السلام عليكم
أعجبتني هذه القصيده وحبيت أنقلها لكم
يابعد كل الرسايل هالرساله=توّها ماكمّلت عمر الطفوله
طفلةٍ فيها العطر يا طول باله=وده يفوح .. ويبوح , وهي خجوله
مثل طبع اللي كتبها من دلاله=في مسافات الزمن وأربع فصوله
دالهٍ لا جيت اشوفه شاف حاله=ما تهيّا منه لو نظره عجوله
صار عندي راس مال .. وراس ماله=ضحكةٍ معها عقل .. بس مهبوله
لاضحك في مسمعي كنّي قباله=كنّي أقطف ورده , وعقده , ولوله
وأحبس بعيني خيال من جماله=وارفع لسمعي يدي كنّي بـ اطوله
وأرسم لزوله شكل يشبه خياله=في خيالي .. والاّ انا ماشفت زوله
كل ما حرّمته .. ألقاني حلاله=وكل ما عنه أبتعد .. قرّبت أنوله
كنت أفكر مرّه ألقى لي بداله=دام وصله صعب .. والأصعب وصوله
قلت يالله نفترق .. كلّن وفاله=قال يالله . قلت لحظه ! من يقوله !؟
أطري الفرقا وأنا من صماله=وأدري ان فرقاه ماهي بالسهوله
كم عذولٍ قد عذلني في وصاله=ومن عذلني قلت له نفس المقوله
ما يخلّي حالة الرّجال حاله=غير بنتٍ في مواقفها رجوله
للشاعر // رشيد الدّهام
العرض الشجري