ياغايبه تسعين ليلـه بـلا اسبـاب = باقي أمل في رجعتك واحتريهـا ؟
لاتبعدين الجرح مبطـي ولاطـاب = هاك اذبحي ذا الروح والا ارحميهـــا
القلـب منّـك لاتهنّـا ولا تــاب = وان جـا ايـدوّر فرحتـه مـــــــــالقيهـــــا
حاله غريبه حب صـادق وكـذاب = ان قلت احبك قـال قلبـي ماابيهــــــا
وان قلت عفتك فز قلبـي وبعتـاب = يصـرخ يقـول احبهـا واهتويهـــــا
وغديت منّك بين واثـق ومرتـاب = اهواك؟لا, ماأهواك ؟أنتي افهميها
ان مر طيفك حط بعيوني احجـاب = يحجب جميع الناس عـن ناظريهــــــا
ماشوف غيرك والبشر كنهم اغراب = واذكر اعيونك والخجـل مكتسيهـا
أفرح وأهلي وافرش الورد ترحاب = واهتف وارّحب هاك روحي خذيهــا
وفجأه يموت الشوق واتزيد لتعـاب = واحلف اعيوني صورتك ماتجيهـــا
حيرة مشاعر بالحشا تلهب الهـاب =هي اسكنت بالروح واانـا ماابيهـــا
ياقيس ,ياعنتر,ويامن لـه احبـاب = وشو دوا اللـي مـات وده يجيهـــــــا
يابنت هاتي العلـم واتبيـن الاسبـاب =باقي أمل في رجعتك واحتريها؟
العرض الشجري