حلم

الفـارس · #1 28-10-2004, 04:02 PM

السلام عليكم

تفضلوا

الا ياحلم ايامي متى وظعي معاك يزين.؟

........تعبت من ((الهموم وكل آمالي)). طواها اليــــاس

اشوفك وسط احلامي اشوفك مثل شوف العين

........وأقول فخاطري((( يالله تحفظه))).... من عيون الناس

حلمت اني فقدت اخر رجى من حلمي المسكين

........واحاول فيه يتحقق.............ولاكنه عنيدالراس

اجيله من يسار ولا قربته راح عني يمين

........احاول فيه.....اقلب فيه......لاكنه شديد الباس

بنيت الحلم من نسج الخيال وشوف رحت لوين

..........لعبي حلمي الوردي.... الين اصبحت في وسواس

((مجرد)) حلم مظمونه ابي خل(ن) يمد يدين

..........يكفيني عن العالم... يعيشني الهنا بإحــساس

ابي حلمي ينسيني كدر يوم(ن)اعيشه بين

........زوايا مابها.... ظحكه وحظ(ن)ماجلب نومــاس

ابي حلمي إلامن ظاق بي صدري يرد البين

........يزيل الهم..عن بالي ويرد لبسمتي الانفـاس

ابي لامن شكى قلبي..يشوفه يستمع له زين

........يحس...من قبل ماتكلم..إلامن شافني مــحتاس

اناماقلت..ابي خل(ن)له اوصاف وجمال وزين

........ابي(شخص(ن)وفي..صادق..يذوقني الغراام بكـــاس

ابي شخص(ن)مثل هالخلق فيه الزين وفيه الشين

........ولابــالغت في حـــلمي....... ولاحطيت له مقياااس

((مجرد))حلم لاأكثر يراود خاطري كل حين

........ابي لامن ظلمني الوقت يصير فعتمته نبرااااس

وانا لو يطلب الغالي / فؤادي/ والعمر/ والعين

........((فداااه))العمر وأيامي وجفني له غطا ولبـــاس

تحياتي

الفارس

ابوحمد الشامري · #2 29-10-2004, 01:59 AM

لاهنت اخي العزيز الفارس على هذه القصيدة الجميلة.

ابوحمد الشامري

الفـارس · #3 29-10-2004, 02:00 AM

ولا انت يا بن شامر وشكلها ما نالت اعجاب احد الا انت

قبلةالعجمان · #4 10-11-2004, 06:54 AM

الفارس

صح لساااانك ...

فتى الجزيرة27 · #5 11-11-2004, 02:19 AM

لاهنت ياالفارس وصح السانك

بخطوط حرفك وجزل الكلام

كتبت واتقنت وابدعت

ولك تحياتي
فتى الجــــــــــــزيرة
(ف)27