وش لي بصوتك مدام احساسك لثاني ؟؟ ... اما تجيني غلا او فارق احسنلك ..!!(متواضعه)

[مبارك بن مجروب]

السلام عليكم ورحمة الله وبركاته ...

كلنا نعلم انّ ارضاء الناس غاية لاتدرك ... واتمنى من خلال هذا النص ان نرضي ولي شيئ بسيط من ذائقتكم الراقيه والمتعطشه لكل ماهو جديد وسامي ,,,

ادعكم مع هذه المتواضعه ,,,

وش لي بصوتك ؟؟ مدام احساسكـلثاني=يا اما تجيني غلا او فارق احسنلك
ياصاحبي والهوى ماهو بمجاني=فكّر بشيّن سهل .. شرواك .. اضمنلك
انا حبيبي لامني غبت !! يضماني=والا انت محدن درابك غيب ,, بس منلك ؟؟
شفني اصدر غلا ,, لفلان وفلاني=!! ماهو بحبن لهم ,, لكنه غمنلك !!
خلك على سيرة الاحزان وحداني=الضيق زارك ,, وشوفه كيف ممتنلك
ماتعرف الحب !! مثلك دايم يعاني=والله لو انك مطوّع يمكن ازينلك !!
ماينفعك غدرك الي ماتعداني=يا الي الغدر من بعد فرقاك سلمنلك
من غبت عنك وقلبك مابعد جاني !!=وانا خفوقي يجيلك كل ماحنلك
حتى الحنايا تجيك بثوبها .. الغاني ..=قلي شسوي لصار الجرح مدمنلك ؟؟
هذا معنك معذب قلبي العاني=اكيد لوّك تحبه ,, كان طمنلك
يوم المحبه لها اوزان واثماني=جالك حنيني ,, وبعد ماراح ثمنلك
ان كنت ماتعرف الاشواق يافاني=خل المشاعر تفسر ,, او تخمنلك
!! بين الليالي ,, وبين الضيق ,, واحزاني=تحكي عيونك .. بأني صرت همنلك !!
(( ناديت والليل ,, صفقني وبكاني=محدن جرحني سوى ليلن تمكنلك ))
خل الليالي تعرّف قيمة اشجاني=لوّك جهلت الهوى ,, والشوق .. اشونلك
اذبح خفوقي او اجرحني ,, على شاني=وانا بخلي الهوى لجلك ,, وشاننلك
!! فكرت اباعد عن عيونك ,, ولا امداني !!=لنّ بعادك سبق تفكيري ,, وازينلك
!! اقعد على سيرة الاحزان ,, وحداني ,,=والله لو انك مطوّع يمكن احسنلك !!

وسلامتكم ,,,
,, مبـاركـ المجروب ,,

[سعود بن مهدي]

والله انك ادهشتني

سامحني يامبارك لأني مقل بالتواجد والمتابعه

لكن اليوم اصبحت على شي كايف

قافيه ولا اروع ابيات تهز المشاعر وتخاطب الفكر القلوب بكل احساس


وعزالله انك تفردت في ذا القافيه اهنيك على هالقصيده وثق تماما انها كايفه

تقبل موده اخيك سعود


دمت بحفظ الباري

[احمد بن جوفآن]

يآ سَـلآم يآ سـَـلآم


المبدع : مبارك بن مجروب ..

صح لسانك على ذالجـزل ..

.. ولاهنت يالاميـر .. على هالإحساس الراقـي ..

شهادتي فيك مجروحه يا مبارك ..

.. لاتبخل علينا بجديـدك دامنا نحتريـه ..

[غانم بن علوش الهاجري]

صح لسانك قصيده وافيه يامبارك

[سعد بن سريّع]

.
.
.


مبــــارك بـــن مجـــروب

تكفـــى

تكـــفى

تكفـــى

تكـــفى

تكفــى


استمـــر على هذي الطـــروق عزالله هذي فــارقه

دخيــل الاحسأأاس انــا ، عزالله تداوي خوا الراس

استمــر فقط اقــولك استمـــر . .

شفنـي اصـدر غـلا ,, لفـلان وفلانـي = ماهو بحبـن لهـم ,, لكنـه غمنلـك !!

هذي تحفه . .

ان كنـت ماتعـرف الاشــواق يافـانـي = خـل المشاعـر تفسـر ,, او تخمنـلـك

هذي تحفـــه اخــرى . .


دمـــت بخيـــر . .

الغنــاوي

[محمد العزام]

ابن مجروب صح لسانك عز الله انك ابداع على ابداع مشالله عليك

و اسجل اعجابي الشديد في قصايدك و سجلني من متابعيك

... تقبل مروري

[صـــبـــــــــا]

خـل الليالـي تعـرّف قيمـة اشجـانـي=لوّك جهلت الهوى ,, والشوق .. اشونلـك
اذبح خفوقي او اجرحني ,, علـى شانـي=وانا بخلـي الهـوى لجلـك ,, وشاننلـك
!! فكرت اباعد عن عيونك ,, ولا امداني !!=لـنّ بعـادك سبـق تفكيـري ,, وازينلـك
!! اقعد على سيرة الاحزان ,, وحدانـي ,,=والله لو انـك مطـوّع يمكـن احسنلـك !!

ماشاء الله قصيده رووعه

مبدع ماشاء الله عليك

صح بوحك أخوي مبارك

بالتوفيق ...

صــبــــآ

[**الغالي**]

مبارك المجروب صح لسانك ولاهنت ابيات جزله من شاعر جزل

[طفله تمادت بالغرام]

السلام عليكم ورحمة الله وبركاته


!! فكرت اباعد عن عيونك ,, ولا امداني !!
لـنّ بعـادك سبـق تفكيـري ,, وازينلـك
!! اقعد على سيرة الاحزان ,, وحدانـي ,,
والله لو انـك مطـوّع يمكـن احسنلـك


صح السانك يامبارك ولا هنت

[خالد بن رمثان]

مبارك بن مجروب صح لسانك..

قصيده جزله من شاعر جزل..

ولا تحرمنا من جديدك..