حداني على البيت المطرف غلا راعيه=وهو من غلاه البارحه جابني كلي (جزله)/مبارك بن عيينان

[فهد بن مطلق]

السلام عليكم ورحمه الله وبركاته



(دره)لاتحتاج لــ/مقدمه


لــ/مبارك بن عيينان


صلوا على النبي
.
.
.
.
.
.
.
.
.
.
.

أنا لابغيت أسج منـه ومـن طاريـه=قطعني من النسيان والسجـه مهلـي
ليا من سمعته يرفع الصوت واغنيـه=أغني معه ياوجد قلبـي علـى خلـي
برى الحال بعدك والمشقا سرى ساريه=ولا أدري وش أبا خذ من الهم وآخلي
جليس الجفا لاحن قلبه علـى غاليـه=كلته الحسايـف ملـي وملـي وملـي
لو أن الزمن ماباح سـده ولا خافيـه=قنع بالفراق ويدري أن حالـه مولـي
يفل الحجاج وكن مافيـه ماهـو فيـه=يرحب ليا شـاف المناعيـر ويهلـي
ماكن ميسم الفرقا من البارحه يكويـه=ولاكـن قلبـه مـن محانيـه ينتلـي
(حداني على البيت المطرف غلا راعيه)=وهو من غلاه البارحه جابنـي كلـي
على عيون خلق الله ماوده ولا أطريه=من الخوف دمع محير العيـن ينهلـي
ولا باقي الا يشـرك بقلبـي ويغويـه=ويقطع صلاتي كـل ماجيـت باصلـي
يا لبيـه لـو تـروح وتصـد يالبيـه=وعسا الله يسامح راعي الشنه مهلـي

[مناحي الصميل]

الله الله الله


درّه

حداني على البيت المطرف غلا راعيه=وهو من غلاه البارحه جابنـي كلـي
على عيون خلق الله ماوده ولا أطريه=من الخوف دمع محير العيـن ينهلـي
ولا باقي الا يشـرك بقلبـي ويغويـه=ويقطع صلاتي كل ماجيـت باصلـي

العود

كما عودتنا دايم بإختيارك الجزل

لا هنت

[محمد بن دسمه]

لاهنت وصح الله لسانه

بس الشطر ذا لعلي بن سلطان الهاجري وانت اعتقد انك نسيت لاتضمنه اللي هو

(حداني ع البيت المطرف غلا راعيه )

[بندق]

العود


مبدع مبدع



أحسدك على الذائقه العذبه والمتشبعه بــ/شعر



لاهنت وتقبل مرووري



برايفت لــ/محمد بن دسمه:يعني مبارك بن عيينان

حرامي صح


وعلى فكره العود ناقل القصيده ماهو باحث أدبي



العود

لاهنت يالأمير مره ثانيه

[محمد بن دسمه]

إحـتـرامـا لـلـعـود تـم شـطـب كلامي ..

أنا على النيه وطيب وخيرّ . = وغيري يحسب حساب معنى كلامي .!

[محمد بن دسمه]

لاتعليق ..

كبر قدرك يالعود واحترامٍ لااسمك ولا كان بعرف ارد عليه

سلام

[صمــت اليتــاما]

لله درك ياالعود
ولاهنت على روعة اختيارك
دمت بخير



:


اختك صمت اليتاما


:

[فهد بن مطلق]

المشاركة الأصلية كتبت بواسطة مناحي الصميل

الله الله الله


درّه

حداني على البيت المطرف غلا راعيه=وهو من غلاه البارحه جابنـي كلـي
على عيون خلق الله ماوده ولا أطريه=من الخوف دمع محير العيـن ينهلـي
ولا باقي الا يشـرك بقلبـي ويغويـه=ويقطع صلاتي كل ماجيـت باصلـي

العود

كما عودتنا دايم بإختيارك الجزل

لا هنت

مناحي


لاهنت على المرور اللي أثلج صدري

لك تحيااااااتي

[فهد بن مطلق]

المشاركة الأصلية كتبت بواسطة محمد بن دسمه

لاهنت وصح الله لسانه

بس الشطر ذا لعلي بن سلطان الهاجري وانت اعتقد انك نسيت لاتضمنه اللي هو

(حداني ع البيت المطرف غلا راعيه )

محمد بن دسمه

لاهنت على المرووور الجميل

وبخصوص التضمين أبشر طال عمرك المره الجايه

[فهد بن مطلق]

المشاركة الأصلية كتبت بواسطة بندق

العود


مبدع مبدع



أحسدك على الذائقه العذبه والمتشبعه بــ/شعر



لاهنت وتقبل مرووري



برايفت لــ/محمد بن دسمه:يعني مبارك بن عيينان

حرامي صح


وعلى فكره العود ناقل القصيده ماهو باحث أدبي



العود

لاهنت يالأمير مره ثانيه

بندق


لاهنت على المروور الجميل

ووسع صدرك طال عمرك وأبن دسمه مابلا الى أخيك


لك تحيااااااتي