الايالله عفوك لامعي بيجر ولاجوال

[جطلي بن فهد]

أقدم لكم رائعة من روائع احد اركان الشعر النبطي

الشاعر (( سعد بن جدلان ))

قصيدة مضحكة محزنة معجزة

اتمنى ان تحوز على إعجابكم

أترككم مع القصيدة

الا يالله عفـوك لا معـي بيجـر ولا جـوال =ولا عندي وظيفـة والتجـارة فاشـل فيهـا
ولا عندي شهادات(ن)ولا حرفة تسدالحـال =ولا حظ(ن) كبيـرلا اخطـت الجـرة يقديهـا
مخابي الثوب تومي ما دخلها من زمان ريـال =بهـا فاتـورة الكهـرب ولا يمـدي نقضيهـا
على ذيك العراوي تتعب الحادي مـع الجمـال =ثلاث شهور في الورشة وشهريـنٍ مغطيهـا
ابيها لو تجمل يـوم واجلبهـا علـى الـدلال =يجيها واحدن حظـه مثـل حظـي ويشريهـا
نصيت العسكرية يوم قالـوا للنظـام رجـال =وقدمت الملف وصورت(ن) متشخص(ن) فيها
وخذا لاوراق مني واحد مـا عنـد ابـوه دلال =سلوم الناس واهل المعرفة والطيب مخطيهـا
قراها في دقيقة والتفت عجل(ن) علي وقـال =شهادتك العظيمة ياولد ويـن انـت مخفيهـا
اهز الراس ماعندي تقول انـي مـن البنقـال =وقمت احـب خشمـه واطلبـه بالله يمشيهـا
حذفها من يده شين الطبيعـة والنبـا والفـال=وقال ازين تعـود صـوب نوقاتـك تعشيهـا
تناوشته من الكرسي وعفت الحل والترحـال =وضربته بالبيالـه عقـب مابيحـت شاهيهـا
وخذوني للسجن لانيـب لا ظالـم ولا محتـال =مجرد واحد(ن) جا يكحـل عيونـه فيعميهـا
ويوم اني خرجت اقفيت لارض الله وسيع الحال =على بر(ن) هـواه يـداوي العلـة ويبريهـا
ادور قصعة الجربوع والضب الفتـى يحتـال =والارنب يـا شفـاة الله محلاهـا وطاريهـا
بلا كهرب ولا بيجـر ولا غـاز(ن) ولا نقـال =قوانين الحضـارة لاتبـي شوفـي ولا ابيها