السلام عليكم ورحمه الله وبركاته
احكي لكم قصتي يوم رحت للقنص بموزنبيق احلا دوله بالعالم والتي يتصف سكانها بالطيبه والكرم
في البدايه انطلقنا انا والاخويا من مقرنا بالرياض
توجهنا للمطار بعد ان تاخرنا عن الرحله بسبب زحمه خريص التي تستطيع مشاهدتها من سطح القمر
وبعد ذلك تاخرنا زياده بسبب التفتيش الي على طريق المطار لان كانت فيه زحمه سيارات ومافيه واقف برى الا عسكري واحد والباقين داخل يلعبون بلوووت ونحمد الله على هذا الامن الرائع والخدمات الكبيره التي تبذل من قبل ولاة امورنا
رحنا للمطار ودخلنا بالغلط صاله كبار الشخصيات vip طبعا دخلنا وماكنا ندري ان عندنا عنصريه بين الشعب و ماكنا ندري ان الناس بالنسبه للحكومه طبقات ناس تدخل الصاله الخاصه وتقدم لها الخدمات وناس تجي للصاله العامه وتنتظر ساعات على شان يجي دورهم في قص البوردنق
وعلى طول اول مادخلنا انطردنا من الصاله ومع ذلك ماهبطت عزيمتنا لرحله المقناص
واخيرا وبعد انتظار ساعات وساعات في المطار تمكنا بحمدلله من دخول الطائره والتي كانت متوجهه الي موزمبيق
عند وصولنا في مطار موزمبيق خلصنا من الجوازات وطلعنا من المطار بسرعه مع انه كان عدد الموظفين بمطارهم اقل من مطارنا بس عندهم شغل مو موظفينا الي نصهم جالسين بالمكاتب يشربون قهوه
في اثناء ذهابنا للفندق تمت محاصرتنا من قبل جماعه ارهابيه وقاموا باختطافنا بعد ان اغلقوا اعيننا من الرؤيه للمكان الذي يتوجه له الخاطفون
وعند وصولنا مقر الخاطفون ادخلونا في زنزانات انا ومن معي من الشباب
وبعد ساعات دخل علينا رجل وقال لكم الخيار بالاتصال على اهلكم لكي تطلبوا المال لنا او قتلكم
على طول انا والشباب تضاربنا على الجوال وكلمنا مكافحه الارهاب بالسعوديه
قلنا لهم الوو الحقوا علينا حنا مختطفين
قالوا لحظه نحولك على شؤن المختطفين
وسوا لنا التحويله وجلسنا ساعه مااحد رد اخرتها رد المسج ويقول اترك رسالتك الصوتيه
تركنا رساله علمناه فيها قصتنا
قال المختطفين بنعطيكم فرصه ثانيه بكره قلنا خلاص اوكي
جاء بكره ودقينا عليهم
الوو الحقوا حنا مخطوفين
الموظف: لحول حنا ماعندنا شغله الا انتم طيب دقيقه خلوني احولكم على شؤن المختطفين
حولنا على شؤن المختطفين واخيرا تكرم طويل العمر بالرد علينا
وقال نعم
قلنا حنا مختطفين في موزمبيق
قال وانتم ليش تروحون هناك تستاهلون ماجاكم يالله بس بلا ازعاج عندي مقابله مع جريده الرياض لازم احكي فيها عن مساعداتنا للمواطنين خارج المملكه وجهودنا الجباره
المهم الي خاطفينا رحمونا قالوا خلاص روحوا لبيوتكم مانبي منكم شيء
رحنا للسعوديه واول ماجينا للمطار الا الصحافه كلها عندنا تصورنا جاي واحد يسلم علينا ويصور معنا
قلنا الاخ نعرفك؟؟
قال انا الي كلمتوني بشؤن المختطفين يالله بلا كلام كثير انتم تعبانين ولازم ترتاحون
وبعد كذا ماصرت اصدق كلام الجرايد لانه صار كله نصب في نصب
ولكن انا والشباب عوضنا رحله القنص وطلعنا للثمامه نصيد جرابيع
12-04-2007, 05:29 PM
العرض العادي
