سلامُ عليكم ..
عناد النفيعي الملقّب بـ (سلطان) شاعر يعجبني لـ أقصى درجه !
أترككم مع هذه الفاتنه وأهديها لأخي الغالي (bird of shalwa) ونتمنى انه مايطوّل بغيابه 
.
.
يارب عفوك عليّ وعطفـك الحانـي=همي وغمي علـى رحمـاك زبنتـه
ماغيرك اللي عليه افيّـض احزانـي=ولاغيرك اللي عليه الضعـف بينتـه
اخضع براسي لوجهك واشغل لساني=في عطر ذكرك وروع الصدر سكنته
خطاي وان مر عيني هـز وجدانـي=وليـا تذكـرت غفرانـك تهاونتـه
والبارحـة ماتركنـي ليـن بكانـي=وانا احسب اني مـع الايـام كفنتـه
لي صاحب ٍ فـي معاليقـي تبلانـي=بنيت معـه العلاقـه ليـن مونتـه
على شعوري واحاسيسي وشريانـي=ونقشت حرفه على قلبـي ودونتـه
مر وياليتـه علـى فالـه تعدانـي=ماحط عرقي ضناه ومهجتـي بنتـه
والا صدق في كلامه لـو علشانـي=من يوم باسمـاك حلفتـه وأمنتـه
حتى لو انه الحقيقـه قبـل يلقانـي=على النقيضيـن جارحتـه وغابنتـه
هو يدري انه سكن فـي وتمثنانـي=وانا ادري اني اهين الروح ما اهنته
واني فتحـت لحياتـه كـل بيبانـي=وانـي حضنتـه وعزيتـه وثمنتـه
وارضيه من دم قلبي وازعل اخواني=حتى الرضا من عدم جبته وكونتـه
وليا بغـى جابنـي كلـي وودانـي=سيطر علي وفرض حكمه وهيمنتـه
ضيعت معه اسم ابوي ووسم جدانـي=وحفظت اصوله و عايلتـه وعينتـه
لين الصدف سلمتني جرحي الثانـي=وسيوفها فالضلوع العـوج مكنتـه
واسرفت فالذنب بعد ابليس ما اغواني=وانا بنفسي على ماصـار عاونتـه
جازيته بكـل شـي ٍ فيـه جازانـي=وهبلت عقله علـى كذبـه وجننتـه
واخذت حقي بسيف الغدر وحصانـي=اسرجت ظهـره و حذيتـه وعننتـه
هو خاني ما استحي منـي وخلانـي=وانا مع اقرب قريبٍ يعرفـه خنتـه
وليا نسيته عسى الرحمـن ينسانـي=لكـن مابيـه يذكرنـي وبلعنـتـه
الا ليا احتاجني في موقـف انسانـي=عنته مثل اي شخص اواجهه عنتـه!
العرض الشجري