ان تثنـت والصبـا هـز مورقهـا // حركت نبضٍ على الـود سايقنـي

[فهد بن مطلق]

السلام عليكم ورحمه الله وبركاته

نص لـ/ شاعر : مهدي ال حيدر الوايلي

بين أيديكم ،،


صلوا على النبي
.
.
.
.
.
.
.
.
.
.

ليلـةٍ صاخـب الوسـم طارقهـا=والحنين لصاخب الوسـم طارقنـي
يـوم ضاحتهـا بـروقٍ تزارقهـا=نور من كـل النواحـي مطوقنـي
لـدت عيونـي تخايـل دوافقـهـا=وانشعفت لـودق غـراً موافقنـي
يا علي حسبي على نوض بارقهـا=شوٌق الخافـق لهـا ليـن وهقنـي
خافقي لكـن غـدى كنـه خافقهـا=ما يمانـع يـوم تبغـاه يرهقنـي
تمتلك من قـدرة الملـح خارقهـا=بيدها تحيـي عروقـي وتزهقنـي
ما هقيت افوق للعشـق واعشقهـا=بـس سوٌاهـا غلاهـا وفوقـنـي
حسنها مـن كـل مالـذ طوققهـا=كنه اللي يقول لي غصب تعشقنـي
جل من نسـق عروقـي ونسقهـا=في دمي مثـل الولـه ماتفارقنـي
راويه والله مـن الوسـط ضيٌقهـا=حكمتـه فيمـا ذبحنـي وعلقنـي
ان تثنـت والصبـا هـز مورقهـا=حركت نبضٍ على الـود سايقنـي
وان رجف داني ثمرهـا وشاهقهـا=جيت مزنٍ برق لأشـواق دافقنـي
جنـةٍ للـروح صفـت نمارقـهـا=اعلي وإن قلـت لـك ماتصدقنـي
كل صبـحٍ ينولـد مـن مشارقهـ=من حلاته قـال سبحـان خالقنـي
كـن شـلال الدجـا دون مفرقهـا=لثـم أخطاهـا وللمـوت يرفقنـي
في المحبه ما نويت انـي اصدقهـا=ليـن غربنـي هواهـا وشرقنـي
كل بحـرٍ لبٌـس الملـح عاتقهـا=جيت له مركب من الشوق واغرقني
يا علي والشـوق نـاره لعاشقهـا=حارقٍ قلبـي ولا قلـت حارقنـي
مـن لطافتهـا وعنٌـاب منطقهـا=ذوقـت سمعـي وعيـت تذوقنـي
أحسـب انـي للقصايـد مشوقهـا=وأثرهـا الـي للقصايـد تشوقنـي
طفلـةٍ زايـد حلاهـا مزهقـهـا=مثل مـا زايـد دلعهـا مزهقنـي
قلـت للخفـاق ليتـك تفارقـهـا=قال يابن النـاس ليتـك تفارقنـي