بسم الكريم اللي خلق كل ماكان
من هاجساً مايطلع الا بجزاله
اببتدي والصدق معنى وبرهان
ياللي تجيبون الشعر باي حاله
الشعر له وقفه وموضوع ولسان
والمدح للي يكسبون الجماله
ماقلتها من شان علان وفلان
ماغير نايف بس نايف لحاله
أن عودت لسيف هذا كحيلان
وأن عودت لطيب رمز وشكاله
من لابةً تكتب على المجد عنوان
((معنى الكرم والعز واهل الرساله))
ويكفيك عبدالله ويكفيك سلطان
أخوان نوره سجلو كل طاله
عبدالعزيز ارث رجاجيل شجعان
مامات والله من هذولا عياله
ياسيدي ياصاحب الامر والشان
فيكم كتبت الشعر وافي خصاله
والله مايكفيك مليون ديوان
ولو اعطي الجن المسمى وكاله
يعجز عن التعبير الأنس والجان
أنتم كرمكم فوق كل استحاله
وحنا لكم سمعٍ وطاعه وفرسان
نحمي جنوب الدار لآخر شماله
ياسيدي ماقلتها غير شفقان
وأنتم هل الطولات وأهل البساله
فعلك مع الوالد على القلب نيشان
خوّه وفزعه واحترام وزماله
لاهان راسٍ يملك الطيب لاهان
والله لشلع من شماغي عقاله
والمعذره لاششت ماني بغلطان
غلطان من لاشاش وانته قباله
الشاعرفلاح بن مبخوت العجمي
27-08-2006, 10:34 AM
العرض الشجري