|
ليه الحكومه ماتزيد المعاشات
ليه الحكومه ماتزيد المعاشات
اخواني الأعزاء لقد اعجبتني هذه المحاوره التي تتكلم عن اوضاع المواطن في دول الخليج من الناحيه الأقتصاديه
وحبيت انقلها لكم واتمنى ان تحوز على اعجابكم . منقوله من جريدة الوطن الكويتيه (حوار القوافي)
ليه الحكومه ما تزيد المعاشـات =والخير من يمنع علينا رشاشـه
ترى المواطن في شتات وتشتات =كاتم ومخفي علته وسط جاشـه
لامن بلاه الوقت واعتاز حاجات =ياكثر منهـو مايفيـده معاشـه
محسن علي الهاجري
النفط سعره زاد وكلٍ برجـوات =الكل ينظر عبـر رادو وشاشـه
لاهو يغرك موترٍزين وسفـرات =كل المواطن دين حتـى فراشـه
مادام حنا في شهر خير ورحمات =خلو قرار الخير يرسـم بشاشـه
شريده المعوشرجي
وقد عارضتهم بهذه القصيده المتواضعه
متى على الله تستجيب الحكومات =للي رجاوي فـي زيـادة معاشـه
بين الرجا والياس لاحي لامـات =مريض هم وفي عضامه هشاشـه
للهم في نفس المواطـن علامـات =يخطي الطريق وفي عيونه عماشه
وللخير في وجه الحكومه اشارات =لكن متى نسمع حديـث البشاشـه
لعـل ودان المـزون الثقـيـلات =يعم وينـوش المواطـن رشاشـه
حتى يعيـد بالفـرح والمسـرات =وتصفي القلوب ويمتلي حب جاشه
زود المواطن ياهل الفكر طولات =ويزيد به نـور البلـد وانتعاشـه
ويفوت الفرصه على كل شمـات =اللي على الهفوات يقـدح فلاشـه
وده يسوي بين الأصحاب هوشات =وياخذ من المحروم شيكه وكاشـه
والوقت له لفـه ودوره وميـلات =والأولـه قالـو خذاهـا عكاشـه
اخوكم زهير
التعديل الأخير تم بواسطة زهير ; 26-10-2004 الساعة 10:41 PM
|
26-10-2004, 10:39 PM
العرض العادي
