يـــ قـــرب ـــا .. طيفه على روحي .. ويـــ مبعده ــــا / لـ ابعاد التركي :)

[قبلة العذارى]

سلام عليكم .. واسعد الله اوقاتكم بكل خير

:
:
:


بدون اي مقدمات .. وابعاد التركي من جديد

اخليكم مع البوح الرائع


/
\
/

ياهاجسي كيف اتوب ؟؟ وعبرتك ماتهاب=تطغى بعين الحزين .. وترتمي فـ / يــده
وان غابت الشمس .. وعيوني ملاذ السحاب=يزهمني الفجر .. وآخذ منه .. واسترفده
للبحر يمّه .. وللرمضى مواطي سراب=والليل قفى .. وفز الحلم من مرقده
والبعد ذبّح قلوب .. ونزف جرح الغياب=ادمى من الشوق نبضي .. ماقويت انشده
اثر الهوى باب .. مادونه عن الموت باب=والله يسامح فؤادي .. كان ضاع اجهده
ياحادي البيد .. غنالك قتيل الصواب=صوته تناثر .. وليل الصبر .. متى غده ؟؟
عينٍ تضمه غلا .. والعين الاخرى عتاب=ياقرب طيفه على روحي .. ويامبعده !!
وان جابوا اسمه تلعثمت الحكي .. والجواب=احسد عذولي على طاريه .. قبل اجحده
امشي له الخطوه .. اللي ماتضم التراب=كنه على مد جنحان الفضى .. موعده
اضمى لـ صوته .. واحبه .. وابتسم له اعجاب=وان خلص الهرج .. قلت : " ارجوك تكفا عده "

وتمت

سي يو