’,’,’,’ أنـــــت خابرني ابدويــــه ,’,’,’,

[مشاعر حالمه]

السلام عليكم ورحمة الله وبركاته

اخترت لكم من شعر الشاعر بندر الرشود هذي القصيده ..

قالت الله لايهينك انت خابرني بدويه=مااحب الي يمسّس غترته ويزبط عقاله

انا ودي ببدوي يمشي بدمه حميه=لاتعزوا بالقبيله كلهم صاروا عياله

البدو غالين عندي لو حصل منهم خطيه=الولد فيهم يساوي شيخ بجاهه وماله

قلت انا أنعم واكرم ماكذبتي يااجوديه=سجل التاريخ عنهم البطوله والجماله

لكن الله لا يهينك لا تناسين البقيه=الحضر رجالهم ياوسع صدره وطول باله

في المواقف انشديني مايتخلى عن خويه=لافزع ماعاد يدري من وراه ومن قباله

وضيفهم يبشر بعزه والوفاء والمقدريه=كل واحد يسبق الثاني ولاندري بحاله

قالت اكبر عيب فيني يالحضر النرجسيه=مااظن احد بيغريني بطبعه او جماله

انا احب الي زهابه حاجتين وبندقيه=يفتخر بالذود ويسرح كل يوم في حلاله

وان لفاه الضيف شاف الفرق شاف الناس حيه=بدوي صوت نجره اطرب الطرقي وعناله

قلت انا ليه اختلقتي فرق وسويتي قضيه=الكبر لله والمؤمن ضعيف براس ماله

يابدويه الجروح اللي من اسبابك نديه=والخفوق الي تحرا جيتك ياما جراله

والعيون اللي تمنت شوفتك صارت شقيه=والفراق اللي بليا ذنب يذبحني لحاله

قالت الله لايعاقبني انا بنت بريه=من السوالف كلها والحب وين اللي وفاله

ياولد لاتحسبني جاهله والا غبيه=الهوى ماهو كذا والحب انا مابي مجاله

انا اخوي لي قال اخو فلانه عرفت اني بدويه=تجتمع روس العرب له من يمينه من شماله

للاستماع

للحفـــظ اضغــــط هنــــا

تحيتي لكم / مشاعر حالمه

__________________

تقوى الهجر . .
:"":
":"
ما نجبره من عافنا ماينجبر . .
:"":
":"
لا تعتذر
:"":
":"


:":":":":":