قصايد نادره لاحدى ملوك السعوديه

[سلطان بن جفن]

هذه القصايد للملك فيصل رحمه الله
ونوعدكم بماهو جديد ونادر

ألا يـا مـن لقلـبٍ كـل مـا جـا الليـل جــاه خــلاج=
يـلـوج ويجتـلـد بالـصـدر والـعـربـان ممسـيـنـي
انـا متحيـرٍ مـا ادري عـن المـدخـال والمـخـراج=
الا واعـمـس رايــي مــا لقـيـت الـلـي يقـديـنـي
الا يا مجيـب دعـوة مـن تصافـق قوقـه الامـواج=
أنـــا بـحـمـاك يـــا وال الـخـلايــق لا تخـلـيـنـي
ألا يـا وجْـد روحـي وجـد مـن خلّـوه بالمسـهـاج=
كسـيـر الـســاق بـنـحـور المـعـاديـن المغلّـيـنـي
الـى مـن دك هاجوسـي ولـو انـي عـلـى ديـبـاج=
ولـو جَنّـي جميـع البـيـض غـيـره مــا تسليـنـي
الا واهَـنــي مـخـلـوقٍ يــفــرّج ضـيـقــة الادلاج=
الــى مـنـه دخــل بالـسـوق غــادٍ لــه ميـاديـنـي
ترى بعض العرب عمْلَه بروحه مثل عمل سراج=
يضـوي للعـرب والـنـار فــي قـلـب المسيكيـنـي


وقال

ياعشيـري لفـانـي مـنـك مـاحـس بـالـي=
شـايـف الـجـفـا عـقــب هـــاك اللـبـاقـه
صعـب رد الـجـزا فــي وقتـنـا ياحـلالـي=
كيـف تقـدر فـراق الـلـي عنـاكـم فـراقـه
كـان قلـبـك تنـكـر والـهـوا عـنـه زالــي=
اووصفها لك من العربان غيري عشاقه
انت تلقى وانا القى مـن يمضـي الليالـي=
كلـهـا عـبـر دنـيـا مـابـهـا راس طـاقــه
سـالـم راس مـالــك وانـــا راس مـالــي=
سالـم لــي وبـعـض الــزود مــر مـذاقـه
مـن جفـانـي جفيـتـه ياحسـيـن الـدلالـي=
فــان مايتـبـع المقفـيـن كـــود الـعـلاقـه

الشاعر الملك\فيصل بن عبد العزيز