عنتر من الطنخه يقول يحب تقبيل السيوف = لأنه تذكره بثغر عبله كبرق مزونها

[فهد بن مطلق]

قصيدة أعجبتني \ لشاعر القدير

عبدالله بن عماره

اترككم معها عسى ان تنال رضاكم ..
.
.
.

عيني على القمّه وفي قلبي من المطلاع خوف = لا لاحشا مانيب بخايف اني اقصر دونها
أخاف لا أكفخ لــ السماء ملهوف والعالم تشوف = ثم اتــعداها وتصبح لننظر ياهونها
ياخلفة الاجواد جيّــد بس جيدك فالضعوف = تلعب ملاعيبك ولا تمشي عليّ بلحونها
كان القريحه ماتفيض الاّ بعد سفّ السفوف = عالج جماتك طالبك لاينكسر طاحونها
امصافح اكفوف الاوادم غيــر تصفيق الكفوف = شرايك اني مدرك الثنتين وانت بدونها
انذار للاشرار مثلك والنقط فوق الحروف = بجملتي جازم عليها فاحفظوا مضمونها
انّي أرى روس اينعت وانا لــ هالروس القطوف = حتى تهادوا روس بعض الناس تحت امتونها
انتي على بال المولع كل ليله يالهنوف = لكن بادب قوم سنت لي طوال سنونها
ان كان حبك لي يجي ويروح من حسب الظّروف = حبي لك أكبر من ظروف الوقت فوق احصونها
لو كنت أنافس( قيس) في ( ليلاه) والجهد مخلوف = العامريه وآلفتنى واتركت مجنونها
عنتر من الطنخه يقول يحب تقبيل السيوف = لأنه تذكره بثغر عبله كبرق مزونها
انا أقبل طلقة الشباب الاحمر فالقنوف = لأنها تذكرني شفاتك واستدل بلونها
ياشبه صفرا عند( اخو شيحه) ليا قاد الصفوف = لا ارخى شكيمتها على اغازي يجن جنونها
عيني عليك وفي المعاليقي من الوجدان خوف = اخاف لا ابدي حاجة بك واتعثّر دونها

تقبلوا تحياااتي