هذي قصيده للشاعر محمد عبيد بن مجول العجمي
يمدح فيها ربعه وجماعته أتمنى إنها تعجبكم
ذا الليل ببدى قصيدي وأطرب الأمه=وأداعب القاف وأسعد كل مهمومي
العود ماينكسر دامه وسط حزمه =وشلون لامن ذكرت أسياد القرومي
شش ياقلم وإطلع الليله على القمه=وإترك قصيد المهازل وإتبع سلومي
شش ياقلم وإرفع الطاروق والهمه=سهران أبلعب وعيني تكره النومي
لامن طرالي الكرم والجود والحكمه=ولامن ذكرت المراجل يبتدي يومي
لي لابتن تنزع المهموم من همه=وتسر باله وبال اللي به همومي
في كل وقتٍ لنا موقف مع بصمه=حنا هل المجد والتاريخ معلومي
أفعالنا قد حقته شيوخ وأئمه=على مرور الزمن تاريخ محسومي
حنا هل الحاضر الماضي لنا كلمه=حنا الكتاب المرصع سلم وعلومي
حنا وضوح النهار بليلةٍ عتمه=حنا حرار المعارك نبعد الحومي
حنا هل الطيب والعادات والحشمه=يلجا لنا كل مغبونٍ ومظلومي
ذليلنا في المعارك قاتلٍ خصمه=يقبل على المعتدي ضرغام زيزومي
أمير في مجلسه حكيم في علمه =رحيم طبعه وضيفه دوم محشومي
كريم يذبح سمين الكبش ماهمه=لو الثمن مرتفع يشري بلاسومي
الأختصار الشديد لناتج القسمه=كالإختيار الصعب لاصار معدومي
الطيب خابر طريقه يرسم البسمه=لعيال مفلح نصا هاوي ومغرومي
أرفع عقالي تحية حب للأمه =لعيال مفلح أجيب القاف ملزومي
شش ياقلم وإرفع الطاروق والهمه=لابارك الله قصيدي ولاإهتنى نومي
وسلامتكم وأتمنى إن قصيدة محمد المجول تعجبكم
تحياتي
17-12-2006, 11:23 AM
العرض الشجري