يسعد اوقاتكم..
هذه القصيده رداً على بيتين من قصيده لجني ..
اتركم مع ابيات الجني.. ورد الشاعر/ عنيد الفكر (من شعار النت)
(تمتعــــــــــــــوا ..)
ويقول الجني :
ياحيد ليني لا سمعتي ونيني =تهشمي من عبرت الصدر ياحيد
ياحيد حب صويحبي مبتليني =حبه لجى بين الضميرين ياحيد
رد الشاعر :
ياجن ياللي خافيٍ ما تبيني = بالله وش مسهرك في مقبل العيد
ذكرتني ياجن ماضي سنيني =أيام مرت كلبوها تناهيد
هيضتني وأنا الهوى محتويني=كله سبايب حب منتوقة الجيد
ياجن ياليتك تبين وتجيني=ما دامني وياك في صحصح البيد
ياجن مثلك ما يعرف الحنيني=ليا طراله صاحبه قال ياسيد
واللي سواتي من همومه حزيني=واليا بغى خله حدوه المقاريد
وانته تجي خلك بشكلٍ حسيني=تجي على كيفك بليا مواعيد
عن وصلها كل الظروف تحديني=أخشى من العذال وأهل المناقيد
وياجن دوبك لا تجر الهجيني=أرفق على قلبٍ همومه مواريد
ياجن ما تفزع لقلبي وعيني=وتجيب مزموم النهد سيد الغيد
أبيك تفزعلي وربي عويني=وأبيك تفزع له ولو داره بعيد
والوصف بين كل ما فيه زيني=أسهل طريق لوصفها قايد الصيد
والبدر نوره نور هاك الجبيني=وطوله وطول اللي عليها مكاديد
والعين عين اللي يصيد السميني=ومبيسمٍ فيه المنايا ملابيد
والخد برقٍ ينعش الممحليني=برقٍ سرى ليله مزونه مراديد
والخشم سيف الهند أبو لمعتيني=واللول ساسه من ثناياه تقليد
والعرض في كتفيه والمنكبيني=والخصر شبر ولا عن الشبر بيزيد
وريحة نسمها مسك غالٍ ثميني=أو ريح روضٍ ينعش الروح ويفيد
ونهودها يا حلوها طلع تيني=والشمس في لبة نحرها بتوكيد
والردف مثل الطعس عقب الغشيني=من ثقل ردفه لا مشى كن به قيد
وأنعم من الديباج لمس اليديني=احفظ جميع أوصافها مقدر اعيد
وإن قلت لي يافلان والدار ويني=أقولك في نجد من دون تحديد
وياجن خل العهد عهدٍ متيني=عهودنا حافظ عليها بتشديد
والسالفه يا جن بينك وبيني=غيره من الخفرات ياجن ماريد
وياجن جعلك يالهواوي تليني=جعلك مثل حرٍ مظرى على الصيد
وحنا عرب والنا مذاهب وديني=ورمز الشهامه عاليٍ وله تمجيد
وأنتم معاشر عفرته مارديني=ما أعمكم لو كان فيكم أجاويد
بعض الهوى ينفع وبعضه يهيني=أذكرك في قيس والا فا أبا زيد
وإن كان ما تطلب من الإنس ديني=معشوقتك ياجن تسكن بمدريد
تمت وأصلي عد وبل الغشيني =على النبي مني تحية بترديد
05-07-2008, 06:44 PM
كل الشكر لش على الموضوع الرائع
العرض العادي
