ماهي اشد الجروح ألمآ؟بالنسبه لك.؟

[دغري]

السلام عليكم ورحمه الله وبركاته ..



الاعضاء الاعزاء .......



هذا الموضوع فيه شويه من الحسااسيه..... واتمنى الاجاابه على سؤالى بكل عفووويه وصراااحه




اخواني الكرام الموضوع عباره سؤال لكل واحد ..



فكما تعلمون كل الجروح سواء ....فكلها تجتمع في صفة واحدة وهي صفة الم.....

فالألم واحد وان اختلف فانه يختلف برؤيتكم له ....وكل له رأي خاص.

فمـــا هي أشد الجـــروح ألمــــــــــــا ...؟ ولمـــــــــــاذا ...؟

1- جرح الصديق

2- جرح الأهل

3- جرح الغريب

4- جرح النفس

5- جرح الحبيب

ارجو المشاركه ...والتعليـــــــــــــــــق على هذا الموضوع ..

[قبلةالعجمان]

لاهنت يا اخوي الدغري ....

على هالموضوع ...


بالنسبه لي كل هالجروح كل واحد فيهم اشد الما من الثاااني

1- جرح الصديق ...

الصديق هو الانسان الملازم لك في جميع ايامك واوقاتك ...وهو المعين لك على هذه الدنيا ...وهو الذي يشد الظهر فيه ....
لكن عندنا نتعرض لجروح من الاصدقاء هنا نقف قليلا ونراجع انفسنا ...
فالصديق الحقيقي لا يجرح صديقه ... ولا يرهقه .. بل يخفف عنه كلما استطااااع ويتغاضى عن زلاته ... حتى تستمر علاقتهم ببعضهم البعض .. اما ان كان الصديق من الذين ينتظرون زلات اصدقاااائهم فهم ليسوو جديرين بالصحبه
يقول الشاعر :

بعض الاصحاب كالتاج نلبسهم =وبعضهم كديم النعل نرميهم ...

2- جرح الاهل ...

بالنسبه لي فلا هناك جروح من الاهل .. لانهم جزء منا ونحن جزء منهم .. ولا يستطيعون ان يجروحنا ولا نستطيع ان نجرحهم ...
فكلما غضبوا منا تجدنا تلقائيا نبااادر بالاعتذار ....


3- جرح الغريب :

من اشد الجروح التي تصيب النفس .. لانه مهما كان انسان غريب لا يعلم من انا ..؟؟ من اكوون ..؟؟ ويبادر بجرحي ..

(( يا غريب كن اديب ))





4- جرح النفس ...


؟؟




5- جرح الحبيب ...

انه من اعظم واعمق الجروح التي تصيب قلب وعقل وروح وفكر العاشق ...
لانه وهبه وقته وروحه وحبه وقلبه وكل ما فيه ...
وقاسمه الاحلام و الايام واللحظات والساعات ....
وبنى معه قصور الحب والعشق ...
ورحل معه الى دنيا الخيال .. ودنيا ليس للعاذل فيها مكان...
ووعده ... وعاااهده بالا يخووووووون ...
الخيانه شي صعب ... بل وشي هي فعل دنيء ... تنكر بها العاشق الولهااان ولكن سرعان ما خلع قناعه وانكشفت حقيقته ...

انت الخيا نه لاتقول الزمن خان=وش دخل ايام السنه با لمو اضيع


*****

عطيتك حب من قلبي وجازيت الغلا بفراق ????= حقيقه فعلتك فعله تهز القلب وتهينه

نعم ... فالجرح شي اليم .. على النفس مهمااا كان سواء من الاهل من الاصدقاء من الحبيب من .................. الخ

وعن تجربه شخصيه عشتها في حياتي ... الصبر والسلوان .. افضل الطرق للتغلب على ما حصل

اصبر على الشدات في يوم بتزول = واكتب في تاريخك هزمت الصعايب

سامحوني على الاطاله لكن الموضوع شيق ...
لاهنت دغري

[السنـــــافية]

يعطيك العافية على الموضوع المميز

اعتبر كل هالجروح مؤلمة ولها ثاثير


وبالنسبة لى::::::

جرح الصديق,,,,

اعتبرة من اشد الجروح الما لان الصديق من اقرب الناس لى واللى اكون فى حاجتهم دايم ويكون فى جنبى وبالتلى جرحة لى اكيد بيكون شديد

جرح الأهل,,,
اللى اشوفة انة مهما صار من الاهل لايمكن ان يصل لحد الجرح اللى يكون شديد ومؤلم لان الاهل منى وفينى ومستحيل يجرحون

جرح الغريب,,,
اعتبرة من اقل الجروح الماا لانة انسان غريب وجودة لايعنى لى شى وبالتالى سهل انسى جرحة بكل بسااطة

جرح النفس,,,
صراحة انا مافهمت شنو تقصد بجرح النفس ؟

جرح الحبيب,,,
من أشد واقسسسى الجروح الما واللى مستحيل ينسى لان الحبيب شخص انا عطيتة كل حبى وكل ماملك وجرحة لى عمرة ماراح يكون جرح عادى وبسيط


فكل الجروووووووح لها تاثيرها وشدتها على شخص الانسان لانها اكيد مصدر هالجروح اقرب الناس لىىى وعشان جذى كان لها هالثاثير لانها لو كانت من ناس لايعنون لى شى ماتاثرنا فيهااا

كل الشكر لك

[وردة&العجمان]

دغري


تشكر على مو ضوعك الطيب


وجابه الله


اولا : احب اقول

ماعندي اي جرح لا من اهلي ولا من حبيب ولا من غريب ( ولله الحمد )

يعني مااقدر اعلق على اي وااحد فيهم بس اتوقع كلهم مهمييييين وحسب شخصيه الانساااان اذا كااااان حساااااس وعنده شعووووور او شعوووره باااااارد الى العدم ولا تستغربوون ترى في نااااس عديمين الاحسااااس بمعنىالكلمة ياجماعه .....


((الا))

جرح الصديق اعتبره جرح كبييييييير بالنسبه لي


والله يسامح كل مخطي وكل غلطان ...

تدرون ليش لان الصداقه اجمل شي بالدنيااا وفي دراسااات كثيره اثبتت ان نجااااح الانسااااااان يرجع الى التاثير من اصدقائه ...


و بنظري كل الجرووح تهوووون
الا جرح الحبيب هذا الجرح اللي مستحييييييييييييل
يزاال لانه من شخص اقرب من نفسك ..



.... المهم .....

احب اضيف قصيده تبين اثر جرح الصديق

وللاسف ......

وهي لشاعرهاااا : عبدالله الحجيلان

يقوول واقوول ... :


في ساعةٍ قمت اتذكر غلاهم
اوجست طعن ارماحهم في حشايه
كنت اعتقدلحظة خفوقي طراهم
نفس الشعور يبادلونه معايه
من زود ودي كنت احس إبكاهم
وأبكي معاهم من خفاي بخفايه
وافرح لهم لو بالخفا من غلاهم
كم كنت متضايق و ناطر لقاهم
(ناطر على جمرأنتظار إصدقايه)
الويل شفته من يديهم ولا هم
حسوا بهمن صار سبة شقايه
وكنت احترق في داخلي من بلاهم
مكسور خاطر في صباح ومسايه
وكنت اشرب امرارٍ تجيني وراهم
صحيح وادري من يديني بلايه
ياما وطيت النار اتبع رضاهم
وكم شلت عنهم ماتشيله سمايه
وياما شربت من الغرابيل ماهم
إلين حد الموت وصلت معايه
عامين راحت ماطلعلي وفاهم
بس الهجر منهم جزاي لوفايه
أول أحسب الكون مابه سواهم
؟وأثر الاكيد:أنسان مابه سوايه
اكبر غبي صدقت تمطر سماهم
لين اتضح لي بعدهم بالنهايه

واكرر شكري لك على موضوعك الطيب اللي نقدر نبين مدى اشد الجروح ألمااا




تحياتي
وردة&العجمان

[/color]

[هند]

ياسسسلام
مابعد قولكم قول

كل جرح وله ألم ويتفاوت حسب مكانة الشخص الجارح


ودمتم سالمين

السؤدد

[كويتيه]

يعطيك العافيه اخوي دغري على الموضوع..

اماا عن الجروح.. اتوقع انه اصعب جرح بيكون جرح الاهل..
عشانهم اقرب الناس لك.. منك وفيك ماتقدر تعيش من غيرهم.. من جذي جرحهم بيكون اصعب واقسى واعمق جرح..


الصديق.. بتلقى غيرده صديق.. صج صعب انك تلقى صديق وفي .. بس اكيد بتلقى..
و الحبييب.. يمكن اني اكون اخطأت بختيار الحبييب.. من جذي بتحمل الجرح..
الغريب... مااتشره على الغريب.. و لاعتبر اساته لي جرح.. عشانه مايعنينيي شي..


اماا النفس.. اعتقد انه من اصعب الجروح ايضا.. حيناا تجرح نفسك بعمل انت قمت به.. و اهنت روحك فيه مو شرط تكون الاهانه جدام الناس.. بس انت اهنت نفسك جدام نفسك.. و ماعدت تحترم نفسك مثل اول حتى لو الناس كلهم يحترمونك. بيتم الجرح اللي سويته حق نفسك.. نقطه سوده بحياتك مع كل ذكرى بتتذكرهاا اكيد..

يعطيك العافه
و لك من كل التحيه

[كويتي]

لاهنت اخوي دغري على ما كتبت

كويتي

[ابوحمد الشامري]

كل شيء يهون ولا جرح النفس خاصه اذا كانت نفس الانسان عزيزه عليه اما الجروح الثانيه لها بدائل تخفف عليه الجروح.

لا هنت يا الدغري على الموضوع الجميل.

ابوحمد الشامري

[جالس بن مبارك]

لا هنت يا دغرى و كلها صعبه على النفس