,,,, الطـّيــــــب ,,,, لــــ ابن شتــــــران

[نـاصـر آل نـصـار]

المشاركة الأصلية كتبت بواسطة ابن شتــــران

السلام عليكم ,,

بدايه جديده وانضمام جديد لي هنا
اتمنى ان يكون انضمام خيـر وهذه
اوّل مشاركه اتمنى ان تكون طيـّبه ,,


,,,, الطـّيــــــب ,,,,


:

:


الطيــب حاجه فرّقت ناس عن ناس
والعز طودٍ صعب ياتيه مخلـوق

بين الحنايا ينبض بقلب واحساس
وفي عين كل شخصٍ بغى يصعد لْفوق

والطّـيب درب العز من دون مقياس
لا صار كل رجّال ينساق له سوق

إمّا بوراثة خالٍ و عمٍ و ساس
ولاّ بصلاح الله في شخص مفروق

والفرق واضح بين النـْحاس والماس
فرق السما والقاع والذوق والعوق !

كلن على يمناه ياتي بنوماس
وكلن بجيده وجـْهده يسبق بروق

والطيب لو اني بحطّه بأقواس
بيـّنت وشهو قبل ما تنطق حْلوق !

الطّيب طيب الفعل والقلب والراس
واليدّ لو جابت بعد طرد ملحوق

يمنىً معآ يسرى بصمله وقو باس
تغرس لك اثمارٍ وتظهر لك عروق

ويمنىً بلا يسرى بقولٍ معآ ياس
كف الرخوم اللي مـَ تعرف لك حقوق !!

الله يبعّدنا عن وجيه الخْساس
ويجعلنا في قاعٍ ويجعلهم بْطوق

والله يكرّمنا عن اجناس واجناس
اللي تسوّ الطيب لكن بلا ذوق !!

طيبٍ يموت بوقت ما ينكسر كاس
وطيبٍ بعد ما ينكسر كاس جا فوق

قرناس .. يامشعل بنا الطيب قرناس
مادام طيبك ينبض بوسط معلوق

والطـّيب حاجه فرّقت ناس عن ناس
والعز طودٍ صعب ياتيه مخلوق !

:

:

ابن شتــــران

صح الله السااانك يبن شتراان
وحيااااك الله بين ربعك واخواانك