سعوديـه
بس السعاطير فـي راسـي تبلاّنـي=وهذي القصيده الى صارت حماسيـه
لاحن قلبي عرفـت اختـار خلانـي=شرقي واحب الهوى فعيـون شرقيـه
تلمس عروقي ..وتروي كل ظميانـي=معها عرفت السعد وابشـرت بالريـه
بنتٍ علـى الديـن لاكانـي ولامانـي=لا قلت: قدااام قالـت: لعنبـوا حيـه
تقصـد عشانـي وتكتبنـي وتقرانـي=مستشعره ..شاعره..مـدري خياليـه
قصيدهـا مكسـرٍ لاقيـل بلسـانـي=وبلسانهـا مايعـرف الكسـر موليّـه
لاهلـت الشعر..قلـت: الله ياقـانـي=روحي يابخـوت روحـي يالبرازيـه
وان سولفت لي عن ظروفي وحرمان=حقوق الانسان كنهـا تحـط جمعيـه
مره تفلسف علي وتخـوض ميدانـي=كنهـا حـركـات فنـانـه اوربـيـه
ومره تغني طـرب وتبـدد احزانـي=كنهـا (اليسـا) واغانيهـا الغراميـه
ودي اسافـر بهـا للعالـم الثـانـي=ماهيب رحلة عمل ..رحلـه سياحيـه
على متن طايـره والكابتـن المانـي=علـى خطـوط الطيـران الخليجيـه
ماهو سياحي (فرست كلاس) مجانـي=اكلـه خفيفـه ومشروبـات غازيـه
ماناخـذ الا وحنـا فــوق لبنـانـي=لاروعتـنـا المطـبـات الهوائـيـه
واسترسل مساعد الكابتـن بالاعلانـي=الحمـد لله علـى الـقـدر الالهـيـه
ثم عـاود الترجمـه بلسـان طليانـي=وبالانجليـزي وبـعـده بالفرنسـيـه
ومطـار بيـروت رحبـي وحيانـي=ورحبّهـا واحتضنهـا بيـن أيـاديـه
ناخذ لنا فـي جبـل لبنـان مسكانـي=يومين..عشره..شهر..النيـه النـيـه
هذي طراة العمـر دام العمـر فانـي=لاصـا لا ذا ولا هــذي ولا ذيــه
وشوفوا الهوى وين ودّاهـا وودانـي=وخـلاّ فنـون التعامـل لا اراديــه
قدااام ..قدااام ..منشاني..على شانـي=وسوق الغلا بيـن مبيوعـه ومشريـه
بعيـد ماحولنـا قاصـي ولا دانــي=هبـي علينـا هبـوبـك يالشمالـيـه
يا ماحلا الليل لامـن صـار دندانـي=وضعنا معه بيـن ..كيريّـه وميريّـه
تمزح معي وتْحَدَاني وأتّحَدّاني =وانـا مغامـر واحـب الدبلوماسيـه
متمرد وسايـق مخاطـر وشيطانـي=رخصه خصوصيه ورخصه عموميـه
واللي على الشارع الثانـي تحرّانـي=بس احتـرام الاشـارات المروريـه
خلانـي اشـرب فناجيلـه وخلانـي=ماجيـه وآنـا اتوجـد ودي بجـيـه
يالربع راسي عنيـد وشفـي اشقانـي=والقلـب لـه ونّـه وحنّـه جنونيـه
ترى الحقيقه كتبهـا نـزف شريانـي=ولاّ القصـيـده معانيـهـا فكاهـيـه
من شافني من كلامي قـال علمانـي=لاشك انا حر وابغى اعيـش حريـه
هذي القصيده وقولوا يسلـم السانـي=وانـا مابيـن الحسـا ولا النعيـريـه

والقصيدة ذات الشعبيه ( الفورد)

يالفورد سواقـك عـذاب المطاريـش=حب النشاما ..ماكـنٍ وسـط جاشـه
امـا مسـاري لـيـل ولاّ مغابـيـش=قطـع الفيافـي منـوتـه وانتعـاشـه
يامـا سهجنابـك مـداً مابعـد نيـش=والقلب ماناشـك مـن الوجـد ناشـه
ابغيـك فـي لازم فـدوك الدراويـش=اهـل العـذل والمهزلـه والخباشـه
لبى رديتـر مويتـك ..والخراطيـش=ومحركـك والكهـربـا والقمـاشـه
ولبيك في عيـون امهـات النقاميـش=ولبيك مع وَعْـر الطريـق ودشاشـه
سيدان ..لكـن صانعينـك مخاريـش=للـي مـع طيبـه تزايـد خـراشـه
وقف وشيك في "محطات ابا الجيـش"=واخذ الوقود اللي لجوفك اعاشه
والى فهقت (عريعره) والتفاتيش=و(ام العراد) ايسار والسور ماشه
وابن خليفه والقصر واسفـل الريـش=يمين..وامن الطـرق سـوق وتحاشـه
مشوارك خصوصي وممشاك بشويش=شفقـان لكـن ماتـحـب الدفـاشـه
القلب مولـع ..والمعالـق معاطيـش=والفكر صار لصـورة الريـم شاشـه
يابقيق مايذكر بك الا ابيـض العيـش=وشلون صرت العشق ..بحره وطاشه
جيتك وانا وافكار راسـي مشاويـش=للجادل اللـي وصلهـا لـي خشاشـه
واللي حمى (راكان) في معتقل ( نيش)=لين ألتفت له (مدحت الصـدر باشـه)
يستر عليّ مـن الرمـوش المعاكيـش=والوجه ابو ملـح وجمـال وبشاشـه
الين ابل الريـق ..واروض الطيـش=واروى تمام الوقت من عقـب ماشـه
حبيبتـي وانتـي بقلبـي " ومافيـش "=يعني "مافيش " الا انتـي أم ارتعاشـه
اللي الى منـي ذكـرت الوشاويـش=واقبلـت يامـزن الغـرام ورشاشـه
شفتك بعيـده عـن يديـن الطواويـش=وعرفت قلبك عاصف الحـب حاشـه
جيت اكتبك وانتي جنـون وخرابيـش=وام الــدلال وللمزايـيـن بـاشـه
مانيب لاش ,, وطامعٍ فيش وابغيـش=وانتـي سنافيـه ولا انتيـب "لاشـه"
واذا دعيتينـي وانـا قلـت: لبـيـش=تدرين رومنسـي ..وكبـدي هشاشـه
ياويش ابين لك مـن القلـب ياويـش=وانتي بوسط القلب صرتـي حشاشـه
ياحشاشة القلـب المعنـا كـذا ليـش=نعشق..ومر البعـد نشـرب قراشـه
والفورد شارينـه لعسـر المطاريـش=وانا حبيبـك والغـلا وسـط جاشـه

وهذا ماحصلنا عليه ونتمنى لشاعرنا واخوانه الشعراء بالتوفيق
ونتمنى ان نكون قد اوصلنا بعض الشي

تقبلو تحياتي