للشاعر عريمان السبيعي=
يشعيل ماللحمل غير أنـت يشعيـل=يامعقل الثنتيـن عـزم وصرامـة
ماتسند الهمة علـى بـارد الحيـل=اللـي تخونـه فالمراقـي عظامـه
حول على الساحل ودوك المحاصيل=واطلع مطاليع التهـم مـع تهامـة
قـدام يستـاق النهـار اول الليـل=عقب الاذان وقبل وقـت الاقامـة
تاقف على باب الخيـال التماثيـل=اللي تسري هاجسـي مـن منامـه
فكري دليلـي والمعانـي قناديـل=والشرد صيدي لانطلـت العمامـة
صيدٍ ينومسنـي سـواة الرياجيـل=اليـا تعلـت هامـةٍ فـوق هامـة
وشبيت ضوي واستحبت المعاميـل=الكيف قدري للخـوي واحترامـه
اسوق له فنجـال غيـر الفناجيـل=عليه من نقش الخـلاوي علامـة
أمثل تراث العـرب خيـر تمثيـل=خوفي تجيني مـن وراه الملامـة
إن ماذكرت الذود والجيش والخيـل=واحييت ذكرى محتميـن الجهامـة
لو المنامة من ورى شاطي النيـل=ماقالت البحريـن تحيـا المنامـة
العرض الشجري