الاهـــداء الى الشيخ / محمد ابن زايد .... والى الشعب الاماراتي خـــاصه
والشعب الخليجي والعربي عامه ... والى ذائقتكم الجميله،،
صلو على النبــــي"""
أحيان نبكي دمع مابه له عيون=لامن تذكرنا الحزن في وفاتك
وأحيان لو أسكت وتعبيري ايخون=لاحد يقول أشفيك طول سكاتك
لن الكلام كثير والصدر مخزون=لكنه يقصر عند حضرة سماتك
ياسيدي خليتنا بعدك ابدون=امن الولاء..والحب..وأربع جهاتك
وشلون مت !! أستغفر الله وشلون=ماني مصدق بان هذي رفاتك
كنت أحسب انك شـي خالد بها الكون=حتى عصاك الخيزران وعباتك
بس البقاء لله والناس يفنون=ولايدوم الا الجميل // وثبـــاتك
اتذكرك لاصرت تمشي ويمشون=حولك وكن القاع تلثم حفاتك
واتذكرك لالبــو اللي يلبــون=واتذكرك في وقفتك والتفــاتك
كانت يدك غيث الملاهيف والعون=لابن السبيل - وللضعيف ،، وطراتك
الصبح حاكم واعدل اللي يحكمون=والليل كان لسجدتك ولصـــلاتك
منتب بشر ياسيدي أنت ((فرعون))=لانك ذبحت قلوبنا من غلاتك
شف كيف عاقلنا لغيبتك مجنون=حوله نهر دجله ويبغــى فراتك
حبك مطـر وقلوبنا بدو وظعون=وتشــــد لامنها طرت ذكــرياتك
ولوما انزل الله أيته (كن فيكون)=أني لاقول انها صفه من صفاتك
زايد على أسمك وانت زايد ويدرون=زايد بصيتك والفعول وشراتك
ياكثر ماسمو وباسمك يسمون=يبغون واحد مثل شخصك وذاتك
لكن محال -ومستحيله- ويبطون=ما الله خلق بين الخلايق كماتك
ولو ينجبون اللي على وجه ها الكون=امن النساء ماعاد جابو سواتك
وانا لو أبكي دم وتسيله جفون=معذور وأحزاني سببها ممـــاتك
وســـلامتكم
07-12-2007, 07:14 AM
العرض العادي
