هبـّـي علينا يالفرايد هبوبش ! لــ(ي)

[الـشـامـري]

يوم الشعر جاله مجال(ن) وغنيـّت=هبـّـي علينا يالفرايد هبوبش
ابغيش لا طوّعت بيت(ن) ورى بيت=ماقرّب المنقود دوبه ودوبش
البارحه ضقت وسهرت وتحديت=افكاري اللي يا غناتي حكوبش
وقلت ارسل الطاري وابيح التناهيت=عل الشعور اللي ذبحني ينوبش
الشوق مشغلني واذا اشتقت فكـّـيت=قيد الظنون اللي ينبـّش اعيوبش
قنصت لش جمع الوصايف وذكـّـيت=وأسمن معانيها يكـّـبر اجنوبش
سبحان رب(ن) كمـّـل الزين بالصيت=وجسـّـد علامات المفاتن بثوبش
أغناني الله من غثى شبـّت الليت=وخلـّى الدجى ملفى توالي دروبش
وخلاّني ربش منشي وراكز البيت=احسد اعيون اللي بشوفش هنوبش
اجيش عجل(ن) وآتنقـّى لتوقيت=ادري طوابير البشر جننوبش
وإبيش يجـّل خطبتي كل ماجيت=كنـّي به ايدوّر امعبـّـي جيوبش
ورحت افرك المسباح وآقول ياليت=وظرفش يباعد كل ما جيت صوبش
حلم(ن) حلمته تو ماني توعّيت=وجاني خبر ( للمتلي ) زوجوبش
أحاول انسى واحسبني تناسيت=ضلعي حطب والا الضماير شبوبش
الله يعين الا طريتي وغنيت=وايعين لا ذعذع علينا هبوبش

[محمد بن سعود]

وخلاّني ربش منشي وراكز البيـت=احسد اعيون اللي بشوفش هنوبـش
اجيش عجل(ن) وآتنقّـى لتوقيـت=ادري طوابيـر البشـر جننوبـش
وإبيش يجّل خطبتي كـل ماجيـت=كنّي به ايـدوّر امعبّـي جيوبـش

اللـه اللـه

الشامـري / سلمــت وصـح نقلك ولاهنــت

وتقبـل مـروري

[ريــــــانـه العــــود]

الشامري



صح لسانك

والله يعطيك العافييييييه على هالقصيده

[سعد بن سريّع]

الشامري صح لسانك وسلم بنانك
انا احسدك او اغبطك بمعنى اصح على تسلسل القصيده
قصيده جميله بجمالك ورائعه بروعة كاتبها ..


دمت في تجدد دائم ..


الغناوي

[فلاح بن ملبز]

الشامري

صح لسانك على ذا القصيدة الجزلة

ولاهنت

[فهد بن مطلق]

ال

شامري صح الساانك على القصيده المتواضعه من شخص مثلك



بس عندي ملاحظه على البيت هذا


حلم(ن) حلمته تو مانـي توعّيـت=وجاني خبر ( للمتلي ) زوجوبـش



فيه كسر بشطر (الثاني) وتحديدا بالكلمه الي داخل القوس وعلى فكره الكسر بحرف


راجع البيت وانشالله اكون انا المخطي


تقبل مرووري وكل الود

[سالم الرتيبان]

صح لسانك يالشامري
تقبل مرور اخيك
سالم الرتيبان

[ابوجراح]

الشامري لا هنت وصح لسانك