القلب عود يفوح والطيب من مكسره= تحته من الجمر مايوقد سكات الرماد

[الخيال الحر]

القلب عود يفوح والطيب

من مكسره= تحته من الجمر مايوقد سكات الرماد
والعين مغرورقه بالدمع ومبعثره= بين الصور والرسايل والدجا والسهاد
حنا اليا حسبنا مازرعنا الذره= قل للعصافير تتركنا وقل للجراد
البارحه جف في غصن الملام ثمره =عقب البياض انكسر ضلعه وسال السواد
والناس خلان قبل الريش والمحبره= شعوب وفخوذ واحباب وصباح وهجاد
هذا الجمل لو سنامه سامك فـ ظهره= ماله عزوم يقوم بها ولا له شداد
ياذيب عيد على قلبه وفج نحره دامه= رغى عقب هدراته وشم الحماد
تمخض الوكر والقرناس عن حمره= في راس قشعه لعب فيها الظما والنفاد
يوم النحاس انصدع لونه وذاب أصفره= غنيت للسنبله كل اغنيات الحصاد
مايدفي الا الوبر والوصل والمقدره =لازاد شوك الشتا في راحتك والفؤاد
ولاصار ما لك اليا منك ركضت اغبره= شوري عليك اترك البيدا .. وكب الطراد

[طامي]

صح السانك ياصح السانك

قصيده جميله لكن عندي نقد

تقول ; الناس خلان قبل الريش والمحبره.

انا اقول والله اعلم ان القلم خلقه الله قبل الناس.

وتقبل خالص تحياتي

[محمد المجول]

صح الله لسان شاعرها

والله لايهينك

ياصح لسانك على القصيده الرائعه

تقبل تحياتي

[الــحـشـاشـــه]

مايدفي الا الوبر والوصل والمقدره
لازاد شوك الشتا في راحتك والفؤاد
ولاصار ما لك اليا منك ركضت اغبره
شوري عليك اترك البيدا .. وكب الطراد


صح لساان شاعرهــاا

يسلمووو ع النقل الطيب والاختيار الرائع


تقبل تحيااتي