قرم ردي المعاشي

[حسين ال الحارث]

قرم ردي المعاشي

يا مرحبا وعداد وبل المراهيش=
إلي مطرها سيل ماهو رشاشي
اليوم سابع يوم تمطر وتسقيش=
ياديرة الغالين وأهل المغاشي
ويسيل جر إلي على العزله جيش=
قاده وحش متسيد(ن) كل الأوحاشي
مغلية مادمت أتنفس وأنا أعيش=
وأن جار يومه لطوي يمه فراشي
بكي حروف الشعر يابنت وأبكيش=
اليوم مايبكي عيوني سواشي
فرقى الكريم إلي بطى بالمطاريش=
من فوق رجمي سال دمعي وطاشي
أهيش وألطم عايل القوم وأهيش=
وأكرم وأنا قرم(ن) ردي المعاشي
ماقلت هذا للسنين المرابيش=
الجود رازم له جبل وسط جاشي
وإلي يسمي صرت الكيس تحويش=
يبني عليها الطير بيت وعشاشي
ما أكرم عزيز القوم ولا المداغيش=
ولا فك محنت جار ولا غاث غاشي
قله عليه اللوم من وين لين إيش=
من سد مارب لي بلاد الرواشي
ياليت في جنبي لغم واخذ الطيش=
ولا قذيفة هاون وعطف(ن) اكلاشي
لجشم على قوم(ن) ترد المعاطيش=
النذل والحساد والماش واللاشي

ش/حسين ال الحارث اليامي