السلام عليكم
مساء الخير يا وجيه الخير
انا يسرني أن اكون معكم في هذا المنتدى الشامخ ويسرني بان اشارككم بالقصيد المنقول
وهذي أولى مشاركاتي وأتمنى ان تنال أعجابكم
ياليل نور الصبح خان المواعيد=ابطى ولاهي لابيض الوجه عاده
ظاق المدا واحزاب فكري مشاريد=وطال السهر والجفن حرم رقاده
عاثت بي همومي جموع ومفاريد=وصارت لي فراش ولحاف ووساده
مقرود وكفوف العطايا مزاهيد= ومايذبح الرجال غير الزهاده
الله من ليل الشقا والتناهيد=والله من دنيا القهر والقراده
والله من كثر العتب والمناقيد=والله من ظيم الزمن واضطهاده
دنيا تمشيني على عكس ماريد=ماشفت منها غير هم ونكاده
قامت تصافق بي من الحيد للحيد=وعمري قضى مابين صبر وجلاده
حتى السعاده لي تبدل بتنكيد=عزي لحالي وين انا والسعاده
ياطارشي من فوق زبن التفاريد=اجميح ماجاب العواجي طراده
جديد لاسمكر ولاهو بتجديد=حمار لونه مختلط مع سواده
سواقه اللي بالمهمات عربيد=حريف متميز بفن القياده
جنب عن الرديان من دون تحديد=ملفاك عند اهل الكرم والسياده
تلقى رماد الشوق ريف الاجاويد=راع الوفاء ماخان ملحه وزاده
يرهي عليك من التراحيب ويزيد=ساس الرجال اهل الكرم والجواده
بالطيب شيخ وبالمواقيف صنديد=ابصم على ماقلت واشهد شهاده
سلم جوابي له من الايد للايد=وبعد الجواب اقرا عليه الافاده
يفداه من ربعي ردي المواقيد= هذاك جمر الشوق ماهو رماده
هذا الوكاد وكان للعلم توكيد=ابحث وتلقى ياعزيزي وكاده
26-01-2010, 08:21 PM
العرض الشجري