قسـم باللـه ماحبيت غيرك يا حلال القـوم .. ( .............................) . دره

[بــ ــــــــرق]

السلام عليكم ورحمة الله وبركاته


صباح الخير / مساء الخير


لا اجيد فـ المقدمه ..


بـيـن ايديكـم

.
.
.
.
.

عفـا الله عن خطا المخطي والا ياحـبي المرحـوم=دفنت اخر بقـايـاك وبقى حلمي وعــّـذالـه

صدف!واقسى مواعيد الصدف يوم اللقـا المحتـوم=تواجهنا على فال الصدف والحـب يرثـالـه

انا ماجيت ابي شوفـك .. انا جيت الحفل معـزوم=ولا ادريبك قبل..الا بعد ما ضجّت الصّـالـه

وشفت النـاس في دهشه امام المدخل المزحـوم !=ودريت انك وصلتي ياشقـا قلبي وغربـالـه

تذكـرتك بعد رحـتي وانا في موقف المهـزوم !=اناوشلون اسامح من جرحني واجلس قبـالـه

تذكـرتك .. تذكرت السنـين ورغبـة المحـروم=تذكّرت الغـرام اللي سعينـابه .. سعينـالـه

تسـامرنا على ضو القمر ليـلة دفـا ونجـوم=على هاك البحر نرسم مشاعرنا على جـالـه

تقـاسمنا الولـه يمكن .. تعاطينا الغـلا الموهـوم=ورديّنا الخبر عن عاشقين قلـوب رحّـالـه

تسابقنا على ضم الهوى .. واثر الكـلام حلـوم=تقولين الوفا فاله .. واقول الصدق مدهـالـه

غـلاك علوم يابنت الغـلا واللي وراك علـوم=وانا شاعر واحس بكل رعشة رمش ختّـالـه

قربـتي .. مادريت انك قربتي لين طـار النـوم=وقلت ان السهر عندك بخيل ٍ شـح في مـالـه

عشقتك مادريت اني عشقتك لين زاد اللـوم=عليّه من جـروح ٍ جات رجليّـه وخيّـالـه

تعذرت لخفـوقي من زمانه والغـرام سهـوم=ترى به خافق ٍ هـمّـه مثل هـمّـي ولا قـالـه

وترى به عاشقٍ غيري لياضـاقت عليه يهـوم=وبعض هالناس لوتدري جفاه اريح من وصالـه

وكم من عاشق ٍ مثل الجمل صبره قوي عـزوم=برك للحمل لكنّـه نهـض والحمل ماشـالـه

وانا عشقي على حد النقا والا النقـا معـدوم=انا عشقي على حد الشقا .. والا الشقا فـالـه

صدفت الحب في دربي وانا في سكّتي مهمـوم=وقلت ان البخت جاني وهذي اجمل رسـالـه

وفيت .. ولا لقيت الا طيور ٍ في سمـاي تحـوم=علامات الفـراق اللي يعيش الهـم بظـلالـه

كسرت لجانب العشره عصاي وقلت انا محكوم=اجل وش جاب لي عقـل ٍ يهددني بسـؤالـه .؟

متى تصحى .؟ متى تفهم .؟ متى تدري عن المكتـوم .؟=متى تقرا خبر موت الغـرام وتنهي جـدالـه .؟

تماكنت الغلا .. لكن لحقـني من جفـاك غيـوم=وهقيت ان المطر شوق السحاب لقاع مختالـه

كذبت وكانت الكذبه خيال الشـاعرالمزعـوم=يغـني كل ماضـاقت عليه الارض مـوّالـه

قطفت آخـر عناقيد الخيـال ولابقى مطعـوم=وأظـن اني غديت اللي بغى شيٍ ولا طـالـه

وانا من يوم مامـات الوفا عندك الى هاليـوم!=يصد القلب عن طاري هواك .. ويطوي حبالـه

تحديني على وصلك .. واحدك للجفـا المحتـوم=وتقولين الغـلا باقي واقول افراقنا اشـوالـه

جفاك الزم وانا ماني على بعض الوفـا ملـزوم=اذا كان الوفـا يجمع مجـانيـنه وعقّـالـه !

اذا كنـتي بـلا مبـدأ انا لي فالحيـاه سلـوم=واذا كان الجفـا عمّك انا عمّه وانا خـالـه

واذا كان الجمال اللي عطاك الله غثـا وهمـوم=اجل لابوك لابو حسنك المغرور واشكـالـه

ترى ماضاقت النفـس العزيزه من ردا مقسـوم=ولكنّي رفضت اسكت وهزالصمت فنجـالـه

وانا وان جات للخافق ترى بين القلوب قـروم=إلامنه رحـل .. يرحـل ولاتطرين في بـالـه

تركـت الحب لاظالم.. ولاسالم.. ولامظلـوم=وتركت الشوق لأشباه الغرام وبعض جهّـالـه

وبعد كل العذاب اللي مشابي دربـه المشئـوم=ابعلنـها بعد غبـتي .. وكلٍ راح في حـالـه

قسـم باللـه ماحبيت غيرك يا حلال القـوم=وهذي غلطت ٍ تحسب على الشاطر من هبـالـه

لـشـاعر / بـنـدر نـايـف الـعـتـيـبــي



تـقـلـبـوا تـحـيـاتـي


بــ ـــــــــــرق