قصيده الشاعر سعود الحافي العتيبي

[ذيب الخبر]

وين الرجال اللي تعرف المواجيب**اللي تحـط لكـل رجـل قياسـه
من لا يروم المرجله حاله صعيب**حتيش لو زانـت حياتـه تعاسـه

يشب فيها بإسم مجهـول ويشيـب**وعند النشاما ما يسـاوي لباسـه
ناس على خبث الموارد شراريـب**يا قل مـن يمشـي بليـا نجاسـه

ا مجنبين العز والطيـب تجنيـب**وعلى الردا فيهم ميول وحماسـه
يا هيه ياللـي ودكـم بالمعازيـب**واللي تريدون الشحـم والوناسـه

ما تاخذون أبيات منـي مكاتيـب**ابيـات شعـر ماعليهـا دساسـه
أبيات من له بالليالـي تجاريـب**وبينه وبين ضعوف الأنفس نحاسه

إتعذربون اللـي بليـا عذاريـب**وتفرّسـون اللـي بليـا فراسـه
الرجل ما يجهل دروبه كما الذيب**والذيب عن نومه يسـده نعاسـه

الشاعر المبدع/ سعود الحافي

اتمنى ان تنال على اعجابكم