لكنّ يدبـل كبـدي الشاعـر التـرف@اللّـي قصيـده كنّه..أحكـايـة أمّــه(فهيدبن عصيدان)

[نـاصـر]

السلام عليكم ورحمة الله وبركاته

رائعة من روائع المبدع فهيد بن عصيدان:

اللّيل طوّل بي ولاغـضّ لـي طَـرف=وسرابـي الهاجـوس شرقٍ..ويـمّـه
أخطا هجوسي لهجة..(النحو والصرف)=وأسمن فرايـد هـرج الأعراب..خمّـه
آغرف في غبّة بحـور النّبط..غـرف=وأنقص مزاد الحرف..والنّقـص أتمّـه
شرايـد أفكـاري تناوشتهـا ظــرف=أفكـار أبيـح أبهـا الـى مـن تهمّـه
آعرف وأجهل كثر ماعرف..وآعـرف=ان الغرور..المـقـبـره والمـطـمّـه
لكنّ..يدبـل كبـدي الشاعـر التـرف=اللّـي قصيـده كنّه..أحكـايـة أمّــه
ماني بحـب الا شعر..سـادة الحـرف=اللّـي لهـا تـاج القصيـد ومعـمّـه
والرّجل له ذكرٍ يكفّـي عـن العـرف=والـعـارفــه ياتمدحـه..يـاتـذمّـه
أحب من يكـرف لقول..ونعم..كـرف=وأيجنّـب ادروب الــرّدا والمـذمّـه
يصبر لونّه ضَـدّه الوقـت والظـرف=لو شان وجـه الوقـت ماشال..همّـه
وأن حدّته بقعا علـى الدّمـع والـذرف=يزهـم بنـي عمّه..ولحـمـه ودمّــه
مثل الدويـش وفعل..حمايـة الشـرف=أيحامـي الرجّـال..دون أبـن عـمّـه
الحر..كانه جنّـب الجـول والـزرف=ماهـوب حــرّ..الا شبيبيط..سـمّـه
والسيل..وش هو كان ماورّث الجـرف=ماهـوب سيـلٍ مـن عرضله..يطمّـه
دوّنت لي..مجموعة أفكار في ظـرف=عنونتها في..((أمر الـى مـن يهمّـه))

.
.
.
أتمنا انها نالت على أعجابكم

[فلاح بن ملبز]

صح لسان شاعرها / فهيد بن عصيدان

ويعطيك العافية يا ناصر على هالنقل الجزل

ولاهنت

[حسايف]

صح لسانك ولسان ابومحمد جزله من جزل وهذا ما اعتدنا ما ابومحمد وبنتظااار جديده

[alaajm]

صح لسان إبن عصيدان

والله لايهينك على النقل يا أخ ناصر


سلمت ودمت

[ناصر بن فالح]

صح لساااانك ولسااان ابو محمد

وافي وافي وصح لساانه ملايين

آغرف في غبّة بحـور النّبط..غـرف
وأنقص مزاد الحرف..والنّقـص أتمّـه


كفو كفو

[الراوي]

صح لسانك ولسان بومحمد

وعزلله ماعودنا الا علي الابداع


ولاهنت علي النقل الجميل

[الــحـشـاشـــه]

صح لساان الشاعر /فهيد بن عصيداان ..

وسلمت يمناك يا نااصـرعلى النقل الطيب والاختياار الرائع ..


تــقــبل تحيااتي

[نسل الطويل]

صح لساانه ابن عصيدان



وسلمت يمنااك على النقل وعلى الاختياار الصايب



تقبل

[بندر]

ارحب ياناصر

ولاهنت على النقل

[دسمان]

الله لايهينك يا ناصر على النقل الرائع
ونعم الاختيار

وصح لسان الشاعر فهيد بن عصيدان
على هذه القصيدة الأكثر من رائعة

تحياتي لكل منك