يامومن الريفي انا جيتك زبون = جيتك على مدح اكثر الناس وعنيت
جيت وتعالى الله عما يشركون = لو لاه يامومن لطبك ما اهتديت
راضي بحكم الله علي مهما يكون = عالج عيوني لو بعد طبك عميت
ودي اخاشر فالبصر من يبصرون = واشوف دربي لا سرحت ولا ضويت
وليا قنصت اثبت مع اللي يثبتون = واشوف طيري كل موميت ودعيت
يا كثر ما يضرب خويي الطابلون = ويا كثر ما اكلته مطبات وكليت
ودي اشوف اللي علي يعرضون = وبعض الليالي ودي اسري دون ليت
واشوف ناس فاالقفا مايرحمون = اما وقفت لصاحبي ولا مشيت
من دون نظاره ولا هم يحزنون = ياكثر ما كسرت كشمات وشريت
لاكن يادكتور جعلك ما تهون = ابغيك كلمه راس دامك ما بديت
اسمع ولا ابغى بوزانك يسعمون = ربي كتب يكشف لك اسراري وجيت
صوره عديل الروح عندك فالعيون = واخاف تقطعها بموسك مادريت
ولا عليك امر اطوها تحت الجفون = وعقبه لو تقطع عيوني ما شكيت
هي راس مالي والعرب مايدركون = اني على باب الممات وما حكيت
ياقو قلبي يوم قفا ان الظعون = اللي على ذاك الموادع ما بكيت
وياصبر صبري والعواذل يحسبون = اني دلهت من الهوا ولا سليت
اسكت عساهم من سكاتي يسكتون = وانا عن اللي في ضميري ما انتهيت
وادور الفرحه مع اللي يسهرون = ولا ذكروني خذت فنجال وسريت
اخذت من وقتك يا دكتور العيون = عالج عيوني لو بعد طبك عميت
واستر علي واللي معك لا يفطنون = انت الوحيد اللي بعد ربي دريت
العرض الشجري