وقف على رمشي وسولف مع حجاجي

[ســـداح]

السلام عليكم ورحمة الله وبركاته
هذي قصيده اتمنا انها تنال اعجابكم


لايابعد من سـأل عـن آخـر إنتاجـي
الشعر يفداك والشاعـر .. وجمهـوره

لازلت عايش على طبعـي ومنهاجـي
اليا حضر هاجسي غنيّت ل حضـوره

ياتاج راسـي لا والله راسـي وتاجـي
محبّتك في ضلوع الصـدر محفـوره

من غيرك اللي تعلاّ برجـي العاجـي
ووايق على رجم قلبي واسبل شعـوره

برجن تعليّت به .. من بـدّ الإبراجـي
واخـذت يـوم استويـت بقمّتـه دوره

بنات فكري وراك افـراد وازواجـي
تدور مسـروره .. وتطيـح مقهـوره

عرضتني ل الهـوى ماعـاد يحتاجـي
وهزيّت غصن الغرام وطارت طيـوره

ودخّلتني جوّك .. وضيّعت مخراجـي
وجوارحي معك .. منهيّـه ومامـوره

بابور بحري عليـك يسابـق امواجـي
وامواج بحري عليـك تسـوق بابـوره

اهديت لك راحتك واهديت ليازعاجي
معذور .. وظروفنا ماهيـب معـذروه

لا تنبش الخافيه .. منعاً ل الإحراجـي
خواطر اهل الهوى خجـلا ومكسـوره

متـى تفـك القيـود وتعلـن افراجـي
الشيب يزهم علـيّ ويرسـل سبـوره

وقّف على رمشي وسولف مع حجاجي
وانقل عليك الغلا .. بالصوت والصوره


وسلالالالالالالالامتكم

ســـــــــــداح

[ابوتركى]

سلمت يمينك اخى سداح على النقل الجميل

تحياتى لك

[فيصل بن حجرف]

لاهنت اخوي سداح وقصيده رائعه

بس اذا كانت لك ياليت تقول لنا عشان ننقلها لقسم صدى المشاعر

تحياتي

[عيد بن شدقان]

سداح
لا هنت على القصيده الاكثر من رائعه
وصح السانك

[ســـداح]

صحت ابدانكم اخوي ابو تركي والعجمان ولاهنتو على مروركم على القصيده
وانا ترا سبقا وقلتلك يالعجمان ان القصيده اللي ماهيب لي اكتب لكم اسم
شاعرها وهذا للتوضيح وشكرا لكم



اخوووووكم ســــــــــداح