...يقووول...
خمسين فكره زاحمت الف طاري
وانا اتجرع مر الاوهام واعيش
والقلب في درب العشايق ضاري
يسابق قلوب الربوع المرابيش
وانتي يبيلش واحدن انتحاري
مايحسب حساب الخساير ويشريش
يحذف بقايا عمره ويجيش ساري
يقعد يفكر كيف يقدر يداريش
ويجيب لش شلقة نساء جواري
كل وحدتن منهم لها حرفتن فيش
ويلبسش اغلى اللبوس الحضاري
وياجعله يذوق بحزنش ويبكيش
...............
اما انا اطرب على اللي تماري
بنتن تعيف السوق ويا المطاريش
عيونها تشبه عيون الحواري
ام العيون السود ذيك المراييش
وخدودها يغلب عليها حماري
كنها ورودن غصنها مابعد حيش
ومجدولها ليلن بليا نهاري
يلاعب اطرافه هوا للمعاطيش
وعويدها اقسى ليان الخضاري
ومحدن شبح في كفها حزت الطيش
وهذي الطواري لابغيت الطواري
وبنت الحضاره؟عقلها يوزن الريش
...وسلامتكم صافي النوايا...
03-11-2009, 02:54 AM
العرض العادي
