منقووول: قصة موثقة بقصيدة جميلة (عصام+عليا) = نخوة الروله

أبو الوليد · #1 10-08-2004, 06:58 AM

----------------- السلام عليكم ورحمة الله وبركاته -----------------

من المعروف لدى جميع القبائل العربية .(نخوه) فعندما ينتخي بهم احد ويقول هذه النخوه يلبونه في اسرع وقت ..

ومن احد القبائل المعروفه وهي قبيلة (الروله) من عنزه .. ونخوتهم تعود لقصة حقيقيه ومؤثره في النفس

ونخوتهم هي (هل العاليا ) أو (أهل عليا) ... وتعود هذه النخوه لهذه القصه اللتي سأذكرها هنا بإختصار

========================

يقال أنه كان هناك جيران وكان لأحد الجيران ابن اسمه(عصام) .. وللبيت الآخر بنت اسمها(عليا)

وكانا صغيرين .. يخرجان لرعي الاغنام والابل .. وكانت الايام تمر ومحبتهما لبعض تكبر ايضاً .

ومع مرور الزمن كبر عصام وكبرت عليا ...وأخذ كل منهم عهد على الاخر بأن يكون وافي له ولايخونه في يوم من الايام

وعندما بلغ (عصام) وبدأت عليه مواسم الرجوله ... دعته امه ذات يوم لأمر مهم ..

فلباها وجاء عندها .. وقال (سمي يا امي) .. قالت وانا امك تراك اليوم غديت رجال ولازم اعلمك بسالفة مهمه ..

قالت له وانا امك ترى ابوك مات مقـــتــــول ....... فكانت الصعقة الكبرى على رأس (عصام)

وقالت ياولدي .. اما انك تاخذ بثأر ابوك .. او انك تعيش طول عمرك ملطخ وجهك بدم عارك ..

قال لاوالله ما اعيش يوم وذابح ابوي يمشي علا الارض ..

قالت امه .. اجل خذ هذا سيف ابوك الله يرحمه وهذا درعه ..

قال طيب يا امي من هو اللي ذابح ابوي ؟؟

يوم قالت له امه .. اللي ذابح ابوك هو ---((( أبو علــــــيـــــــــا)))--- فأسودت الدنيا بوجه عصام .. فماكان امامه سوى امرين .. اما انه يترك ابو عليا (اللي ذابح ابوه) ولاياخذ الثار منه .. ويتلطخ وجهه بالعار ... أو انه يقتله ويفقد حبيبته عليا ..

فماكان من هذا الفارس الا ان امتطى صهوة جواده وذهب عند الغدير وقابل ابو عليا ..

وبدأو بالتبارز بالسيوف و كان عصام كل ماجا يضرب راس ابو عليا مايتذكر الا العهد اللي بينهم ..

وفي آخر شي قام عصام وطعن ابو عليا في بطنه ومات ..

ويوم رجع عصام لأمه والسيف فيه اثر الدم وامه تضحك من الفرحه .. اذا بعليا تصرخ وتبكي وتنادي عصام ..

يوم راح لها .. قالت عصام ابوي انذبح .. وابيك تاخذ لي الثار من اللي ذابحه ..

قال انا على عهدي ووعدي معك ياعليا ..

واخرج سيفه وطعن نفسه ومات .. بعدها ادركت عليا القصه كامله ..

وقالت وانا بعد ياعصام على عهدي ... وانا اللي باخذ الثار من نفسك .. ثم حظنته وطعنت نفسها معه ..

وماتت فوقه ..

ومن يومها و(الروله) هذي هي نخوتهم ..

========================

وكتب الشاعر المعروف (محب الدين ) قصيدة كامله طويله لهذه القصه .. سأذكر بعض الابيات منها .

(روله) عرب بيوتهم الخيام=ومنزلهم حماة والشـام

اذا ضاقت بهم ارجاء ارض=يطيب بغيرها لهم المقام

الى أن قال ..

وكانـت مـن عجـاي الربع(عليـا)=ومــن عجيـانـه النجـيـا (عـصـام)

لقـد نشـئـا رعــاة للمـواشـي=كـمـا ينـشـأ مــن الـعـرب الـغـلام

*******

هنـاك علـى الـولا عقـدا الايــادي=وعـاقـد حـبـل قلبهـمـا الـغـرام

ولـمــا اصـبـحـت عـلـيـا فــتــاة=ولاق بــهــا الـتـحـجـب والـلـثــام

وصــار (عـصـام) ذا زنـــدٍ قـــويٍ=يـهــز بـــه المـهـنـد والـحـسـام

دعــتــه امــــه يــومــاً الـيـهــا=وقــالــت يـاحـسـامـي يـاعــصــام

لـقـد اصبـحـت ذا زنــداً شـديـد=بـــه يسـتـأنـس الـجـيـش اللهام

بـثــأر ابـيــك خـــذ مـــن قاتـلـيـه=والا عــابــك الــعــرب الــكــرام

فصاح وهـل ابـي قـد مـات قتـلاً !!=وانّـى يقتـل البطـل الهمـام !!

الا سـمّـي لــي الاعــداء حــالاً=فماللصـبـر فـــي قـلـبـي مـقــام

ابـو (عليـا) الغريـم بنـي فأنهـض=فهـذا الــدرع درعــك والحـسـام

فحـل عصـام مهـرتـه سريـعـاً=وســار وسـحـب مدمـعـه سـجـام

وكــان ابـــو حبيـبـتـه وحـيــداً=عـلــى مـهــر اضـــر بـــه الـلـجـام

هـنـاك تـبـارز الخصـمـان حـتّـى=عـلـى راسيهـمـا عـقـد الـقـتـام

وعـــاد لأمـــه فـرحــاً طــروبــا=فـصـاحــت مــاورائــك يـاعـصــام؟

فجـرد سيفـه الدامـي ضحوكـاً=وقـال لهـا ابشـري فضـي الـمـرام

وبيـن همـا يضحـك اذ ب(علـيـا)=وقــد ادمــى مباسمـهـا اللـطـام

فـقـالـت يـا(عـصـام) ابـــي قـتـيــلاً=الا فــاثــأر لـعـلـيـا يـاهـمــام

فمن لي غيـر زنـدك فـي الزرايـا !!=اذا عـم البـلا وطمـا العـرام !!

فقـال لهـا ابشـري عليـا فإنـي=لأهــل العـهـد فــي الدنـيـا امــام

فـســوف تـريــن قـاتـلـه قـتـيـلاً=وانـصــت مـــا اتـــم لـــه كـــلام

واغـنــد سـيـفـه بـحـشـاه حـــالاً=فـخــر وللـكـلـوم بــــه كــــلام

ولـمـا شاهـدتـه فــي هـواهــا=قـتـيـلاً يسـتـقـي دمـــه الـرغــام

نضـت فـي صـدره الهنـدي حـالاً=وقالـت لاتمـت قبـلـي (عـصـام)

سأثـأر مــن غريـمـك ياحبيـبـي=كــذاك العـهـد يقـضـى والـذمـام

وأغمدت الحسام بها وقالت=على الدنيا ومن فيها السلااااااااااااااام