السلام عليكم ورحمة الله وبركاته .. أعزائي المشاهدين أعزائي القاطين مرحبا بكم في أول وآخر حلقة
من برنامجكم دلاخة فلانة في رمضان
في بداية دلاختي أقولكم إن الواحد في رمضان يبدأ يخرف شوي<< تكلمي عن نفسك
وتصيرله مواقف تثبت مقدار الدلاخة فيه ... فمره ينحرج ومرة يكتشف إنه هطف وأشياء نه هذا القبيل ..
المووووووووهم أنا مو فاضية فبسوي هجوم عالموضوع
7
7
7
7
7
1- قبل سنتين في رمضان كان أبوي يعلم إختي الصغيرة اللي عمرها كان ثلاث سنوات تقريبا (المخلوقة الغريبة)
إنها أول ماتبدأ الأكل تقول بسم الله ولمن تنتهي دايم تقول الحمدالله شبعت ..<< يعني تقدر تقول آداب الطعام
المهم طول الشهر واحنا نعلمها ونحفظها بسم الله .. الحمدالله شبعت .. ( العلم في الصغر كالنقش عالحجر)
بس تعرف كنا مبالغين لأنها آخر عنقود فأبوي شد حيله << عنده أمل تطلع بنت أتكيت .. خخخخ
مرة من الأيام كانت الأخت نايمه بجنبي في الصالة وكان باقي على آذان الفجر نص ساعة .. أنا نايمة على الكنب اللي
في الصالة وكانت عالطرف إختي الصغيرة .. جات أختي تبي تصحيني علشان أتسحر بس الله يهديها دايم تحسب
نفسها غورلا أو شيء من هذا القبيل وقفت في نص الصالة وصرخت صرخة خلت الكهرب ينقطع شهرعلى بيتنا خخخ
قومي تسحري بيأذن !! إختي المسكينة من الصرخة صحت وطاحت بالأرض !!
قمت أنا مفجوعة ومسكتها من يدها وأنا أقول: بسم الله قولي بسم الله << خفت عليها لأنها كانت مرتاعة
قولي بسم الله قولي بسم الله ...
ردت المسكينة: الحمدالله شبعت !!!!!!!!!!!!!!!!!!!!!!!!!!!!!!
هههههههههههههههههههههههههههههههههههههههههههههههههه هههههههههههههههههههههههههههههههههههه
2- كنت في صلاة العشاء قبل التراويح مع بنت خالي وعلى حظنا جلسنا جنب وحدة مصرية واستغربنا إنها جايبة بنتها
لأن أصلا ممنوع الصغار يدخلون يصلون علشان مايسببون إزعاج بس شكل البنت الصغيرة أمها حالفة عليها تصلي
البنت
تقريبا عمرها 10 أو 11 سنة المهم صار الصف أم البنت >بعدين البنت >انا>بنت خالي ...ألخ أول ماقال الإمام الله أكبر
البنت جاها بو فهاق؟ وتبدأ هق هق هق أنا سويت نفسي ما أسمعها علشان ما أضحك بس الله يهديها هي خلت أحد يمسك نفسه؟!!
بدا الإمام بسورة الفاتحة وتجيك الطامة الكبرى !!!!!!!!!!
البنت الله يحفظها بدت تقرا مع الإمام بصوت عالي شوي يعني ربع الصف تقريبا يسمعها ..
تخيل الحمد هق الله رب..هق العالمين الرحم..هق خلاص بغيت أنفجر من الضحك بس تعرفون لازم احترم نفسي واكتم الضحكة حاولت أتحمل وامسك ضحكتي علشان الحريم مايشوتوني بعد الصلاة المهم خلص الإمام الركعة الأولى والبنت في حالتها وأنا خلاص فمي بينشق الضحكة غصب تبي تتطلع وأنا مسكرة فمي (طبعا ماعرفت أصلي) حاولت أخشع وقلت خلاص بنسى إن في بنت بجنبي قام الإمام لركعة الثانية ولمن بد الإمام الفاتحة أنا متتتتتتتتتتتتتتتتتتتتتتتتتتتت
البنت قفلت معها وجلست تلحن مع الإمام وترتل والله كنت بسوي جريمة
كنت بصير مثل إختي وبضحك ضحك يخلي الإمام يحرم يصلي هنا مرة ثانية
تخيلوا هق وتقرأ وتلحن وبصوت عالي أنا بضحك خلاص بس عضلاتي قوية فحلفت على نفسي ماخرب على الناس صلاتهم
.. من قوتي صبرت إلى الركعة الأخيرة وشفايفي تورمت من كثر ماتحملت
لمن ركع الإمام البنت انطقت (هق وبعدين) << الظاهر إنها تعبت من هق
( بدال ماتقول سبحان ربي العظيم) ههههههههههه أنا طلعت مني ضحكة خفيفة
قلت بعيد صلاتي لأني مأأقدر أقطعها قدام الناس
المهم وأنا في الجلوس خلاص بيسلم الإمام جالسة أكلم نفسي
( والله إني ما استحي بس أنا اللي أضحك والناس خاشعة) سلم الإمام ومن كثر ما أنا مرة سرحانة ...
سلمت يسار إلا ويتقابل وجهي مع وجه بنت خالي ياااااااااااو وجها أحمر وجسمها عالهزاز << أكيد تعرفون ليش الحمدالله طلعت مو أنا بس اللي ما استحي .. الموووووووووووهم
سلمت يمين ويتقابل وجهي مع البنت وتعطيك وحدة هق وانقضى علي >>>>> انفجرت الضحكة
ولا تسألون ايش سوت فينا امها عطتنا محااااااااااااااااضرة على أصول والسبب بنتها !!!
هههههههههههههههههههههههههههههههههههههههههههههههههه ههههههههههههههههههههههههههههههههههههه
3- مرة في رمضان كنت معصبة مرة مرة لدرجة إني مالي نفس أسوي شي دخلت المطبخ وإلا الخدامة بوجهي وشوي وتصيح
طبعا أنا هديت شوي وسألتها ايش فيك؟! طلعت المسكينة تبي تروح الحمام وجدتي
متوعدتها إنها بتذبحها إذا اتركت السمبوسة وخلتها تحترق فقالت لي خلك عند الزيت
وأنا بروح الحمام وبرجع طبعا وافقت لأنها اكسرت خاطري جلست أقلب بالسمبوسة فجأة جتني مكالمة وتركت الأكل واجلس اسولف ...
بعدين انتبهت إن السمبوسة بدت تحترق كان بجنب الزيت قدر فيه شوربة وبجنبه فيه الصحن اللي بحط فيه السمبوسة ..
بس من الدلاخة والعجلة اللي فيني جالسة أشيل السمبوسة واحطها بقدر الشوربة وأنا أكلم سمعت صرخة
ولفيت إلا والخدامة وجها برتقالي على بنفسجي بصراحة كان قوس قزح
شفتها فاتحه فمها ثلاث أمتار تحت وفي ضرس متعلق كان بطيح قلت لها وش فيك مرة تصيحين ومرة تسوين فيها هتلر؟!!
أشرت لي عالقدر بس ما استوعبت ولا لاحظت شي ... من غبائي الزايد اللي لاحظته إن الصحن فاضي ..!!
جلست أصرخ مين اللي أكل السمبوسة؟!!! << هذا واحنا صايمين
بعدين اكتشفت إني ادلخ إنسانة على وجه الأرض خاصة إذا كنت معصبة ........
هههههههههههههههههههههههههههههههههههههههههههههههههه هههههههههههههههههههههههههههههههههههههه
4- كنت في صلاة التراويح وكان الإمام يدعي دعاء القنوت ولمن وصل ( اللهم أصلح لنا ذرياتنا اللهم أصلح لنا أبناءنا)
الحرمة اللي بجنبي تقول اصلحهم يارب خالد وفيصل يارب وولد إختي مساعد يارب والشيطان محمد يارب !!!!
هههههههههههههههههههههههههههههههههههههههههههههههههه ههههههههههههههههههههههههههههههههههههههه
5- كنت في الصلاة ونسيت أحط جوالي عالصامت رن الجوال واحنا في السجود أبي اظغط الزر الأحمر ظغطت الأخضر كان خالي داق علي وكان دلخ مثلي قمت للجلوس تخيلوا وما أشوف الجوال؟!!!!!!!!!!!!!
واسمع صوت خالي يقول قسم بالله يا (فلانة) ماتروحين معانا تركي الهبال وردي .!! يانااااااااااااااس أنا في الصلاة
ولا أعرف وين جوالي وجالسة أسمع صوت خالي (قلبي طار) خبصت في الصلاة كنا في الركعة الأخيرة سجدت وأنا أسمعه .. علينا يابنت فلان .!!
والنااااااااس تسمع والله كنت بموت!! قمنا للجلوس وسلم الإمام إلا أسمع خالي يوووووووه أنت في الصلاة؟!! وأنا ماأدري وين الجوال؟!!
وأقوم مفجوعة أدور الجوال
إلا ولد صغير جاني يعطيني الجوال بغيت اسدحه واقطعه شرايح بصل لفت علي وحده هذا جوالك؟!
رديت الله يهديه هالولد دايم يحوس بالإستديو !!! << اقطع أم التصريف اللي مثل كذا
هههههههههههههههههههههههههههههههههههههههههههههههههه ههههههههههههههههههههههههههههههههههههههه
6- هذا عاد محرج قبل أسبوع تقريبا كنت بالمسجد وكانت بجنبي حرمة بعد الصلاة لفت علي وسألتني أنت بأي صف؟!
قلت لها بأول ثانوي فجأة مسكت يدي وقالت لي إنت متزوجة؟!!
من الخوف قلت لها ايه خخخخ ( تعرفون ما أحب هالمواضيع ) << واقسم قسم أحسب إني قلت لها لأ
قالت بس توك صغيرة؟!! << أنا هنا قلت بنفسي شنو توني صغيرة؟!! أنا المسكينة ماأدري ايش تقصد << الدلاخة وماتسوي
بعدين سكتت شوي وقالت عندك عيال قمت أضحك وقلت لها أنا ماتزوجت أصلا علشان أجيب عيال الحرمة كان بيغمى عليها
حست إني مخرفة بعدين قالت وهي معصبة ليه طيب تقولين إنك متزوجة ..
<< تحسب إني أهبل فيها ماتدري إن من الروعة قلت لها ايه ... المهم لمن قالت ليه طيب تقولين إنك متزوجة
أنقذتني جدتي لمن صرخت علي وهي بالصف الثاني تقول يالله يا(فلانة) بنمشي لفيت عالحرمة و قلت لها : بعدين أقولك ليه !!!
<< الحرمة الله يرحمها ( ابكحلها عميتها )
طلعت من المسجد وأنا أضحك وما وقفت ضحك إلا لمن وصلت غرفتي ..!!!
عاد تدرون ماقلت لأحد من أهلي أخاف يضحكون علي ومايسكتون !!!
هههههههههههههههههههههههههههههههههههههههههههههههههه هههههههههههههههههههههههههههههههههههههههه
تصدقون عاد اكتشفت قوة التحمل عندي في المواقف المضحكةبشكل غير طبيعي : bb:
اتمنى اعجبكم الموضوع ووسع صدوركم ....
للأمــــــــــــــانة (منقول)
تقبلو تحيـــــــــــــــــــــــــــــتاتي:
أختــــــــــــــ*_*ــــــــــــــكم
."..".دكتولرة العجمان."..".
31-01-2008, 02:25 PM
أضحك لين تطلع عيونك << بلاوي+سوالف+مواقف <<< شي عجيب!!
العرض العادي
