السالفة

[شيهانة على كف صقـّار]

السلام عليكم ورحمة الله وبركاته
مساكم الله بالخير
او صبحكم الله بالخير
اقدم لكم اليوم قصيده عنوانها السالفة

.....
السالفه كلها ياخوك معقوده $$$ حسبي على اللي سعى فيها وعقدها

والسارق اللي سرق ثم حضر شهوده $$$ سارق ولو كل خلق الله يشدها

من خان في صاحبه لا تامن احدوده $$$ جمــله انا اقولــها دايــم ورددها

واللي على اكتاف غيره يبني اصعوده $$$ لو امهلته اليــالي بيـتوسدها

يقول غصبن علي ماهيب مقصوده $$$ وانا ادري انه مدبرها وقـــاصدها

والشله اللي معه بالهرج منصوده $$$ اخصها بالــحكي والله وناصـــدها

ماهمني قيمت البستان ووروده $$$ ومـــاهمــني قيمـته من هو مجودها

العبد يسعى ورزقه عند معبوده $$$ اللــي خــلق الارض ومقسم فوايدها

فرعون يومه طغى مافاده اجنوده $$$ وهو حسب انه نجى يومه مجندها

فاتورت الكذب يالكذاب موجوده $$$ وان طــال وقتك لــزوم انك تسددها

والمؤتمر دامك اللي ترأس اوفوده $$$ مافــاز دامك مع الحمــله وقـايدها

ياجاحد الطيب واهل الطيب مردوده $$$ وفي ذمتي لوتطوف اني لاجددها

غريمنى مايروح ونحكم اقيوده $$$ نعفــي ونقــسـى اذا شفــناه زودها

واللي يعاهد وينقض فعله اعوهده $$$ ماهوب قــد الرجـــال ولايـعاهدها

لوان شواربه ياصل حدها زنوده $$$ ولــــحيته ليـــن بـــطــنه ما يحــددها

قليل فوده ولاهو ينحسب فوه $$$ عــــــاله علــى المجتمع جعل يتنجدها

والسالفه كلها ياخوك معقوده $$$ حســــبي علــى اللي مدبرها وقاصدها

وسلامتكم