السلام عليكم ورحمة الله وبركاته
:
الخوَه اللي تختلف مابين ليل وبيـن يـوم=الله يبعدهـا ويبعـد ليلهـا مـع يومهـا
لاصار ماتبنى على زين العوايد والسلـوم=يغنيك ربي عن عوايدها وشيـن سلومهـا
خوة طليقين اليماني والرياجيـل القـروم=تشفيك لامن الليالـي حضَـرت بهمومهـا
اللي ليا منه بدالك يالسنافـي مـن لــزوم=تفزع معك فزعة رجالن ماتموت عزومهـا
لاضاقت الدنيا عليك وبان للضيقه رسـوم=من ضيقتك ضاقت عليهم يالشجيع هدومها
وان كان عينك من غثا الدنيا تملل ماتنـوم=عندي ضمان عيونهم ماتهتني في نومهـا
كذا يبينون الرجال الصادقين من الرخـوم=وكذا نعرف صقورها ياصاحبي من بومهـا
حنا بلشنا في مهايط بعض بيضان الهـدوم=اللي يحطون السما في راحتـك ونجومهـا
علومهم وقت الرخا ياحي هاذيـك العلـوم=تقول ذولا من شياطين العـرب وقرومهـا
وان لفَت الدنيا وحضَر وقت تشمير الكموم=في ذمتي ذمه تضيـع افعالهـا وعلومهـا
المرجله في كوم وافعال الخبل في وسط كوم=ماتجتمع واللي رفع سقف السما وغيومهـا
عشنا على الدنيا ولاعاشوا رديين العـزوم=اقولها والناس تفهمها حسـب مفهومهـا
وسلامتكم
للشاعر بدر محمد السبيعي
اختكم
:
__________________
,
لو مآوسَع صدر السمآ ( ضيقة الطير ) ..
. . . . . لآ تشرَه إن ضآقت علي الوسيعَـه !
,,
29-05-2008, 01:47 AM
العرض الشجري